Morgunblaðið - 19.07.2007, Blaðsíða 1

STOFNAÐ 1913 195. TBL. 95. ÁRG. FIMMTUDAGUR 19. JÚLÍ 2007 PRENTSMIÐJA MORGUNBLAÐSINS mbl.is
DÚX Í KÖRFU
MARGRÉT KARA ÆFIR MEÐ STRÁKUNUM
Á MEÐAN LANDSLIÐIÐ ER Í HVÍLD >> 8
GRÁTBÓLGIN SANDRA
BULLOCK ER ÓBÆRILEG
BESTOGVERST
Á KVIKMYNDAÁRINU >> 45
FRÉTTASKÝRING
Eftir Friðrik Ársælsson
fridrik@mbl.is
UNDIRBÚNINGUR að breytingu
SPRON í hlutafélag er hafinn og stefnir
stjórn sjóðsins að skráningu félagsins í
kauphöllina á næstu misserum. Hugmyndir
um hlutafélagsvæðingu SPRON eru langt
frá því að vera nýjar af nálinni. Árið 2002 var
gerð tilraun til þess að breyta SPRON í
hlutafélag. Fimm stofnfjáreigendur gerðu
tilboð í hlut annarra stofnfjáreigenda við
mun hærra verði með það fyrir augum að
Búnaðarbankinn eignaðist sparisjóðinn.
Stjórn SPRON lagðist þá gegn þessum
áformum og taldi sér ekki heimilt að sam-
þykkja þau. Sama ár voru sett lög um fjár-
málafyrirtæki er höfðu að geyma ákvæði
sem ætlað var að styrkja yfirtökuvarnir
sparisjóðanna.
Í lok ársins 2003 bárust fregnir af samn-
ingaviðræðum Kaupþings Búnaðarbanka og
stjórnar SPRON um kaup á sjóðnum. Við-
skiptaráðherra lagði í kjölfarið frumvarp
fyrir Alþingi um breytingu á lögum um fjár-
málafyrirtæki, en þar voru gerð skil milli
stofnfjáreigenda í sparisjóði annars vegar
og stjórnar sjálfseignarstofnunarinnar hins
vegar. Sama dag og lögin voru samþykkt
ákvað stjórn SPRON að fara að vilja löggjaf-
ans og hverfa frá áformum um breytingu á
rekstrarformi sparisjóðsins í hlutafélag.
„Landslagið miklu skýrara en áður“
En hvað skyldi hafa breyst síðan lögin
umdeildu voru sett? „Aðstæður hafa breyst
gríðarlega frá því árið 2002, þegar við tókum
þetta fyrst til skoðunar. Í fyrsta lagi hefur
lögum um fjármálafyrirtæki margítrekað
verið breytt. Í annan stað er búið að einka-
væða viðskiptabankana og í þriðja lagi hafa
mjög margir sparisjóðir runnið saman. Til
viðbótar má benda á það að við höfum rekið
markað með stofnfé og við lítum á það sem
eðlilegt framhald að færa þann markað yfir
á hlutabréfamarkað,“ segir Guðmundur
Hauksson, sparisjóðsstjóri SPRON.
Að hans sögn er skilningur manna á því
hvað felist í löggjöfinni um sparisjóði miklu
skýrari í dag en áður, en rót óvissunnar þeg-
ar Búnaðarbankinn hugðist kaupa SPRON
árið 2002 hafi fyrst og fremst verið lagalegs
eðlis; menn hafi túlkað lögin á mismunandi
hátt. „Eftir alla þá umræðu sem hefur átt
sér stað er landslagið miklu skýrara en áður
og þess vegna á ég von á því að þetta verði
mun einfaldara núna.“
Guðmundur er vongóður um að stofnfjár-
eigendur muni samþykkja breytt rekstrar-
fyrirkomulag. „Að mínu viti er betra að
halda á hlutabréfi en stofnfjárbréfi, þar sem
löggjöfin um hlutabréf er mun skýrari, auk
þess sem markaður á bak við verðmyndun
slíkra bréfa ætti að vera dýpri og öflugri.“
Forsend-
ur gjör-
breyttar
Hlutafélagsvæðing SPRON
hefur áður verið reynd
Eftir Andra Karl
andri@mbl.is
GJALDFALLNAR skuldir Landspítala – há-
skólasjúkrahúss, sem bera vanskilavexti, nema
um 900 milljónum króna. Vanskil spítalans
vegna kaupa á lyfjum og hjúkrunarvörum hjá
aðildarfyrirtækjum Félags íslenskra stórkaup-
manna (FÍS) eru þar af um 700 milljónir króna.
Framkvæmdastjóri FÍS segir stöðuna árvissa
og krefst þess að ráðamenn leysi vandann til
frambúðar. Heilbrigðisráðherra segir það á
dagskrá ríkisstjórnarinnar.
