Fróðskaparrit - 01.01.1978, Side 127

Føroysk fólkamentan
135
Nordeuropa« (1953) eins og í bókini hjá Dal »Nordisk folke-
viseforskning siden 1800« (1956).
í Folk-Life 1978 hevur Ian Withaker skrivað um »Recent
Anthropoligical Studies of the Faroe Islands 1971—1975«.
Føroysk fólkamentan verður eisini viðgjørd í bókaverkinum
Nordisk Kultur og í Kulturhistorisk leksikon for nordisk mid-
delalder.
At enda skal Varðin, sum kom út á fyrsta sinni í 1921 verða
nevndur. 1 hesum tíðarriti eru ofta góðar lýsingar av føroysk-
um fólkalívi og fólkamentan. 1 1977 kom evnisyvirlit yvir
1.—40. bind av Varðanum (1921—1972). I Fróðskaparriti
(Annales Societatis Scientiarum Færoensis) finnast nakrar
fólkalívsfrøðiligar og fólkaminnisfrøðiligar ritgerðir. Fróð-
skaparrit kom út á fyrsta sinni í 1952. Síðani 1975 hevur Før-
oya Fornminnissavn givið út eitt lítið tíðarrit, »Mondul«, sum
kemur út tríggjar ferðir um árið. 1 hesum riti verða mentanar-
søgulig evni av ymiskum slag viðgjørd. Her eigur kanska ser-
liga greinin um myndirnar hjá Born frá um leið 1790 at verða
nevnd (Thorsteinsson og Joensen 1977).
Eitt fólkalívsfrøðiligt heimildartilfar finst eisini í teimum
ymisku jólabløðunum og jólabókunum. Hetta tilfar er alt út-
skrivað og finst atgongt á Landsbókasavninum.
Granskingarstovnar.
1 sambandi við gransking innan føroyska fólkalívsfrøði eiga
eisini teir mentanarsøguligu granskingarstovnarnir, sum vit
hava her á landi, at verða nevndir. Hetta eru stovnar sum
goyma heimildir, sum kunnu nýtast í granskingararbeiðinum.
Hesir stovnar eru Føroya Landsbókasavn, Føroya Fornminni-
savn, Føroya Landsskjalasavn, Fróðskaparsetur Føroya og Út-
varp Føroya.
Landsbókasavnið er elsti stovnurin. Her finst ymist skjala-
tilfar m. a. tað, sum lá eftir dr. Jakobsen. Her kunnu vit vænta
at finna alt, sum er skrivað á føroyskum máli og so gott sum
alt, sum er skrivað um Føroyar og føroysk viðurskifti. Partvís
útskriving av føroyskum bløðum finst eisini á Landsbóka-