Goðasteinn - 01.09.2023, Qupperneq 190

188
Goðasteinn 2023
Umhverfisverðlaun Rangárþings eystra 2023
Umhverfisverðlaun Rangárþings eystra voru að venju afhent á Kjötsúpuhátíð-
inni í ágústmánuði. Það er Skipulags­ og umhverfisnefnd sem sér um að velja
viðurkenningarhafa úr innsendum tillögum. Viðurkenningar eru veittar í þrem-
ur flokkum. Snyrtilegasti garðurinn er við Njálsgerði 1 en þar búa hjónin Edda
Guðlaug Antonsdóttir og Halldór Óskarsson. Snyrtilegasta lögbýlið er Butra
þar sem þau Ágúst Jensson og Oddný Steina Valsdóttir búa ásamt börnum sín-
um. Snyrtilegasta fyrirtækið í sveitarfélaginu er Fóðurblandan. Guri Hilstad
Ólason, nefndarmaður í Skipulags­ og umhverfisnefnd, afhenti viðurkenning-
arnar og við verðlaunum Fóðurblöndunnar tók Karítas Tryggvadóttir.
Menntamál
Hvolsskóli
Skólastarfið fór fram með hefðbundnum hætti í Hvolsskóla skólaárið 2022–
2023. Nemendur stunduðu nám sitt af kappi en skóladagskráin er reglulega
brotin upp með skemmtilegum þema- og verkefnadögum.
Fyrsta mál á dagskrá skólaársins var hin árlega fjallganga þar sem nemendur
og starfsfólk þrömmuðu á fjóra tinda í sveitarfélaginu. Þetta var 10. árið sem að
Hvolsskóli fer á fjöll og þar með var 10. bekkur fyrsti árgangurinn til að ná 10
tinda markmiðinu.
Annað verkefni er mæling á Sólheimajökli sem 7. bekkur sér um í samstarfi
við björgunarsveitina Dagrenningu. Jökullinn hefur hopað um 37 metra frá því
haustið 2021 og var þetta í 13. skipti sem það var mælt. Jökullinn hefur hop-
að um 445 metra síðan árið 2010 þegar mælingar hófust. Mælt var með GPS-