„Þetta er alla vega í fjórða, ef ekki fimmta,
skiptið á fimm árum sem ég hef sent erindi
vegna þessa en það hafa aldrei verið nein bein
viðbrögð við því. Spítalinn fær líklega á ein-
hverjum tímapunkti fjármagn til að greiða nið-
ur skuldir, spurningin er aðeins hvenær og
hversu mikið,“ segir Andrés Magnússon, fram-
kvæmdastjóri FÍS, sem í byrjun mánaðar sendi
fjármálaráðherra og heilbrigðisráðherra erindi
þar sem vakin er athygli á skuldastöðu LSH.
Í erindinu er m.a. rakin niðurstaða úr óform-
legri athugun meðal aðildarfyrirtækja félagsins
sem selja LSH lyf og hjúkrunarvörur. Vanskil
spítalans nema um 700 milljónum króna og er sú
upphæð gjaldfallin og að meðtöldum dráttar-
vöxtum. Hins vegar eru fjölmörg önnur aðild-
arfélög FÍS sem selja LSH vörur, s.s. rekstr-
arvörur og matvörur.
„Það sem við erum að benda á og þykir an-
kannalegt er að þessari ríkisstofnun skuli vera
búnar þær aðstæður að þurfa að knékrjúpa fyr-
ir sínum viðskiptavinum, ganga á milli þeirra og
reyna að semja dráttarvexti niður,“ segir Andr-
és. Hann bendir á að reikna megi með að LSH
sé að greiða á milli 600 og 700 þúsund krónur í
vanskilavexti á degi hverjum.
Eitt af stóru málum ríkisstjórnarinnar
Guðlaugur Þór Þórðarson, heilbrigðis- og
tryggingamálaráðherra, segir rétt að vandinn
sé vissulega alvarlegur og ekki aðeins þessi
þáttur heldur allur rekstrarvandi spítalans.
„Það er augljóst að skynsamlegra væri að LSH
tæki lán hjá ríkinu en hjá birgjum. Hins vegar
segir það sig sjálft að þegar svona staða er uppi
duga skammtímalausnir ekki til. Vandamálið er
stórt og ekki nýtt af nálinni og sýnir að fara
verður yfir þessi mál heildstætt. Þá vinnu höf-
um við hafið.“ Guðlaugur bætir við að þetta sé
eitt af stóru málum þessarar ríkisstjórnar, þ.e.
að skoða rekstur heilbrigðisþjónustunnar.
 Aldrei varanlegar | 6
Viðvarandi vanskil LSH
 Skulda lyfja- og hjúkrunarfyrirtækjum innan FÍS um 700 milljónir króna
 Vandinn stór og sýnir að fara verður yfir málið heildstætt, segir ráðherra
Í HNOTSKURN
»Ef miðað er við að skuldir LSH nemieinum milljarði króna, greiðir spít-
alinn 250 milljónir króna á ársgrundvelli
í dráttarvexti.
»FÍS hefur undanfarin fimm ár þurftað gera athugasemdir vegna skulda-
stöðu LSH.
»Fjármálaráðherra er staddur í sum-arfríi og svarar ekki fyrirspurnum.
Morgunblaðið/Júlíus
Björgum Íslandi Á sjöunda tímanum í gærkvöld sóttu lögreglumenn mótmælendur upp í kranann með körfu sem hífð var upp.
UM TUTTUGU umhverfisverndarsinnar frá aðgerðasamtökunum
Saving Iceland lokuðu í gær veginum að álveri Norðuráls á Grund-
artanga með því að hlekkja sig saman, auk þess sem fimm mótmæl-
endur fóru inn á athafnasvæði Norðuráls og klifruðu þar upp í háan
krana með þeim afleiðingum að framkvæmdir stöðvuðust um tíma.
Í samtali við Morgunblaðið sagði Snorri Páll Jónsson Úlfhildarson
frá Saving Iceland tilgang mótmælanna hafa verið að vekja athygli
á náttúruspjöllum og þeirri mengun sem kæmi frá verksmiðju Ís-
lenska járnblendifélagsins og álverinu.
Samkvæmt upplýsingum frá Theodóri Kr. Þórðarsyni, yfirlög-
regluþjóni hjá lögreglunni í Borgarnesi, voru mótmælin friðsamleg.
Segir hann mótmælendur aðeins hafa truflað umferð um skamman
tíma því strax var brugðið á það ráð að opna hjáleið við Járn-
blendiverksmiðjuna. Mótmælunum lauk á sjöunda tímanum í gær.
Mótmæli á
Grundartanga
Réttur dagsins
Engjaþykkni “crème de la crème”
borið fram með hnetu-, karamellu- og kornkúlu-mélange
Nýtt bragð