Goðasteinn - 01.09.2023, Side 207

205
Goðasteinn 2023
hann í Íþróttaskóla Sigurðar Greipssonar að Geysi í Haukadal og lifði lengi á
minningunni. Þegar barnabarn spurði afa sinn hvað hefði verið það fyrsta sem
hann gerði í íþróttaskólanum svaraði hann sposkur á svip: Að spyrja skólastjór-
ann hvort þeir strákarnir mættu fara á ball á Vatnsleysu.“
Einhverju sinni vann hann fjórar greinar á frjálsíþróttamóti á Heimalandi
og þá var hann glímukappi mikill. Kenndi glímu í barnaskólanum í Gunnars-
hólma og víðar. Þegar barnabörnin tóku að æfa íþróttir fylgdist hann með af
áhuga. Hann er líklegast einn af fáum sem fengið hafa rautt spjald sem áhorf-
andi en hann var svo spenntur að fylgjast með og hvetja barnabarn á lokasprett-
inum í 800 metra hlaupi að hann hljóp nánast með keppendum og uppskar
áminningu fyrir vikið.
Albert vann ýmis störf. Var við sláturtíðir, fór á vertíðir til Vestmannaeyja,
var við línulagnir hjá RARIK þar sem hann kól á þremur fingrum upp í raf-
magnsstaur við Skógá og þá var hann einnig við hafnargerð í Þorlákshöfn svo
eitthvað sé nefnt.
Sigríður Oddný Erlendsdóttir kveður eiginmann og lífsförunaut til tæpra
60 ára. Sibba er fædd 25. janúar 1943 á Skíðbakka, dóttir Erlendar Árnasonar
bónda og oddvita og Guðbjargar Jónasdóttur húsmóður. Hún minnist þess að
þegar hún fermdist lék Albert á harmonikku – hann var oft fenginn til þess að
leika á harmonikkuna þegar fólk gerði sér glaðan dag. Þegar fram liðu stundir
felldi unga parið hugi saman, trúlofaði sig 2. júní 1963 eftir að Sibba sneri heim
úr húsmæðraskólanum og giftu sig rúmu ári seinna, eða 12. júlí 1964. Börn
þeirra hjóna eru:
1) Guðbjörg, hennar maður er Rútur Pálsson og eiga þau fjögur börn og sex
barnabörn.
2) Úlfar, hans kona er Jónína Kristjánsdóttir og eiga þau þrjú börn og þrjú
barnabörn.
3) Hlín, hennar maður er Birgir Ægir Kristjánsson, Hlín átti eina dóttur fyrir
og saman eiga þau eina dóttur til.
4) Gylfi Freyr, hans kona er Margrét Sveinbjörnsdóttir og eiga þau eina dótt-
ur.
Albert og Sibba hófu búskap á Skíðbakka og oft var þröng á þingi. Árið 1976
fluttu þau inn í nýtt hús sem þau byggðu á jörðinni. Tíu árum seinna tóku Guð-
björg dóttir þeirra og Rútur maður hennar við búi – vann þá Albert við ýmis
störf en sjálfsagt þótti honum hvað vænst um árin í Reykjagarði á Hellu en þar
vann hann meðan kraftar leyfðu og naut hann þess mjög að vera innan um unga
fókið og hlakkaði til að mæta í vinnuna dag hvern.
Albert gegndi ýmsum trúnaðarstörfum tengdum íþróttum og hestamennsku.