Morgunblaðið - 19.07.2007, Blaðsíða 26
SÍMI 5 900 800Ólafur B. Blöndal, löggiltur fasteignasali.
ÞORLÁKSGEISLI - EINBÝLI
Í sölu glæsilegt einbýlishús
á tveimur hæðum u.þ.b. 230
fm m/bílskúr. Á neðri hæð er
anddyri, hol, gesta-wc,
stofa, borðstofa, sólstofa,
stórt eldhús, geymsla,
þvottaherb. og bílskúr. Á efri
hæð er steyptur stigi, gang-
ur, þrjú rúmgóð barnaherb.,
stórt hjónaherb. og stórt
baðherb. Suðaustursvalir,
u.þ.b. 22 fm. Glæsileg eign.
6695. Verð 67,0 millj.
ÁLFKONUHVARF - ÚTSÝNISÍBÚÐ
Vorum að fá í sölu snyrti-
lega og vel skipulagða 4ra
herb., 113 fm, endaíbúð á
efstu hæð í lyftuhúsi auk
stæðis í bílag. Íbúðin skip-
tist í forstofu, eldhús,
stofu/borðstofu, baðherb.,
þrjú svefnherb., þvottah. í
íbúð, stórar suðursvalir,
sérgeymslu og stæði
í bílageymslu. 6734.
Verð 29,9 millj.
LITLIKRIKI - EINBÝLI MEÐ 2 ÍBÚÐUM
Vorum að fá í sölu stór-
glæsilegt og vel staðsett
342 fm, tveggja íbúða hús á
frábærum stað í Krikahverfi,
sem er nýjasta íb.hverfi
Mosfellsb. Stærri íbúðin er
247 fm á tveimur hæðum
auk 35 fm bílsk., alls 281
fm. Minni íbúðin er 60 fm
með sérinngangi. 6758.
Möguleiki á 2 íbúðarlánum
á eign. Verð 54,8 millj.
VÆTTABORGIR - PARHÚS
Snyrtilegt og vel staðsett
parhús á 2 hæðum með
innb. bílskúr, alls 165,1 fm.
Suðursvalir, glæsilegt út-
sýni. Eignin er forstofa,
þvottaherb., 2 baðherb., 3
svefnherb, stofa/borð-
stofa, eldhús, þvottaherb.,
geymsluloft og innb.
bílskúr. Vönduð eign á
frábærum stað. 6677.
Verð 49,8 millj.
ENGJAVELLIR - 4RA HERB.
Rúmgóð og vel skipulögð
137 fm 4ra herb. íbúð á
3ju/efstu hæð í 6 íbúða húsi
í Hafnarfirði. Sérinngangur
af svölum, forstofa, 3 svefn-
herb., eldhús, þvottahús-
/geymsla, stofa/borðstofa,
baðherb. og gangur.
Glæsilegt útsýni af svölum.
Snyrtileg eign á góðum
stað. 6500. Verð 27,5 millj.
KRISTNIBRAUT - 4RA HERB.
Í sölu 4ra herb. íbúð á 2.
hæð í 3ja íbúða stigahúsi
alls 124,9 fm. Íbúð skiptist
í forstofu, hol/gang, 3
svefnherb., baðherb,
stofu/borðstofu, eldhús,
þvottaherb. inn af eldhúsi,
suðursvalir og sérgeymslu
í kjallara. Glæsilegt útsýni
úr stofu í átt að Esjunni og
yfir Grafarvoginn. 6722.
Verð 28,8 millj.
DALVEGUR - ATVINNUHÚSNÆÐI
Atvinnuhúsnæði í Kópa-
vogi sem skiptist í 68,5 fm
verkstæði/lager á jarðhæð
og 30,9 fm skrifst.húsnæði
á efri hæð, mögulegt að
opna á milli. Jarðhæð er
með innkeyrsluhurð og
góðri lofthæð, afstúkuð
salernisaðstaða inn af
verkstæði, steypt gólf. Inn-
gangur í stigahús er sam-
eiginlegur með verslun við
hliðina á og gengið er upp
tröppur í skrifstofurými,
sem er með þakglugga.
