Morgunblaðið - 19.07.2007, Blaðsíða 12
Reuters
Átakanlegt Aðeins stél vélarinnar var sjáanlegt eftir að hún hafnaði á byggingunni en aðstæður til björgunar
voru afar erfiðar sökum hita. Ekki er vitað hvort flugriti vélarinnar er óskemmdur en hann fannst í gær.
Eftir Ástu Sóley Sigurðardóttur
astasoley@mbl.is
ÓTTAST er að nálægt 200 manns hafi
farist þegar brasilísk farþegaflugvél
rann út af flugbraut á Congonhas-
flugvellinum í Sao Paulo í Brasilíu
seint á þriðjudag. Farþegar í vélinni
voru 176 og talið er að hér ræði um
mannskæðasta flugslys í sögu Bras-
ilíu. Um 25 vegfarendur eru einnig
taldir hafa látið lífið. Vélin rann yfir
fjölfarinn veg í miklu regni og skall á
fjögurra hæða lagerbyggingu. Þar
var m.a. geymt eldsneyti og varð vélin
samstundis alelda og kastaði fólk sér
út um glugga á byggingunni.
Luiz Inacio Lula da Silva, forseti
Brasilíu, hefur lýst yfir þriggja daga
þjóðarsorg vegna slyssins.
Jose Serra, ríkisstjóri Sao Paulo,
sagði útilokað að nokkur farþeganna
hefði getað lifað af slysið en björg-
unarstarf gekk erfiðlega þar sem hit-
inn í flakinu nálgaðist á tímabili 1.000
gráður. Í gær höfðu 56 lík fundist og
tveir til viðbótar látist þegar komið
var á sjúkrahús. Sextán af þeim voru
ekki farþegar í vélinni.
„Flugvélin jók hraðann þegar hún
náði á enda flugbrautarinnar og
reyndi að fara í aftur í loftið til þess að
forðast að lenda á veginum. Það tókst
ekki og hún rann á bygginguna og
sprakk í loft upp,“ sagði vitni að flug-
slysinu við AFP-fréttastofuna.
Flugbrautin of stutt?
Hávær umræða hefur verið um ör-
yggi flugvallarins en braut hans er
talin vera of stutt, flugumferð of mikil
og nálægð við fjölfarnar götur og
byggingar of mikil. William Voss,
bandarískur sérfræðingur í flugör-
yggismálum, sagði þó að ekki skyldi
skella skuldinni strax á flugbrautina
heldur bíða þess sem rannsókn slyss-
ins leiddi í ljós. Áður höfðu dómstólar
lagt bann við að þrjár þotutegundir
lentu á vellinum af öryggisástæðum.
Var hins vegar fallið frá banninu á
hærra dómsstigi þar sem afleiðingar
voru taldar of miklar fyrir efnahag
landsins. Congonhas-flugvöllurinn er
aðeins örfáa kílómetra frá miðborg
Sao Paulo en um hann fer mikill hluti
innanlandsflugs í Brasilíu.
! " # $ % & # ' $
( ) * + ' , & *
-
!
" #
$%
"
&
'
%
($%
) * $
+,,-
. / 0
.
(1
! "
Í HNOTSKURN
»Flugvélin var af gerðinniAirbus A320 og í eigu TAM
sem er stærsta flugfélag Bras-
ilíu. Byggingin sem hún rann á
var vörulager TAM.
»Mannskæðasta flugslysBrasilíu hingað til átti sér
stað í september 2006 en þá brot-
lenti Boeing 737 í Amazon frum-
skóginum eftir að einkaþota
hafði flogið á þotuna.
» Allir 154 um borð í þeirri véllétu lífið en farþega einka-
þotunnar sakaði ekki.
»Flugmenn segja sérstaklegaerfitt að lenda á flugbraut-
inni í Congonhas, hún sé stutt og
oft hál í rigningu. Snerti þeir
ekki flugbrautina á fyrstu 307
metrunum þurfi þeir að taka á
loft, snúa við og reyna aftur
lendingu.
