Fréttir - Eyjafréttir - 15.06.2023, Side 15
15. júní 2023 | | 15
Vel á fjórða hundrað manns voru
á sjómannaskemmtuninni í Höll-
inni á laugardagskvöldið þar sem
boðið var upp á glæsilega dagskrá
sem Halli melló stjórnaði af skör-
ungsskap. Maturinn, sem Einsi
Kaldi og hans fólk reiddi fram
frábær að venju. Magni mætti
með gítarinn. Una og Sara tóku
lagið og Herbert Guðmundsson
kom öllum í gír fyrir ballið þar
sem Á móti sól ásamt Ernu Hrönn
lék fyrir dansi.
Hápunkturinn var uppboðið á
Sjómannabjórnum sem í ár var
nefndur eftir Stjána á Emmu,
Kristjáni Óskarssyni og var
sleginn á 850 þúsund. Fjölskylda
Stjána bætti um betur, skellti 150
þúsundum í púkkið og rennur
upphæðin, 1 milljón óskipt til
Krabbavarnar í Vestmannaeyjum.
Maggi Meló var uppboðshaldari
og eins og á alvöru uppboðum
voru áhugasamir í símanum. Rikki,
Ríkharður Zöega sá um þann þátt
uppboðsins. . Mynd: Addi í London.
Einn af hápunktum sjómanna-
dagsins er þegar stéttarfélög
sjómanna heiðra félaga fyrir vel
unnin störf á sjó. Athöfnin var að
venju á Stakkagerðistúni og var í
höndum Valmundar Valmundsson-
ar, fyrrum formanns Sjómannafé-
lagsins Jötuns í Vestmannaeyjum
og nú formaðs Sjómannasam-
bands Íslands.
Skipstjóra- og stýrimannafé-
lagið Verðandi heiðraði Sigurð
Ólafsson sem hætti á sjó á síðasta
ári eftir 42 ára sjómennsku. Síðast
á Heimaey VE. Jötunn heiðraði
Friðrik Helga Ragnarsson sem
kom víða við á löngum sjómanns-
ferli. Vélstjórar heiðruðu Steinar
Pétur Jónsson fyrir farsælt starf
á löngum sjómannaferli. Sértaka
viðurkenningu Sjómannadagsráðs
fékk Gunnlaugur Erlendsson, kaf-
ari, skipstjóri á björgunarbátnum
Þór og fyrrum sjómaður sérstaka
heiðursviðurkenningu fyrir þjón-
ustu við sjómenn.
„Þegar dauðinn sækir að og
skilur eftir djúp för í okk-
ar garði þá þörfnumst við
huggunar og friðar. Og hann
hefur vissulega tekið einn af
sonum þessarar byggðar í ár.
Við minnumst með söknuði
og virðingu vélstjórans Ólafs
Más Sigmundssonar sem
stundaði sjóinn frá unglings-
aldri.
Hann var að vitja bátsins
síns þegar hann lést við
Nausthamarsbryggju á ferð
sinni um höfnina þann 11.
apríl síðastliðinn,“ var meðal
þess sem Guðni Hjálmarsson,
sagði í hugvekju við athöfn
við minnisvarða um drukkn-
aða, hrapaða og þeirra sem
farist hafa í flugslysum að
lokinni sjómannamessu við
Landakirkju.
Það var barnabörn Ólafs Más,
sem lögðu krans við minnis-
merkið. F.v. Ólafur Már Harðar-
son, Lucy Fonseca, Christian
Fonseca Ólafsson, Ragnhildur
Ólafsdóttir og Stefán Jökull
Jóhannesson
Stjáni á Emmu sleginn á 850 þúsund
Kynjaverur á Sjómannafjörinu á
Vigtartorgi. Mynd: Addi í London.
Hilmar Snorrason, skólastjóri
Slysvarnaskóla sjómanna hélt há-
tíðarræðuna. Mynd: Addi í London.
Una og Sarah sungu sig inn í hjörtu
gesta á sjómannaskemmtun í Höll-
inni. Mynd: Addi í London. Ólafs Más minnst
Sigurður, Friðrik Helgi, Steinar Pétur
og Gunnlaugur heiðraðir
Gunnlaugur, Sigurður, Friðrik Helgi og Steinar Pétur voru heiðraðir í ár.
Mynd Addi í London.