6738. Verð 20,9 millj.
Bókið skoðunartíma hjá Sveini Eyland,
sölumanni hjá fasteign.is í síma 6 900 820
26 FIMMTUDAGUR 19. JÚLÍ 2007 MORGUNBLAÐIÐ
UMRÆÐAN
ÞAÐ heitir að stíga á strik þegar
eitthvað það var sagt eða gert sem
ekki telst alls kostar viðeigandi. Ég
hef alltaf verið liðtækur í slíku og
steig á eitt strikið í síðustu viku þeg-
ar ég benti sakleys-
islega á að vitaskuld
yrði að fækka hvölum í
sjónum til þess að
þorskurinn gæti dafn-
að. Ef ekki er mark-
aður fyrir hvalkjöt get-
um við verið tilneydd til
að drepa hvalinn án
þess að taka kjötið að
landi og það yrði ekki
af því neinn héraðs-
brestur.
Ég er ekki með
þessu að finna upp neitt
nýtt. Það hafa margir
bent á þá vá sem fiskistofnum lands-
ins er af óstjórnlegri fjölgun hvala.
Bæði stjórnmálamenn og fræðimenn.
Hvalavinir sem
skjóta skógarbirni
Í öllum löndum halda menn niðri
villtum dýrategundum að því marki
að byggilegt sé í viðkomandi landi en
innan þeirra marka þó, að hinum
villtu dýrum sé ekki útrýmt. Þetta er
til dæmis gert í Evrópu og Ameríku
og yfirleitt öllum þeim löndum þar
sem hinir hjákátlegu hvalavinir láta
mest til sín taka. Sumir þeirra skjóta
skógarbirni sér til skemmtunar, aðr-
ir héra og broddgelti. Öfgamenn í
náttúruvernd telja sumir að mað-
urinn eigi að láta náttúruna afskipta-
lausa en gleyma þá að sá heimur sem
við byggjum er löngu orðinn mann-
gerður og litaður af nytjum manns-
ins. Það á við láð og lög og allt annað
tal er barnaskapur sem á best heima
í Andrésblöðunum.
Það er ekki umdeilt að hvalur við
Ísland étur mun meira sjávarfang
heldur en allur fiskiskipaflotinn kem-
ur með í land. En það eru auðvitað
margir óvissuþættir varðandi allt líf-
ríkið í sjónum. Það eru til þeir vís-
indamenn sem telja að við verndum
þorskinn best með því að drepa
meira af smáfiski líkt og gert er í sil-
ungsvötnum með oft ágætum ár-
angri. Fáir vilja samt fylgja slíkum
glannaskap. Það eru til þeir vís-
indamenn sem efast um að við getum
haft áhrif á viðgang þorsks með hval-
veiðum en líkurnar eru samt allar
með því að auknar hvalveiðar muni
skila sér í bættum hag fiskistofna.
Fiskimiðin umhverfis landið eru
okkar dýrmætasta auðlind og okkur
ber skylda til að verja
þau verðmæti svo þau
megi gagnast afkom-
endum okkar.
Þegar við Íslend-
ingar gengumst undir
alþjóðlegt bann við
hvalveiðum fyrir tveim-
ur áratugum var það í
mikilli andstöðu við
vilja þjóðarinnar og enn
er staðan þannig að
mikill meirihluti Íslend-
inga vill að hér verði
áfram stundaðar hval-
veiðar. Hitt er samt
áhyggjuefni hversu margir hafa hall-
að sér á hina hliðina og tala hreinlega
á innsoginu á móti veiðum þessum.
Fámennur en hávær hópur.
Úlfur, úlfur markaðs-
hyggjumanna
Einn þessara manna, Einar að
nafni Steinþórsson, skrifar skætings-
grein um mig í Morgunblaðinu á
sjálfan sunnudaginn, telur mig þar
jafnoka Ragnars Reykáss og er
sannfærður um að voði steðji að
markaðsímynd okkar Íslendinga ef
við færum að drepa hvali eingöngu til
að fækka þeim. Þetta er sami söng-
urinn og var þegar Íslendingar stóðu
í stappi við Alþjóðahvalveiðiráðið,
líka þegar við sögðum okkur úr því,
aftur þegar við hófum vísindaveiðar
og enn frekar þegar við svo nú síðast
hófum veiðar í atvinnuskyni. Nú
munu allir markaðir lokast var sagt
og ferðamenn hætta að heimsækja
sögueyjuna fögru. Og hvað svo?
