Skinfaxi - 01.05.2024, Blaðsíða 32

32 S K I N FA X I
Leitum til ungs fólks
af öllum kynjum
Klara Bjartmarz hélt eftirtektarvert erindi á ráðstefnu um
konur og íþróttir í mars. Þar benti hún á afturför í jafnréttismálum.
Íþróttahreyfingin þyrfti alltaf að vera á tánum.
„Ef við ætlum að ná jafnrétti í íþróttum þurfum
við fólk með jafnréttishjarta í forystu. Svo ein-
falt er það. Það skiptir ekki máli í hverjum
hjartað er,“ sagði Klara Bjartmarz, sem nýhætt
er sem framkvæmdastjóri Knattspyrnusam-
bands Íslands (KSÍ). Hún hélt kröftugt erindi á
ráðstefnunni Konur og íþróttir, forysta og fram-
tíð, sem ÍSÍ og UMFÍ stóðu saman að í mars
í tilefni af alþjóðlegum baráttudegi kvenna.
Ráðstefnan var afar vel sótt, en um 120 þátt-
takendur mættu á hana og um 100 manns
fylgdust með í gegnum streymi.
Dagskráin var þétt frá kl. 9:00 til rúmlega
12:30 með mörgum áhugaverðum erindum.
Klara ræddi í erindi sínu um kynjahlutföll í
íþróttahreyfingunni og setti þau í samhengi
við störf sín eftir þrjátíu ár hjá KSÍ. Benti hún
meðal annars á að hlutfall kvenna í stjórn KSÍ
hefði á síðasta þingi farið úr 40% niður í 20%.
Þetta væri bakslag sem yrði að vera tímabund-
ið því ætíð þyrfti að halda áfram að jafna hlut
kynjanna.
„Við sváfum á verðinum. Við kolféllum um
deild,“ sagði hún.
Klara rifjaði upp að á árum áður hefði hún
verið virk í baráttu Samtakanna 78 fyrir mann-
réttindum hinsegin fólks. Um svipað leyti hefði
konum verið að fjölga á vinnumarkaði og í
stjórnum félaga. Hún benti á að fjórum árum
eftir að Vigdís Finnbogadóttir var kosin forseti
hefði engin kona verið í stjórn KSÍ og aðeins
ein kona í nefndum. Ein kona hefði verið í
hlutastarfi hjá KSÍ. Árið 1984 hefði A-landslið
kvenna í knattspyrnu verið lagt niður og það
ekki verið endurreist fyrr en árið 1993.
„Ég fór á marga fundi í tengslum við starf mitt,
meðal annars á fræðslufundi innan íþrótta-
hreyfingarinnar. Þá voru það mín orð að fram-
þróun í mannréttindabaráttu samkynhneigðra
gengju hægar hjá kirkjunni og í íþróttahreyf-
ingunni en annars staðar. Ég verð að viður-
kenna að mér finnst ég vera að endurtaka
sjálfa mig,“ sagði hún og lagði áherslu á
mikilvægi þess að fá sem flesta að borðinu;
sérstaklega ætti yngra fólki að gera breyting-
ar á hreyfingunni og færa hana til nútímans í
jafnréttismálum.
„Við þurfum fólk af öllum kynjum sem setur
jafnréttismál á dagskrá og að styðja við þau
sem tala fyrir jafnrétti sem mannréttindum.
Við þurfum líka að fá ungt fólk ef við ætlum
að breyta einhverju, til dæmis til þess að
breyta menningunni,“ sagði hún og hamp-
aði konunum sem mættu á ráðstefnuna.
Í hnotskurn: Hulda sagði frá því að þegar
hún var yngri hefði hún getað þulið upp öll
lið í Pepsi-deild karla í knattspyrnu. Það hefði
ekki verið vegna þess að hún hefði legið yfir
öllum leikjunum heldur vegna þess að sí og
æ var verið að ræða um deildina í fjölmiðlum.
Hulda stofnaði verslunina Heimavöllurinn
árið 2018 til að auka sýnileika kvenna í knatt-
spyrnu. Þarna skein stjarna Söru Bjarkar
Gunnarsdóttur skært. Hún spilaði þá með
þýska stórliðinu Wolfsburg og vann þar Meist-
aradeildina en fór eftir það til Lyon í Frakklandi.
„Við fórum á yngri flokka mót stúlkna árið
2019 og ég spurði stelpurnar hver væri upp-
áhaldsleikmaður þeirra. Þær nefndu nánast
allar Aron Einar eða Gylfa. Það var eins og þær
vissu ekki af öðrum möguleikum,“ sagði Hulda
og undraðist að við allar kringumstæður hefðu
stelpurnar átt að vera löngu búnar að vegg-
fóðra herbergi sín með myndum af Söru Björk.
Hulda sagði í raun lítið hafa verið gert til að
sýna konur í knattspyrnu. Hún hefði ekki séð
Hulda Mýrdal frá versluninni Heimavöllurinn:
„Hvernig breytum við leiknum“
Ráðstefnan Konur og íþróttir, forysta og framtíð
neina treyju merkta knattspyrnukonu, hvað þá
veggspjald með nafni liðs viðkomandi stjörnu.
Engar sérstakar búðir hefðu heldur verið fyrir
þær. Því hefði Heimavöllurinn ákveðið að
breyta.
„Þetta er svo miklu rótgrónara í samfélag-
inu en maður gerir sér grein fyrir. Samfélagið
mótar hugmyndir okkar og krakkar sjá hvað
er í boði. Strákar eru notaðir til að auglýsa fót-
boltafötin og vörurnar,“ sagði Hulda og ákvað
því að panta nokkur hundruð treyjur með nöfn-
um knattspyrnukvenna. Þvert á úrtöluraddir
seldust hundruð af treyjum merktum Lyon
með nafni Söru Bjarkar.