Goðasteinn - 01.09.1988, Blaðsíða 177

Eiríkur Guðjónsson:
r'
Asahreppur
Annáll ársins 1987
Þegar tína á til það sem fréttnæmt þykir á liðnu ári kemur fyrst
í huga hin einstæða veðurbliða, sem einkenndi árið allt og hið hag-
stæða tíðarfar.
Kom því gróður snemma fyrir allt búfé og veður á sauðburði
mjög gott. Sláttur hófst því með fyrra móti, þó gras væri ekki mikið
vegna þurrviðris, en í júlí vætti vel svo grasspretta varð með allra
mesta móti á allri jörð og síðan góð heyskapartíð fram á haust svo
heyfengur varð bæði mikill og góður. Hélst þessi veðurblíða allt til
jóla, svo hægt var að vinna alla útivinnu eins og að sumarlagi.
Gekk búfé vel fram eftir góðan vetur og vanhaldalítið. Þó varð
einn bóndi fyrir því að missa fjórar kýr úr einhverju bráðafári, sem
við rannsókn var ekki vitað af hverju stafaði.
Eins og í öðrum sveitum komu framleiðslutakmarkanir mjög illa
við marga, enda búið að selja eða leigja mikinn mjólkurkvóta úr
sveitinni og flytja nú aðeins 13 bændur mjólk í Flóabúið en voru
29 þegar þeir voru flestir. Sauðfé hefur líka fækkað, en hrossum
fjölgað. Fimm bændur eru með loðdýrabúskap, tveir þeirra með
sauðfé líka. Minkur var aðeins á tveimur búum, þar til í haust að
allir eru með mink með refunum.
Alls eru nú 1380 minkar en voru 430 árið áður. Refir eru 570 og
hefur ekkert fjölgað. Félagið Sléttfeldur sf. verkaði skinn á Slétta-
landi eins og árið áður. Hófst vinna þar 17. nóvember en lauk 9.
febrúar sl. Voru skinn tekin til verkunar víða að og voru alls 6600
refa- en 1100 minkaskinn verkuð. Við þetta starf unnu að jafnaði
níu manns, undir stjórn Guðmundar Ágústssonar.
Nokkrar byggingarframkvæmdir voru á árinu. Ber þar hæst hin
sameiginlega bygging Laugalandsskóla. Er hlutur Ásahrepps þar
Goðasteinn
175