Helgarpósturinn - 24.01.1985, Page 28

ÍEÍ ftir því sem HP hefur fregnað
miðar rannsókn Verðlagsstofnun-
ar á kaffibaunakaupum O.
Johnsons & Kaabers vel og hefur
ekkert komið fram enn, sem bendir
til þess að fyrirtækið hafi óhreint
mél í pokanum vegna afsláttar- og
umboðslauna. Verðlagsstofnun
ákvað að fara í saumana á þessum
málum í kjölfar uppljóstrana í blöð-
um um 5,5 milljón dollara afslátt
sem Sambandið fékk vegna sinna
kaffibaunakaupa fyrir Kaffi-
brennslu Akureyrar.
Eftir því sem HP kemst næst, nam
kaffiafslátturinn til Kaabers á árun-
um 1979—1981, sömu ár og Sam-
bandið fékk sinn afslátt, um einni
milljón dollara og mun Kaffi-
brennsla Kaabers hafa notið þessa
afsláttar að stærstum hluta.
Pá munu neytendur hafa notið
þess að megnið af afslættinum rann
til Kaffibrennslu Kaabers, því verð á
kaffi hækkaði ekki í eitt og hálft ár
eða frá því um mitt ár 1980 og út
árið 1981.
Verðlagsstofnun byggði verðút-
reikninga sína að mestu leyti á
gögnum frá Kaffibrennslu Kaabers
en endanleg niðurstaða liggur ekki
enn fyrir...
||
■ ■ itt leikhúsið hefur verið
mjög í sviðsljósinu að undanförnu
með sýningu sína á Litlu hryllings-
búðinni í Gamla bíói. Ekki hafa allir
verið jafnhrifnir af framgangi leik-
hússins og þótt mikil peningalykt af
fýrirtækinu og gauragangurinn í
kring um það fullmikill. M.a. höfum
við frétt að fulltrúar Þjóðleikhúss-
ins, Leikfélags Reykjavíkur og leik-
ara hafi marghringt upp í rás 2 og
kvartað undan því hve oft Litla
hryllingsbúðarplatan sé leikin. . .
eysilegar fjárhæðir liggja 1
uppsetningu á Litíu hryllingsbúð-
inni. Hitt leikhúsið er hlutafélag og
munu allir hluthafar hafa lagst á eitt
að fjármagna sýninguna. En það
eru einkum tveir aðilar sem hafa
fjárfest í uppsetningunni. Eru það
þeir Árni Möller sem rekur kjúkl-
ingabú á Þórustöðum fyrir austan
fjall og Sigurður Gísli Pálmason
— sonur Pálma í Hagkaup. Þá mun
Þórir Jónsson tengdafaðir annars
yfirumsjónarmanns sýningarinnar,
Sigurjóns Sighvatssonar, hafa
lagt drjúgan skilding af mörkum,
enda eigandi Sveins Egilssonar og Þ.
Jónssonar, eða öðru nafni Ford-um-
boðsins. Svo skemmtilega vill til að
Þórir Jónsson er ennfremur tengda-
faðir Sigurðar Gísla Pálmasonar, svo
ekki skemma ættartengslin fyrir. . .
A
Akureyri hafa menn um
langa hríð velt vöngum yfir því
hvort Gunnar Ragnars, forstjóri
Slippstöðvarinnar þar í bæ, ætlaði
sér sæti á Alþingi Islendinga. Þessu
hefur yfirleitt verið svarað þannig,
að svo verði varla, þar sem Gunnar
hafi ekki efni á því að lækka svo
mikið í launum, sem raunin yrði.
Þetta mun eitthvað hafa breyst. Eins
og menn muna gerðist Lárus Jóns-
son, fyrsti þingmaður sjálfstæðis-
manna á Norðurlandi eystra, banka-
stjóri Útvegsbankans í Reykjavík og
þar með færðist Björn Dagbjarts-
son upp og varð þingmaður. Hall-
dór Blöndal færðist í fyrsta sætið.
Nú segja kunnugir okkur, að
Gunnar Ragnars ætli þrátt fyrir
allt í slaginn um þingsæti fyrir
næstu kosningar og reyna þá að ýta
Birni frá. Ýmislegt virðist benda til
þess, að Gunnar sé kominn með
þingmanninn í magann og segja
sumir, að ekki þurfi annað en að
fylgjast með framkomu hans. Hún
sé öll í einhverjum ímynduðum
þingmannsstíl. . .