Þjóðarsorg lýst yfir
eftir hörmulegt flugslys
12 FIMMTUDAGUR 19. JÚLÍ 2007 MORGUNBLAÐIÐ
ERLENT
Delft. AP. | Dýravæn lausn hefur
verið fundin í Hollandi við offjölgun
gæsa í þéttbýli – í staðinn fyrir að
eitra fyrir þær er fundið nýtt
heimili handa fuglunum. Upphafs-
maður þessarar nýju stefnu er
Martin Hof, einnig þekktur sem
„Gæsahvíslarinn“.
„Þetta snýst allt um að bera virð-
ingu fyrir gæsunum,“ segir Hof en
hann hefur þróað sérstaka aðferð
við að nálgast gæsirnar og eiga
samskipti við þæ. Hann er þekktur í
borginni Delft fyrir hæfileika sína.
Eftir að hafa sjö ára gamall bjargað
gæs úr neti hefur hann verið heill-
aður af fuglunum og nú sextán ár-
um seinna gengur hann beint inn í
gæsahópinn og blístrar, talar og
eins og nafngiftin bendir til: hvíslar
til gæsanna.
Eftir að ein gæs reyndi að bíta í
fót hjólreiðamanns, nálgaðist Hof
hana til þess að eiga smáspjall við
vandræðagemsann. Hann notaði
handlegginn til að herma eftir
gæsahreyfingum til að sýna að
hann væri vinur og eftir stutt spjall
hvarf gæsin pollróleg aftur í hóp-
inn. Hof segir gæsina ekki vera
árásargjarna, henni hafi einungis
brugðið, hjólreiðamaðurinn hafi
ætt inn í persónulegt rými hennar.
Vill ekki drepa fuglana
Í Hof van Delft garðinum í Delft
hefur gæsum fjölgað ískyggilega
undanfarið og þær orðið árásar-
gjarnar, bæði börn og fullorðnir
mega vara sig þegar gengið er um
garðinn. „Fólk gefur gæsunum
brauð og á endanum fara þær að
narta í börnin,“ segir Hof og kveð-
ur þetta slæmt. Hann hefur komið
sér upp gagnagrunni með yfir 100
bóndabæjum sem vilja fá nokkrar
gæsir til sín og passar hann sig á
því að senda einungis heilar fjöl-
skyldur í burtu en hann segir gæsir
vera trúar maka sínum til æviloka
og að sumar deyi úr sorg sé þau
skilin að. Það sé ekki bara slæmt
fyrir gæsina, heldur einnig fyrir
vegfarendur þar sem sorgmædd
gæs sé mjög hávær.
„Gæsa-
hvíslari“
aðstoðar
AP
Gáfaðar „Sumir segja þær heimskar en það erum við sem gefum þeim
brauð og kennum þeim að fara yfir hin eðlilegu mörk,“ segir Hof.
Talar við gæsirnar og finnur ný heimili fyrir þær
NELSON Mandela, fyrrverandi for-
seti Suður-Afríku, hélt upp á 89 ára
afmælisdaginn sinn í gær. Kannan-
ir sýna að hann hefur sjaldan notið
meiri virðingar en hann sat í þrjá
áratugi í fangelsi fyrir baráttu sína
gegn aðskilnaðarstefnu hvítra
manna í Suður-Afríku. Mandela
notaði afmælisdaginn til að ýta
formlega úr vör nýju átaki til að
binda enda á styrjaldir í heiminum.
AP
Afmæli Péle fagnar með Mandela.
89 ára afmæli
SÍÐASTLIÐNA sjö mánuði hafa
engir fangar verið teknir af lífi í
Flórída, í kjölfar þess að það mis-
tókst að taka fangann Mark Dean
Schwab af lífi með banvænni
sprautu. Sprauta þurfti Schwab
tvisvar, sökum þess að ekki tókst að
hitta á æð í fyrstu tilraun, og var
dauðastríð hans 34 mínútur.