Í öllum meginatriðum standa
markaðir Íslendinga vel í heiminum
og við höfum ekki skaðast svo orð sé
á gerandi af hvalveiðum. Hversu
lengi á að trúa þvættingi. Hér á hót-
eli austur í Mýrdal er erlendum
ferðamönnum gefið hvalkjöt til áts og
líkar flestum vel. Vitaskuld er til fólk
um allan heim sem telur hvalina guði
og má það mín vegna. En sá söfnuður
mun jafnt hamast hvort sem hval-
irnir sem við lógum eru 5 eða 500.
Misskilin hræðsla maurapúkans
Ég velti aftur á móti fyrir mér þeg-
ar ég les gífuryrði Einars Steinþórs-
sonar hvaða hvatir liggja hér að baki.
Er það náttúruvernd og samlíðan
með þessum glæstu spendýrum hafs-
ins sem við náttúruverndarsinnar er-
um vitaskuld allir sammála um að
ekki megi útrýma? Ég held ekki.
Einar er einn í hópi fjölmargra ferða-
þjónustuaðila sem gengur með þá
firru að hvalaskoðun og veiðar séu
ósamrýmanlegir atvinnuvegir og ótt-
ast um eigin pyngju þar sem hann
hefur starfað við hvalaskoðun. Það
voru í gamla daga kallaðir maura-
púkar, þeir hvimleiðu menn sem ekk-
ert gátu hugsað um nema eigin
gróða.
Það er löngu tímabært að afsanna
þessa kenningu og yrði best gert með
því að Kristján sjálfur Loftsson tæki
að sér hvalaskoðunarferðir á gömlum
hvalveiðibátum. Mér er full alvara
með að það yrði vinsælt meðal er-
lendra ferðamanna að skoða hvali í
fylgd með gömlum hvalveiðisjómönn-
um. Síðan mætti líkt og gert var á
Skjálfanda um daginn grilla hvalkjöt
um borð í hvalaskoðunarskipi. Borð-
um við ekki öll réttarsúpu eftir að
hafa dáðst að fallegum haustlömbum
í réttunum?
Íslendingar 21. aldarinnar eru síst
þeir bónbjargarmenn að þeim beri að
láta öfgamenn suður í heimi kúga sig.
Ísland er lýðveldi, ekki auglýs-
ingastofa eða markaðsfyrirtæki.
Þess vegna tökum við ákvarðanir um
hvalveiðar á grundvelli umhverf-
isverndar og ábyrgðar gagnvart líf-
ríki hafsins. Og tökum þær ákvarð-
anir sem fullvalda þjóð.
Maurapúkar eða hvalavinir?
Bjarni Harðarson skrifar um
hvalveiðar og svarar hjákátleg-
um athugasemdum
» Fiskimiðin umhverf-is landið eru okkar
dýrmætasta auðlind og
okkur ber skylda til að
verja þau verðmæti svo
þau megi gagnast af-
komendum okkar.
Bjarni Harðarson
Höfundur situr á Alþingi fyrir Fram-
sóknarflokkinn.
UNDANFARIÐ hafa heyrst gagn-
rýnisraddir á aðferðafræði Hafró við
mat á stofnstærð þorsks og ráðlegg-
ingar þeirra um veiðar í kjölfarið.
Mæling á stofnstærð er flókið ferli og
mikið af óvissuþáttum
sem leiða verður líkum
að, endanleg niðurstaða
um hvort matið hafi ver-
ið rétt kemur ekki að
fullu fram fyrr en hver
árgangur er horfinn en
það eru 14 ár í tilfelli
þorskins.
