Fróðskaparrit - 01.01.1978, Síða 75

Skeivar tenn hjá føroyskum børnum
83
setingarháttinum, og tvey fóru úr vegna annan etniskan upp-
runa. Eftir til skrásetingina vóru 217 børn, 106 gentur og 111
dreingir, (1., 2. og 3. talva). Av teimum 622 skúlabørnunum
í 8. flokki og 1. realflokki í teimum 13 (av 15) framhalds-
skúlunum vóru 591 børn kannað, hini 31 vóru ikki í skúla,
meðan kanningin fór fram. Skrásetingin fevndi tá um 95%
av øllum 8. árgangi norðan fyri Suðuroyarfjørð (4. talva). Av
teimum 591 børnunum vóru 577 á tannstøði DS 4, t. e. høvdu
búnar vaksnar tenn (5. talva). Tey vóru 13 til 16 ára gomul,
287 gentur og 290 dreingir (6. talva). Umleið helmingurin av
skúlabørnunum hevði fingið tannviðgerð, sum ætlandi ávirkar
talið á tannstøðuskeivleikum, nevniliga viðgerð við tannrætt-
ingartólum ella tanntøku av barnatonnum og/ella av vaksnum
tonnum. Skúlabørnini vóru bólkað eftir tí tannviðgerð, tey
áður høvdu fingið (7 talva). Hvussu nógvar barnatenn vóru
tiknar í úrtíð var ikki møguligt at fáa greiði á. Til álítandi
skráseting av tannstøðuskeivleikum hjá føroyskum skúlabørn-
um var sostatt bert møguligt at nýta 258 børn (43,7%), 120