Morgunblaðið - 02.08.1979, Blaðsíða 22

22 MORGUNBLAÐIÐ, FIMMTUDAGUR 2. ÁGÚST 1979
Fyrirhuguð vinnutímabreyting starfsfólks á sjúkrahúsum
■
I H 1 !$ i?£*** ri
1 ír n k *w
1 (jfc,,
, JVKstök er breytingin
leiðir af sér átök“
„ÞAÐ sem þarna er verið að gera
er í rauninni það, að verið er að
flytja mætingatímann til, þannig
að starfsfólkið mæti klukkan
átta í stað hálf átta á morgnana,u
sagði Davíð Á. Gunnarsson,
framkvæmdastjóri ríkisspítal-
anna. Hann sagði að breytingin
væri hugsuð til þess að auka
sparnað og hagkvæmni. Einnig
gæti hún falið í sér vissa kosti
fyrir starfsfóikið og ætlunin
hefði verið sú að breytingin kæmi
ekki til framkvæmda nema í
samráði og samstarfi við stéttar-
félögin. „En þau virðast hafa
tekið þetta eitthvað óstinnt upp,“
sagði Davíð.
— segir Davíð
A. Gunnarsson
„í fljótu bragði virðist manni
það geta verið viss kostur að
stytta sinn daglega vinnutíma, að
minnsta kosti er mikið af fólki
sem biður um hlutavinnu og það
munar miklu fyrir suma, sem eru
með börn á barnaheimili, hvort
þarf að rífa þau upp eldsnemma á
morgnana eða hvort það getur
gerst hálftíma seinna."
Davíð sagði að sjúkrahúsin
væru ekki aðilar að kjarasamning-
um heldur fjármálaráðuneytið.
„Við höfum kannski verið svo
barnalegir að styðjast við skoðun
fjármálaráðuneytisins, en það
hefur tjáð okkur að breyting sem
þessi, væri brot á samningum og
við værum í okkar fyllsta rétti til
þess að gera þetta. Vinnufyrir-
komulagsbreyting þessi er vita-
skuld komin til vegna þeirra
sparnaðaráætlana sem verið er að
gera í rekstri sjúkrahúsanna. En
breytingin var hugsuð að kæmi til
framkvæmda í nóvember," sagði
Davíð. „Það er hins vegar alveg
ljóst, að ef ekki er hægt að ná
samkomulagi við stéttarfélögin
um þessa breytingu, þá er hún
dauð. Breyting á starfstímanum
verður ekki framkvæmd í and-
stöðu við starfsfólkið."
„Harma að ríkisstjórnin ætlar að
skerða laun þeirra lægst launuðu44
STJÓRN og trúnaðarráð Sjúkraliðafélags íslands samþykktu á fundi
sínum í gær eftirfarandi ályktun:
Stjórn S.L.F.Í. og trúnaðarmcnn sjúkraliða á ríkisspítöium harma
það að sú rikisstjórn, scm nú situr við völd. skuli ckki hafa önnur ráð til
lausnar þcim cfnahagsvanda, scm hún hcfur komið sér í, en að skerða
laun þcirra lægst launuðu mcð því að ganga á gcrða kjarasamninga.
Stjórn S.L.F.Í. mótmadir því að rfkisstjórnin skuli draga úr þjónustu
við þá scm á sjúkrahúsdvöl þurfa að halda mcð þvf að breyta vinnutfma
sjúkraliða. Einnig þá ákvörðun stjórnarncfndar rfkisspftala að fækka
starfsfólki á sjúkrahúsum mcð þcim aflciðingum að sjúkrarúmum
hlýtur að fa'kka.
Davíð sagði, að sérstök nefnd
hefði verið stofnuð á sínum tíma
til þess að koma þessari breytingu
í framkvæmd. I henni hefði verið
starfsmannastjóri ríkisspítal-
anna, fulltrúi fjármálaráðuneytis-
ins, hjúkrunarforstjóra spítal-
anna og fulltrúi frá starfsmanna-
ráði spítalanna. „Það hefur því
verið eindreginn vilji stjórnenda
hér að þetta yrði gert í samvinnu
en ekki í andstöðu við stéttar-
félögin. Það eru þá mistök ef þetta
leiðir af sér einhver átök,“ sagði
Davíð Á. Gunnarsson að lokum.
