Fréttir - Eyjafréttir - 06.01.2023, Page 15

6. janúar 2023 | | 15
Halldór Benjamín Þorbergsson
framkvæmdastjóri Samtaka
atvinnulífsins sagði í samtali við
Eyjafréttir SA stöðugt vera að
horfa til þess hvernig hægt er að
efla grunnstoðir íslensks atvinnu-
lífs og þar með samfélagsins alls
en menntamál eru sannarlega ein
af þessum stoðum. „Við höfum á
síðustu árum talað fyrir mikilvægri
þróun á íslensku menntakerfi,
bæði hvað varðar kerfislæga þætti
og umgjörð menntamála en við
höfum einnig beint sjónum okkar
að faglegum viðfangsefnum,
inntaki náms, áherslum í lestri
og öðrum mikilvægum greinum.
Verkefnið Kveikjum neistann
tekur á öllum þessum þáttum og er
að okkar mati mikilvægt innlegg í
skólaþróun á Íslandi í dag.“
Samstaðan mikilvæg
Halldór segir Kveikjum neistann
og samstarfið sem því tengist
vera verðmætt og mikilvægt fyrir
margra hluta sakir. „Það er sér-
staklega verðmætt að fá tækifæri
til fara af stað með verkefnið í
skólasamfélagi þar sem allir eru
tilbúnir til að leggja sitt að mörk-
um. Samstarf allra aðila er gömul
saga og ný varðandi forsendur
árangurs í menntun barna okkar.
Þetta höfum við sannarlega séð
raungerast í verkefninu í Eyjum
þar sem skólasamfélagið allt hefur
staðið við bakið á verkefninu og
árangurinn er eftir því. Íslenskt
menntakerfi í heild sinni er
umfangsmikið og verkefni á sviði
skólaþróunar oft á tíðum þung í
vöfum en hér fáum við tækifæri
til að reyna þetta í lítilli einingu
og með mikilvægri aðkomu allra
hagaðila og með þessu skapast
vonandi fordæmi sem aðrir kjósa
að fylgja á komandi árum.
Annað sem er afar dýrmætt í
þessu verkefni er hversu heildstætt
það er, þ.e.a.s. það tekur bæði á
skipulagsmálum og því hvernig
við byggjum upp skóladaginn en
líka kennslufræðilegum við-
fangsefnum. Eins og nafnið felur
í sér er inntakið í verkefninu að
kveikja neista á meðal nemenda,
virkja áhugahvöt og ástríðu og það
verður varla gert nema hugað sé
að hvoru tveggja þ.e. skipulagi og
umgjörð annars vegar og inntaki
náms og kennsluháttum hins
vegar.
Í þriðja lagi langar mig að nefna
það sem ég er hvað ánægðastur
með varðandi þetta verkefni sem
er sameiginleg sýn skólasam-
félagsins, stjórnvalda og íbúa í
Eyjum, atvinnulífsins og íslenskra
menntamálayfirvalda um mikil-
vægi þessara mála. Að verkefninu
koma allir þessir aðilar sem skuld-
binda sig með fjármagn, tíma,
athygli og orku í að vinna að fram-
gangi mikilvægra mála í íslensku
samfélagi. Það sýnir okkur hvaða
árangri er hægt að ná þegar allir
leggja saman kraftana með metnað
að leiðarljósi.“
Vilja að nemendum líði
vel í skólanum
Aðspurður um það hvað það sé
sem SA sjá fyrir sér að verkefni
sem þetta skili af sér sagði Hall-
dór. „Við viljum fyrst og síðast sjá
að verkefnið leiði til þess að nem-
endur fari áhugasamir í skólann
þar sem þeir sinna námi af ástríðu.
Við viljum að nemendum líði vel í
skólanum hvort sem er drengjum,
stúlkum, íslenskum börnum eða
börnum sem eiga annað móðurmál
en íslensku. Við slíkar aðstæður
eflast nemendur og líkur aukast á
að þeir nái betri árangri.“
Hann segir samfélagið þurfa á
því að halda að líðan og námsár-
angur í íslenskum skólum verði
betri. „Eitt af því sem einkennir
öflugustu menntakerfi heims er
trúin á að allir geti lært, við trúum
því og viljum skapa aðstæður til
að svo geti orðið. Við vitum líka
að allir eru góðir í einhverju en
enginn er góður í öllu.
Við eigum að skima eftir styrk-
leikum og vinnum í gegnum þá
að því að vega upp og bæta úr
veikleikum. Við dæmum ekki
fisk af því hvernig honum gengur
að klifra í tré þó það sé afbragðs
mælikvarði fyrir aðrar dýrategund-
ir. Sama villa felst í því að brjóta
framúrskarandi verkmann og
skapandi einstakling niður með
ítrekuðum mælingum á leshraða,
það kann að leiða til þess að dýr-
mæt tækifæri glatast hvað varðar
það að rækta hæfileika og færni.“
Skref í rétta átt
Halldór hafði þetta að segja að
lokum. „Ef íslenskt samfélag á að
vaxa og dafna á komandi árum
þarf öflugt atvinnulífi og forsenda
þess er öflugur mannauður. Við
þurfum ólíka hæfileika og ólíka
einstaklinga í fjölbreytt verkefni.
Við þurfum allar hendur á dekk
og grunnurinn í því er að öflugt
menntakerfi fyrir alla. Kveikjum
neistann er sannarlega skref í rétta
átt hvað varðar það mikilvæga
markmið.“
Framkvæmdastjóri SA Mikilvægt innlegg í skólaþróun:
Sameinað kraftana með
metnað að leiðarljósi
Halldór Benjamín Þorbergsson framkvæmdastjóri Samtaka atvinnulífsins.
Ýmis tól eru notuð til að auka áhuga barna á náminu s.s. spil og spjaldtölvur
FRÉTTAPÝRAMÍDINN2022