En í gær undirritaði Charlie
Crist ríkisstjóri dauðadóm í fyrsta
sinn í sjö mánuði. Crist sagði af
þessu tilefni að hann væri þess full-
viss að þjálfun, skipulagning og
samskiptaferlar tengdir dauðarefs-
ingum í Flórída væru í samræmi við
stjórnarskrá Bandaríkjanna.
Aftökustoppi
lokið í Flórída
NÍGERÍSKA lögreglan segist leita
að manni sem talinn er hafa myrt
eiginkonu sína eftir að hún fæddi
þríbura. Mun maðurinn hafa reiðst
svo mjög að hann barði konuna til
bana. Fyrir áttu hjónin tvíbura.
Börn þeirra eru nú á munaðarleys-
ingjahæli í Lagos.
Banvæn heift
DEMÓKRATAR í öldungadeild
Bandaríkjaþings hugðust í gær
greiða atkvæði um brottflutning
hersins frá Írak, en repúblíkönum
tókst að koma í veg fyrir það, því of
fáir studdu atkvæðagreiðsluna.
Herinn um kyrrt
ÍGOR Ívanov er hættur sem yfir-
maður þjóðaröryggisráðsins rúss-
neska. Ívanov, sem var áður utanrík-
isráðherra, mun hafa verið ósáttur
við það hversu lítil áhrif hans eru
orðin á stjórn mála í Rússlandi.
Ívanov á útleið
MANUEL Nor-
iega, fyrrverandi
leiðtogi Panama,
verður fram-
seldur til Frakk-
lands eftir að
honum verður
sleppt úr haldi í
Bandaríkjunum í
september en
þar afplánar
hann nú fjörutíu ára fangelsisdóm
vegna eiturlyfjasölu og annarrar
glæpastarfsemi. Noriega hefur gist
fangaklefa í Bandaríkjunum í
meira en sautján ár en honum var
steypt af stóli í Panama með innrás
Bandaríkjahers í desember 1989.
Nú á að sleppa honum vegna góðr-
ar hegðunar. Frönsk yfirvöld fá
hann hins vegar, að því er fram
kom í Los Angeles Times, en þar
bíður hans tíu ára fangelsi vegna
dóms fyrir peningaþvætti.
Framseldur
til Frakklands
Manuel Noriega
London. AP. | NATO-ríkin sýna her-
sveitum alþjóðahersins í Afganistan
ekki nægilega mikinn stuðning og þá
hafa menn áhyggjur af því að margt
bendi til þess að liðsmönnum talib-
ana í landinu sé að vaxa ásmegin.
Þetta kemur fram í nýrri og ítarlegri
skýrslu breska þingsins.
Í skýrslunni, sem varnarmála-
nefnd breska þingsins vann, er varp-
að ljósi á ýmis atriði sem valda
mönnum áhyggjum, t.d. ónóg þjálfun
afgönsku lögreglunnar og hersins.
Þá þykir stefna stjórnvalda hvað
varðar að uppræta ópíumakra í land-
inu vera óljós. Helsta áhyggjuefnið
er þó talið vera ónógur stuðningur
annarra NATO-ríkja við stöðug-
leikasveitir bandalagsins (ISAF) í
Afganistan – en Bretar hafa þar
7.100 hermenn og hafa aðeins
Bandaríkjamenn fleiri. NATO hefur
alls 37.000 hermenn í Afganistan en
þörf er á mun stærri liðsafla. Lönd
eins og Spánn, Ítalía, Þýskaland og
Frakkland hafa þó neitað að senda
fleiri. Peter Inge, fyrrv. yfirmaður
breska heraflans, sagði í síðustu viku
að staðan í landinu væri mun verri en
menn viðurkenndu.
Liðsaflinn
of veikur
NATO í vandræð-
um í Afganistan