Vitaskuld verður
seint hægt að útiloka
óvissuþætti, til þess
þarf heildarmódel af
umhverfinu og ná-
kvæma vitneskju um
alla þætti sem hugsanlega geta haft
áhrif og hvernig þau áhrif eru. Slík
vitneskja verður ekki á okkar færi í
fyrirsjáanlegri framtíð. Það eru hins
vegar til aðferðir til þess að nýta þá
þætti í umhverfinu sem eru mældir
þó samband þeirra við þorskstofninn
sé ekki hægt að setja fram í formúlu
á auðveldan hátt, ein slík aðferð er
notkun gervitauganeta.
Fyrir um 12 árum síðan, kannaði
ég möguleikann á því að þjálfa gervi-
tauganet til þess að meta stofnstærð
þorsks þar sem tillit er tekið til um-
hverfisþátta auk hefðbundinna
gagna. Inntaki skipti ég niður í 52
þætti er fjölluðu um stofninn sjálfan,
8 sem fjölluðu um æti og stöðu þess
s.s. loðnu, rækju, kolmuna og karfa
og 16 umhverfisþætti s.s. hitastig,
seltu, átu, þörunga, strauma og veið-
ar úr Grænlenska þorskstofninum.
Alls 76 þættir sem ég mat hæfa til
notkunar úr þeim gögnum sem ég
vissi að Hafró hafði í
gagnagrunnum sínum
og ég hafði kynnt mér
að gætu skipt máli. Ég
lét gervitauganetið
læra tengslin á milli
þessara þátta úr 11-14
árum af upplýsingum
og áætla stofninn
næstu 4-6 ár. Nið-
urstaðan var að mínu
mati mjög ásættanleg
og gaf tilefni til frekari
rannsókna á því að nota
þessa tækni við að
tengja umhverfisþætti við stofn-
stærðarútreikninga.
Síðan ég gerði þessa rannsókn hef
ég þróað og þjálfað gervitauganet af
öðrum toga byggð á mynstur- og
áhættugreiningum mínum fyrir fjöl-
þjóðlegt fyrirtæki á fjármálamark-
aðnum, þau net hafa verið keyrð í
Bretlandi, Ítalíu, Tyrklandi og í
Belgíu með mjög góðum árangri. Net
þessi eru þjálfuð til þess að finna mis-
ferli og hafa náð því að finna allt að
80% af fjármagni sem reynt hefur
verið að svíkja út, sams konar módel
má nota til þess að greina pen-
ingaþvætti, tryggingasvik, misferli í
farsímakerfum, bókhaldssvik o.s.frv.
Sú reynsla sem af þessu hefur fengist
nýtist til þess að betrumbæta upp-
runalega stofnstærðarmatsnetið.
Vinnslugeta tölva hefur veruleg
áhrif á hvað hægt er að þjálfa stór
gervitauganet en á 12 árum hefur
vinnsluhraði áttfaldast í venjulegum
tölvum og minniskostnaður minnkað
gríðarlega. Það er því hægt að þjálfa
mun flóknari og stærri net núna en
þá. Fjöldi rannsókna á gervi-
tauganetum hefur einnig margfald-
ast gott dæmi um það er gríðarlegt
magn nýrra vísindarita um efnið sem
verður gefið út í tengslum við ráð-
stefnu IJCNN 2007 en ég var kjörinn
rýnir fyrir hönd INNS á þeirri ráð-
stefnu. Líklega hefur á þessum tíma
einnig orðið töluverð þróun á stofn-
stærðarútreikningum og þekkingu
okkar á umhverfi þorskins. Ég held
því að hægt sé að gera töluvert betur
í þessari aðferðafræði nú en fyrir 12
árum ef fjármagn fæst til rannsókna.
Áhugasamir um efnið eða notkun
gervitauganeta almennt geta sent
mér tölvupóst: jonb@it-cons.com
Er hægt að koma fleiri umhverf-
isþáttum inn í stofnstærðarmat?
Jón Jósef Bjarnason skrifar
um óvissuþætti í mati á
stofnstærð fiskjar
» Gervitauganet mánota til þess að fá
fram umhverfisáhrif í
stofnstærðarmat.
Jón Jósef Bjarnason
Höfundur er ráðgjafi á sviði gervi-
greindar.