Skinfaxi - 01.05.2024, Blaðsíða 37

S K I N FA X I 37
Ekki missa af viðburði UMFÍ í sumar!
Forsetahlaupið er 9. maí í samstarfi við Embætti forseta Íslands,
Ungmennafélag Álftaness og Skokkhóp Álftaness.
Landsmót UMFÍ 50+ er í Vogum á Vatnsleysuströnd 6. – 9. júní í
samstarfi við Ungmennafélagið Þrótt Vogum og Sveitarfélagið Voga.
Unglingalandsmót UMFÍ er um verslunarmannahelgina, dagana
1.– 4. ágúst. Mótið verður í Borgarnesi og er það haldið í samstarfi við
Ungmennasamband Borgarfjarðar og sveitarfélagið Borgarbyggð.
Drulluhlaup Krónunnar er brakandi hresst fjölskylduhlaup sem
verður 17. ágúst í Mosfellsbæ. Hlaupið er haldið með Krónunni og
Ungmennafélaginu Aftureldingu. Hlaupið var fyrst haldið fyrir þremur
árum og hefur það slegið í gegn. Búist er við metþátttöku nú í ágúst.
Ungmennaráðstefnan Ungt fólk og lýðræði fer fram í húsnæði
Skólabúða UMFÍ að Reykjum í Hrútafirði dagana 20. – 22. september.
Þetta er ráðstefna fyrir ungt fólk á aldrinum 15–30 ára. Allt fólk á
þessum aldri er velkomið á ráðstefnuna.
Þú getur kynnt þér alla viðburðina á umfi.is!
Sprækir þátttakendur sem skemmtu sér á viðburðum UMFÍ í fyrra geta endurtekið leikinn þetta sumarið.
Bæði er hægt að sækja íþróttaviðburði og ungmennaráðstefnuna Ungt fólk og lýðræði.