Fróðskaparrit - 01.01.1978, Qupperneq 128

136
Føroysk fólkamentan
savninum, nógv av siðsøguligum áhuga, tí t. d. kann verða
víst til samrøðu við 90-ára gomlu bóndakonuna Annu Mariu
Olsen í Dimmalætting 1935. Eisini eru allar jólabøkur útskriv-
aðar. Føroya Fornminnisavn hevur umframt antikvariskar
uppgávur, eisini útgrevstrar, fólkalívsfrøðiligar rannsóknir o,
a. Trotið á goymslurúm hevur havt við sær, at ikki so nógv
hevur verið savnað tey seinastu árini, sum tað átti. Kortini
hevur savnið meir enn 5000 savnsnummur (gripir) við fleiri
undirnumrum. Eisini er eitt frásagnasavn við at verða bygt
upp; tað telur í løtuni upp ímóti 1000 frásagnarnr. Skráset-
ingin er við at verða gjørd tíðarhóskandi, men tað verður ein
góð løta, áðrenn skráin kemur at virka sum hon skal.
Føroya Landsskjalasavn hýsir almennu skjølum landsins, av
hesum hava nógv týdning fyri fólkalívsfrøðina, t. d. skifti,
grannastevnuprotikollir o. a.
Fróðskaparsetur Føroya, Føroyamálsdeildin, hýsir hópin av
fólkalívsheimildum, serliga kvæðaupptøkum. Deildin hevur eitt
stórt ljóðbandasavn. Eisini er seðlasavn til føroysku orðabókina
at finna á hesum stovni. Men óliðug skráseting av tilfarinum
ger, at tað ikki er so lætt at koma at. Eitt týðandi keldutilfar
í hesum sambandi er tað tilfar, sum er komið Fróðskaparsetr-
inum í hendur gjøgnum tær ritgerðarkappingar, sum setrið
hevur skipað fyri.
Útvarp Føroya hevur til at nýta í útvarpssendingum savnað
eitt stórt og gott tilfar, sum verður goymt í goymslum útvarps-
ins. Útvarp Føroya fór í 1965 at geva út tíðarritið Úrval.
Tíðarritið kom út fyri seinastu ferð í 1971. Fler eru fleiri av
sendingum útvarpsins prentaðar.
Fleiri upplýsingar um hesar stovnar eru at finna í NIF Publi-
cations No I: Nordisk folkedigtning og folkemusik. Inven-
tering af originalmateriale i nordiske institutioner (1972). Um
Føroya Fornminnissavn hevur Arne Thorsteinsson skrivað eina
grein í 1975.