Fróðskaparrit - 01.01.1978, Page 126

134
Føroysk fólkamentan
um; hon hevur savnaS eitt stórt savn og hevur sum fyrstu úr-
slit givið út tvær minni ritgerðir »Fároska sagoberáttare«
(1964) og »Etniska sárdrag i den fároiska folksagotraditionen«
(1970).
Søgulig yvirlit.
Jørgen Steining hevur í verkinum »Føroyar« (1958) skrivað
eitt yvirlit yvir Føroya søgu, eisini eigur yvirlitið hjá Rólandi
Waag Fiøgnesen (1968) í bókini »Færinger — Frænder« at
verða nevnt. Tað rúmasta yvirlitið um føroyska søgu á enskum
máli er bókin hjá John F. West »The Emergence of a Nation«
(1972). Bókin er eisini umsett til danskt (1974). Fyri tíðina
1535—1655 kann bókin hjá Louis Zachariassen (1961) nevnast
eins og bókin hjá N. Andersen um Føroyar í tíðini 1600—1707
(Andersen 1896). Flenda bók varð í 1964 útgivin av nýggjum
við navnaskrá. Anton Degn »Oversigt over Fiskeriet og Mono-
polhandelen paa Færøerne 1709—1856« eigur eisini at verða
nevnd (Degn 1929). Ein ungur danskur søgumaður Peter Kors-
gaard Nielsen hevur nýliga skrivað eina ritgerð um kongliga
einahandilin í tíðarskeiðinum 1709—1776 (Korsgaard Nielsen
1976). Minnisritið fyri avtøkuna av einahandlinum eigur í
hesum sambandi eisini at verða nevnt (Joensen et al. 1955).
Hjálpargøgn.
í flestu verkum um Føroyar finnast bókmentaskráir; her skal
serliga verða víst til bókaskránna í verkinum Føroyar (1958),
sum Ole Jacobsen hevur skipað fyri, í J. P. Trap: Danmark 13,
sum Ulf Zachariassen hevur skipað fyri og skránna í bókini hjá
J. F. West (1972).
Holger Rasmussen hevur í Fortid og Nutid 1964 skrivað
eitt yvirlit yvir mentanarsøguligar bókmentir um Føroyar, eis-
ini hevur hann í 1968 givið eitt stutt men frálíkt yvirlit yvir
íøroyska fólkamentan. Um skaldskap av manna munni finnast
upplýsingar í bókmentasøgunum hjá M. A. Jacobsen 1921 og
Chr. Matras 1935. Føroysk viðurskifti verða eisini viðgjørd í
bók Brobergs: »Folkemindeforskningens historie i Mellem- og