Vesturbæjarblaðið - des. 2023, Blaðsíða 2

2 Vesturbæjarblaðið
Útgefandi: Borgarblöð ehf.
Eiðistorgi 13-15 • 172 Seltjarnarnes • Pósthólf 171
Rit stjóri: Þórður Ingimarsson • Sími: 893 5904
Netfang: thordingimars@gmail.com
Auglýsingasími: 511 1188
Heimasíða: borgarblod.is
Net fang: borgarblod@simnet.is
Um brot: Borgarblöð ehf.
Prentun: Landsprent ehf.
Dreif ing: Póstdreifing ehf.
11. tbl. 26. árgangur
Vesturbæjarblaðinu er dreift í hvert hús í póstnúmerum 107, 102 og 101.
Skipulagssaga Reykjavíkur er umlukinn ýmsum áhrifaþáttum.
Þegar bærinn við Sundin tók að breytast í átt til borgar logaði
heimurinn í báli. Áhrifa heimsstyrjaldarinnar 1939 til 1945 gætir
verulega í þróun Reykjavíkurborgar.
Allt fram að þeim tíma var byggð í Reykjavík samfelld. Þungamiðja
hennar var í Kvosinni. Á fimmta áratugnum var farið að leggja
drög að skipulagi Norðurmýrarinnar. Fyrsta bæjarhverfisins utan
Hringbrautar. Um svipað leyti hófust byggingar í austanverðu
Kleppsholti. Nokkru síðar komu Teigahverfið, Vogahverfið og nýi
Vesturbærinn. Öll utan gamla kjarna borgarinnar.
Breski herinn byggði flugvöll í Vatnsmýrinni. Hann kom í veg
fyrir áframhaldandi vöxt byggðar til suðurs í átt að Skerjafirði.
Herskálar voru fluttir hingað og reistir við jaðra byggðarinnar. Þeir
tóku pláss og stóðu í vegi fyrir nýrri byggð.
Áþessum tíma efldist atvinnulíf í borginni. Hersetan leiddi af sér
eftirspurn eftir atvinnu og útvegsstarfsemi óx fiskur um hrygg
með tilkomu nýrra fiskiskipa.
Miklir búferlaflutningar hófust af landsbyggðinni. Íbúum
Reykjavíkur og nágrennis fjölgaði jafnt og þétt. Borgaryfirvöld
gátu ekki fylgt þróuninni eftir í húsnæðismálum.
Íhúsnæðisneyð var gripið til þess óyndisráðs að taka herbyggðirnar
fyrir bústaði innfæddra. Á góðu landi fyrir ný íbúðahverfi urðu til
frumstæð og ómanneskjuleg búsvæði sem engum gátu verið til sóma.
Pólitísk sjónarmið komu einnig við sögu. Áhersla var lögð á dreifða
einbýlabyggð. Fjölbýli þéttari byggðar voru síður og jafnvel
ekki á dagskrá.
Áþeim tíma sem af er þessari öld hefur verið unnið að því að vinda
ofan af þeim vanda sem skapast hafði að miklu leyti af ástæðum
sem voru óviðráðanlegar. Einkum vegna hersetunnar.
Um þéttingu innri byggðar eru skoðanir skiptar. Í henni fellst
breyting á því sem fólk var vant. Einkum eldra fólk. Í því
sambandi verður þó að hafa í huga ástæðu þess að byggðin þandist út
um allt. Nú er hún loks að breytast úr bæ í borg.
Úr bæ í borg
DESEMBER 2023
ALHLIÐA MÚR- OG STEYPUVIÐGERÐIR
www.husavidgerdir.is/hafa-samband
info@husavidgerdir.is - Sími 565-7070
Finndu okkur á
Fegrun og lenging líftíma
steyptra mannvirkja er
okkar áhugamál. Við
höfum náð góðum árangri
í margs konar múr- og
steypuviðgerðum,
múrfiltun, steiningu og
múrklæðningum. Hafðu samband
Við skoðum og gerum tilboð!
Gamla tréð okkar er
nú jólatré á Hagatorgi
Mig langar að vekja athygli ykkar á fallegu jóla­
tré sem komið er á Hagatorg. Þetta tré á skemmti­
lega sögu og smá tengingu við Vesturbæinn.
Þannig er að móðir mín er fædd og uppalin á
Víðimelnum. Eftir háskólanám í Þýskalandi byggðu
hún og faðir minn hús í efri byggðum þar sem hún
býr enn.
