Vinnan og verkalýðurinn - 01.12.1955, Page 45

En lítur ekki samt út fyrir að eitthvað skorti á launajafnréttið í þessum
samningum?
Þá skulum við njósna ofurlítið um launakjör í prentsmiðjum. Þar er
alllöng virðingaröð. — Vélsetjarar — setjarar — prentarar — nemar og að
lokum kvenfólk. Það er greinilega litið á þetta prentsmiðjukvenfólk, sem
einhverja óæðri manntegund, það er bara kvenfólk á 1., 2., 3. og 4. ári.
Ef til vill breytti það engu, þó að í næstu samningum væri talað um
ófaglært aðstoðarfólk — eða blátt áfram aðstoðarmenn, þar eð konur til
heyra ótvírætt dýrategundinni maður — því að tæplega eru kjörin það góð
að nokkur karlmaður sætti sig við þau. En væri það samt ekki viðkunnanlegra?
Það er alkunna að ríkið og bæjarfélögin greiða sömu iaun fyrir sömu
vinnu, og hlýtur þá ekki hag þeirra kvenna sem starfa i þágu ríkis og bæja
að vera vel borgið? Við skulum líta ofurlítið á hið nýja frumvarp til launa-
laga, sem ríkisstjórnin hefur lagt fram. Þar er starfsmönnum skipað í XV
launaflokka og fara launin lækkandi eftir því sem númer launaflokksins
hækkar. Þar er launum skipað eftir kröfum þeim um hæfileika og menntun
sem gera verður til þeirra sem störfum gegna eins og vera ber, en þar að
auki virðist heldur betur vera tekið tillit til þess, hvort störfin séu yfirleitt
unnin af konum eða körlum. Það er sem sagt mjög auðvelt að fullnægja
kröfunni um launajafnrétti lagalega án þess að teljandi merki sjáist um það
á launaskrám. Auðvitað skipa konur eingöngu XV. flokk, og öruggan meiri-
hluta munu þær hafa í tveim þeim næstu. Þar eru t. d. talsímakonur, þ .e.
stúlkur sem afgreiða símsamtöl landshornanna á milli og mun flestum
JAFNRÉTTISBARÁTTAN
í LAUNAMÁLUM
Þótt undarlegt megi virðast mun
kaupgjald í almennri kvennavinnu
vera hæst hérlendis í Flatey á Breiða-
firði. En þar er grunnkaup kvenna
í dagvinnu kr. 8,65 á klst. Næst kem-
ur Dalasýsla, félagssvæði Verkalýðs-
félagsins „Valur“ í Búðardal, með kr.
8,00 um klst. í grunn Þá er Siglu-
fjörður með kr. 7,92 um klst., og 30
mín. tvisvar á dag í kaffi, en það jafn-
gildir kr. 8,25, miðað við 20 min.
kaffihléin, sem tíðkast víða annars-
staðar samkv. Reykjavíkurkjörum.
Sömu kjör munu gilda á Húsavík. —
Þá koma Akranes, Keflavík og Njarð-
víkur með kr. 7,83. Síðan Seyðisfjörð-
ur með kr. 7,82 og loks Reykjavík,
Akureyri og Vestmannaeyjar með kr.
7,70 um klst. í grunn.
Hér má sjá, að í stærstu bæjum
landsins er grunnkaup í almennri
dagvinnu kvenna mun lægra en á
smærri stöðum út um landið sums
staðar og nærri krónu lægra en í
Flatey.
Þetta er efni til athugunar fyrir
verkakvennafélögin á stærri stöðun-
um og þá einkum það langstærsta
í höfuðstaðnum. Er ekki mál til þess
komið að t.d. Reykjavík fari að taka
sig á í þessu efni.
VINNAN og verkalýðurinn
207