Goðasteinn - 01.09.1988, Blaðsíða 190

Séra Halldór Gunnarsson:
Látnir 1986 og 1987
í Holtsprestakalli
Páll Guðmundsson
Fit, V-Eyjafjallahreppi
f. 22.07 1898 d. 30.01 1986
Páll Guðmundsson fæddist 22. júlí 1893 foreldrum sínum,
hjónunum Guðmundi Einarssyni frá Skála og Vigdísi Pálsdóttur
frá Fit. Páll var einkasonur foreldra sinna sem bjuggu að Fit. Þar
ólst hann upp og þar átti hann alla sína ævi. Móðir Páls veiktist
þegar hann var ungur og bjó til æviloka við átakanlegan sjúkdóm.
Páll var 17 ára þegar hann missti föður sinn og stóð þá að búi, fyrsta
árið með móður sinni en síðan ráðskonum. 1915 giftist hann
Steinunni Einarsdóttir frá Miðeyjarhólmi og eignuðust þau 3 börn:
Eggert, Ásdísi og Ólaf, en Steinunn hafði áður eignast Einar Sigur-
jónsson, sem Páll gekk í föðurstað. Steinunn veiktist af berklum og
dó 1922. Þetta voru erfið ár veikinda móður og eiginkonu, en Páll
hélt sinni ró og gleði gagnvart hverjum lífsdegi, tókst á við búskap-
inn og allt starf sem búskapnum fylgdi.
1924 giftist hann Jóhönnu Ólafsdóttur frá Núpi og saman tókust
þau á við öll bústörfin. Jóhanna var mikil búkona og Páll tókst á
við erfiða kreppu sem gekk yfir með því að sækja sjóinn bæði
héðan frá sandi með Sigurði formanni á Núpi og einnig með því að
fara á vertíðir til Vestmannaeyja, en Jóhanna stóð þá að búi með
fósturbörnum sínum og síðan, börnunum, en þau fæddust hvert af
öðru: Guðmundur Sigmar, Markús, Ingibjörg Ólafía, Guðsteinn,
Sigríður, Guðmunda Vigdís og Þórdór. Vigdís dó nýfædd og
Markús lést 1974. Páll var góður bóndi en sagði sjálfur að hann
hefði orðið betri sjómaður. Hann var ræktunarmaður og hafði sér-
staka ánægju af ræktun sauðfjárins og hann var góður hestamaður.
188
Goðasteinn