Goðasteinn - 01.09.2023, Page 130

128
Goðasteinn 2023
manns héðan úr sveit
og komu ekki aftur
heim fyrr en með
vordögum eftir lokin.
Þetta fólk aflaði tekna
sem að mestu leyti
gengu inn í bú þeirra
heima, enda var víða
byggt upp á bæjum á
þessum árum. Þetta
fólk aflaði sér líka
reynslu af störfum
á sjó og landi,
kynnt ist mönnum og
málefnum á fjarlægari
stöðum og öðlaðist sjálfstraust og víðsýni.
Einnig var það venja hér í sveit að bændur færu út til Vestmannaeyja að versla
á vorin, þegar leiði gaf. Sneru þeir síðan aftur heim á hlöðnum mótorbátum frá
Eyjum og svo var vörunum skipað upp hérna við sandinn. Var það mikil og erfið
vinna að koma góssinu í land og til þess voru notuð áraskip, eða þá skjöktbátar
sem Eyjamenn höfðu meðferðis og dregnir voru á milli skips og lands. Til þeirra
nota dugðu einkum vel bátar þeir sem Danski-Pétur í Vestmannaeyjum smíðaði
og þóttu sérlega léttir og liprir í þessum snúningum. Verslun Eyfellinga við
Vestmannaeyinga var nærtæk og eðlileg á þessum árum sem og á eldri tímum,
eins og samgöngum á landi var þá háttað með vegleysum og óbrúuðum ám
á báðar hendur. Nokkuð dró samt úr þeim viðskiptum eftir að Jökulsárbrúin
á Sólheimasandi var byggð árið 1921 og fóru þá ýmsir til að versla í Vík og
loks lögðust þessar Eyjaferðir alveg af með tilkomu Markarfljótsbrúarinnar árið
1934, því að þá opnaðist leiðin til vesturs og suður til Reykjavíkur.
Einn hinna ungu manna sem var að vaxa upp í Eyjafjallasveit snemma á
öldinni var Björn Andrésson í Berjaneskoti. Hann var hinn röskasti piltur og
hafði snemma brennandi áhuga á öllu íþrótta­ og félagslífi. Einhvern tíma upp
úr 1920 barst hreppsnefndinni hérna eins og fleiri sveitarstjórnum bréf frá
Íþróttasambandi Íslands, þar sem hreppnum var boðið að senda ungan mann á
ókeypis íþróttanámskeið í Reykjavík, svo að sá mætti síðar kenna sund og aðrar
íþróttir í heimabyggð sinni. Þessu erindi var vel tekið og til fararinnar valdist
Björn Andrésson. Hann var á vetrarvertíð í Vestmannaeyjum árið 1922, en
um vorið sótti hann umrætt námskeið í Reykjavík. Var þetta mjög fjölmennur
Mynd frá Vilmundi Kristjánssyni. Líklega ein sú fyrsta sem tekin
er af Seljavallalaug.