Í kringum 1985 voru gróðursett nokkur lítil tré í
garðinum okkar. Meðal annars fallegt lítið greni­
tré sem ég og systir mín settum oft jólaljós á þegar
við vorum yngri. En svo byrjaði tréð að vaxa af
einhverjum ofurkrafti og fyrir nokkrum árum fór
móðir mín að íhuga að láta fjarlægja það þar sem
það tók alla sól frá henni.
Núna í haust fékk hún loks vaska menn til verk­
sins en þeir neituðu að fella tréð þar sem það væri
svo fallegt. En þess í stað höfðu þeir samband við
Reykja víkurborg sem vildi endilega fá tréð og hafa
það einhvers staðar í borginni.
Móðir mín, sem ber enn sterkar taugar til Vestur­
bæjarins vildi engan annan stað en Hagatorgið. Hún
á barnabörn í Melaskóla, Hagaskóla, Landakotsskóla
og Austurbæjarskóla og öll hennar börn búa í 107 og
101 og vildi hún að afkomendur sínir myndu njóta
þess að hafa tréð hér í Vesturbænum. Tréð sem er nú
ljósum skreytt á Hagatorgi er bara efsti parturinn af
trénu. Ég geri mér engan veginn grein fyrir því hvað
tréð var orðið stórt en það var einhverjir tugir metra
að hæð.
Helga Ingimars.
Aðfluttur Vesturbæingur.
Átjándi íbúðakjarninn
Dagur B. Eggertsson borgar­
stjóri, afhenti á dögunum sex
tilvonandi íbúum nýs íbúðakjarna
að Vestur götu 67 lykla að íbúðum
sínum. Íbúðirnar í kjarnanum eru
allar rúmgóðar og bjartar, með
svölum sem snúa í suðvestur og
fallegu útsýni. Íbúar og aðstand­
endur þeirra, starfsfólk, fulltrúar
Reykja víkur borgar og Félags­
bústaða, hönnuðir hús sins og
aðrir velunnarar voru viðstaddir
hátíðlega athöfn þegar íbúða­
kjarninn var formlega tekinn
í notkun.
Íbúðakjarninn er í nýju stein­
steyptu húsi með lyftu sem nýtur
sín vel í götumyndinni. Húsið er
530 fermetrar og íbúðirnar eru
60 fermetrar að stærð. Auk íbúða
fyrir íbúa er í húsinu rúmgóð
starfsmanna aðstaða sem stuðlar
að því að unnt sé að veita íbúum
þjónustu á þeirra forsendum.
Húsið er hannað af Páli Hjalta­
syni og Haraldi Ingvarssyni og
Jónas Bjarni Árnason hjá Afltaki var
verktaki við byggingu þess. Heildar­
kostnaður við bygginguna nam
um 340 milljónum króna. Þetta er
átjándi íbúðakjarninn sem Félags­
bústaðir hafa ýmist byggt eða keypt í
Reykjavík frá árinu 2018.
Dagur óskar tilvonandi íbúa til hamingju.
- nýr og glæsilegur íbúðakjarni tekinn í notkun í miðborginni
Vesturmiðstöð kynnir
fimm leiðir að vellíðan
Á næstu mánuðum ætlar Vestur­
miðstöð að efna til kynninga á
verkefni sem nefnist Fimm leiðir
að Vellíðan. Verkefni snýst um
leiðir sem geta aukið lífshamingju.
Verkefni þetta byggir á rann­
sóknum um hvað geti ýtt undir
vellíðan fólks. Niðurstaða þeirra
var að fimm atriði væru sterkust til
heilsueflingar. Þau eru að mynda
tengsl, að vera virkur, hreyfa
sig, taka eftir og halda áfram að
læra eða kynnast nýju og gefa af
sér. Með því að hafa þessar fimm
leiðir hugfastar í daglegu lífi getur
fólk blómstrað aðeins meira og
sem eykur vellíðan. Vesturmiðstöð
hefur fengið l istamanni Hlíf
Unu til að túlka hverja leið með
f a l l e g u m my n d u m s e m v i ð
komum til með að birtast og verða
sýnilegar í hverfinu okkar. Þetta
verkefni er hluti af Heilsueflandi
samfélagi en Reykjavíkurborg er
heilsueflandi borg.
Vesturmiðstöð áður Þjónustumiðstöð Vesturbæjar, Miðborgar og Hlíða
er við Laugaveg 77 þar sem Landsbankinn var lengi til húsa með hluta af
starfsemi sinni.
Heilsueflandi samfélag