V. alþjóðamótið, Vestmannaeyjum - 28.05.1985, Blaðsíða 7

Velkomin
til Vestmannaeyja
A liðnu ári hófst röð alþjóðlegra skákmóta á landsbyggðinni, en þegar hafa fjögur mót venð haldin.
Forgöngu um mótin hefur tímaritið Skák haft, en slík mót verða ekki haldin nema til komi samstillt
átak margra. Fimmta alþjóðlega skákmótið er orðið að veruleika, nú er mótstaðurinn Vestmannaeyj-
ar og er það mikið gleðiefni hve mótið er skiþað mörgum sterkum skákmönnum víða að.
Það hlýtur að vera íþróttinni tilframdráttar að halda slík skákmót á landsbyggðinni, en þar er ein-
mitt að finna margan sterkan skákmanninn sem fœr með þvi tœkifœri til að fylgjast með í nálægð
ogjafnvel taka þátt, auk þeirra fjölmörgu ungmenna sem með þessu gefst tœkifœn að njóta þess
kyngimagnaða andrúmslofts, semjafnan umlykur mótsstað. Allt er þetta íþróttinni tilframdráttar.
Skák hefur verið leikin í aldir, bœði sem keppnisíþrótt og dœgradvöl. Leikni í íþróttinni reynir á
rökhyggju og skipulagsgáfu taflmannsins. Lengn mót reyna og á úthald keppandans. Skák er því
krefjandi íþrótt sem reynir á hina margvíslegu mannlegu eiginleika og er þannig uppbyggjandi og
þroskandi þeim sem leikinn reyna.
Vestmannaeyjar hafa löngum verið vettvangur mikilla átaka, jafnt til lands og sjávar, hér erþvíkjör-
inn vettvangur til skákmóts enda öll aðstaða fynr hendi. Fynr hónd okkar heimamanna vil ég bjóða
aðkomna þátttakendur og starfsmenn mótsins velkomna til Vestmannaeyja og vona að þeir muni
minnast ánœgjulegra stunda héðan úr Eyjum. Mótinu til handa er það von mín að leikgleðin verði
ífyrirrúmi og allir muni hafa gagn og ánœgju af. Þökk sé öllum þeim sem á einn eða annan hátt
gerðu kleift að fimmta alþjóðlega skákmótið er nú haldið í Vestmannaeyjum.
*
Olafur Elísson, bæjarstjóri
5