II
m mánaðamotin verður hald-
inn landsfundur Bandalags jafnað-
armanna og bíða menn nokkuð
spenntir eftir því hvort þeir banda-
lagsmenn ætli að vera formanns-
lausir áfram eða binda samtökin
betur saman. Guðmundur Einars-
son alþingismaður er formaður
þingflokksins og er búist við að
hann verði það áfram. Hins vegar er
uppi hugmynd um að kjósa svo-
kallaða landsnefnd og formann
hennar. Formaður landsnefndar
verði annar aðaltalsmaður BJ auk
þingflokksformannsins. Með þess-
ari skipan mála víkur BJ af hefð-
bundinni leið stjórnmálaflokkanna
hérlendis og er helst að leita fyrir-
myndar að slíkum formanni lands-
nefndar hjá formönnum stjórnmála-
flokkanna í Bandaríkjunum. Óráðið
er hverjir gefa kost á sér í formanns-
embættið, en helst er talið að til
greina komi Stefán Benediktsson
alþingismaður eða Kristófer Már
Kristinsson varaþingmaður og
kennari í Reykholti. Burtséð frá
hæfileikum stendur Kristófer Már
verr að vígi í landfræðilegu tilliti,
þar sem hann þyrfti að flytja til
Reykjavíkur...
u
tanríkismálanefnd Fram-
sóknarflokksins heldur mikla ráð-
stefnu um helgina að Hótel Hofi,
nánar tiltekið á laugardaginn kl. 10
— 17. Á ráðstefnunni verður fjallað
um öryggi íslands og kjarnorkulaust
svæði á Norðurlöndum. Þar munu
valinkunnir menn úr forystuliði
framsóknarmanna taka til máls eins
og forsætisráðherrann sjálfur,
Steingrímur Hermannsson, Þór-
arinn Þórarinsson fv. alþm. og
Póll Pétursson form. þingflokks
Framsóknar ásamt ungum fram-
sóknarmönnum á uppleið eins og
Þórdi Ingva Guðmundssyni
stjórnsýslufræðingi. Það sem vekur
athygli varðandi ráðstefnuna eru
hinir erlendu gestir sem gefa henni
þunga, sendiherrar þriggja Norður-
landa og sendiherra Sovétríkjanna
en frá Bandaríkjunum kemur
Thomas J. Hirschfield sérfræðingur
1 öryggis- og afvopnunarmálum.
Maðurinn bak við þessa ráðstefnu
er Guðmundur G. Þórarinsson,
formaður utanríkisnefndar Fram-
sóknar og hefur hann lagt dag við
nótt til að ráðstefnan yrði að veru-
leika. Guðmundur hefur áður beitt
sér á þingi fyrir öryggis- og utanrík-
ismálum og hélt mikið erindi í Kaup-
mannahöfn í nóvember um kjarn-
orkulaus svæði á Norðurlöndum.
Allt þetta brölt Guðmundar í utan-
ríkismálum virðist benda til þess að
hann sæki fast að komast inn á þing
aftur og segja kunnugir menn í völ-
undarhúsi Framsóknar að Guð-
mundur horfi nú fránum augum á
stól utanríkisráðherra í framtíð-
inni...
Í^Enn berast fréttir af frægð
Hrafns Gunnlaugssonar erlendis:
Við sögðum frá því í síðasta töiu-
blaði HP að Hrafn væri staddur í lnd-
landi í boði þarlendra aðila og væri
í athugun að dreifa mynd hans
Hrafninn flýgur um Indland. Nú get-
um við staðfest að Hrafn seldi dreif-
ingarréttinn á mynd sinni til bíó-
dreifingar í Indlandi. Munu sýning-
ar á Hrafninum hefjast bráðlega í
einu mesta bíólandi heims en hins
vegar mun söluverðið fyrir dreif-
inguna ekki hafa verið ýkja hátt. Þá
hefur Hrafninn flýgur verið tilnefnd
til hinna frægu árlegu kvikmynda-
verðlauna „Guldbaggen" og verða
fimm myndir alls í kjöri. Úrslitin
liggja fyrir næstkomandi mánudag
og er Hrafn sem er nýkominn til
landsins strax á förum á nýjan leik
til Stokkhólms þar sem hann mun
fylgjast með úrslitunum á fyrsta
bekk...

Kaupmannahöfn
Ödýrasta
Ástarsamband til eilifðar
okkar til
WUPMANNA
kostar aðeins
kr. 11.933
Nú bjóða Flugleiðir ódýrar ferðir til Kaup-
mannahafnar, fyrir þá sem vilja lyfta sér upp
í skammdeginu. Verðin eru einstaklega
hagstæð. Þriggja daga ferð kostar aðeins kr.
11.933.- Innifalið er flug og gisting í 2 manna
herbergi, morgunverður og söluskattur. Flug-
vallarskattur bætist við verðið.
Fjögurra daga ferð kostar kr. 13.306.-
Sjö daga ferð kostar kr. 17.970.-
Sérstakur afsláttur er veittur fyrir börn.
Frekari upplýsingar veita söluskrifstofur Flug-
leiða, umboðsmenn og ferðaskrifstofur.
28 HELGARPÓSTURINN