„I>etta er brot
á sairaiinguin“
— segir Fjóla Guðmundsdóttir
„AÐ OKKAR mati er um að ræða brot á samningum" sagði Fjóla
Guðmundsdóttir, en hún cr trúnaðarmaður Sóknarkvenna á Landa-
kotsspftala. Fjóla var spurð að því hvaða áhrif fyrirhuguð stytting
vinnutfmans hefði á kjör starfsstúlkna á sjúkrahúsum.
„Þeir vildu halda því fram, að
þetta væri einungis yfirvinna, sem
ætti að fella niður, án þess að
þetta væri samningsbrot, en eins
og ég segi þá er um samningsbrot
að ræða að okkar mati,“ sagði
Fjóla. „Það er byrjað svona. En
hver verður tekinn fyrir næst?"
Hún sagði að tilfærsla á vinnu-
tíma væri í sjálfu sér ekkert mál,
heimilt væri fyrir yfirvöld sjúkra-
húsanna að færa vinnutímann frá
hálfátta til klukkan átta atmorgn-
ana, við því væri ekkert að segja
með eðlilegum aðlögunartíma.
„En þegar á að fara að ganga á
samningana, því kaffitíminn var
samningsatriði, þá er farið að
rifta samningum í raun og veru,“
sagði Fjóla. „Við erum auðvitað
heitar út af þessu.“
Fjóla sagði að gert væri ráð
fyrir lengingu næturvinnuvakt-
anna, en ekki væri vitað hvort
þessar næturvaktir ættu að taka
við óunnum störfum frá deginum.
Ef svo væri yrði vitaskuld að bæta
við fólki á næturvaktirnar og þá
vaknaði sú spurning hvort í því
fælist einhver sparnaður.
Hún sagði mikinn urg vera í því
starfsfólki, sem þetta bitnaði á,
starfsstúlkum, hjúkrunarfræðing-
um og sjúkraliðum. „Við höfum
verið að ræða þessi mál og það er
víst að við viðurkennum ekki slíkt
samningsbrot," sagði Fjóla.
Þá nefndi hún einnig, að fyrir-
hugaðar væru breytingar á heim-
sóknartímum, þannig að hann yrði
ekki bundinn við klukkutíma á
daginn og hálftíma á kvöldin.
Jafnvel væri fyrirhugað að leyfa
heimsóknartíma hvenær sem er.
„Hvernig í ósköpunum eigum við
sem vinnum á sjúkrahúsunum að
skila nokkru verki ef um verður að
ræða stanzlausan heimsóknart-
íma?“
„Engin heimild til
að breyta þessu4'
— segir Svanlaug Árnadóttir
„Okkur finnst,ekki hægt að stytta vinnutímann á þennan hátt,“
sagði Svanlaug Árnadóttir, formaður Hjúkrunarfélags ísiands. Hún
sagði að ekki væri búið að kanna hvaða áhrif þetta hefði á kjör
hjúkrunarkvenna en um brot á gerðum samningum væri að ræða ef af
yrði. „Við teljum að engin heimild sé til að breyta þessu einhliða,
samningurinn er í gildi þar til nýr hefur verið gerður,“ sagði
Svanlaug.
„Við höfum ekki rætt það hvort
við grípum til einhverra aðgerða,
það var stjórnarfundur hjá okkur
í gær en þá hafði ekki enn borist
þetta plagg sem búið er að dreifa.
Ég hef því ekki séð þessa tilkynn-
ingu ennþá," sagði Svanlaug og
sagði að ekki væri búið að kalla
saman stjórnarfund í félaginu
vegna þessa máls sérstaklega. „En
ég held að öllum sé ljóst að laun
hjúkrunarfræðinga eru þannig að
þau eru ekkert til að klípa af,“
sagði Svanlaug.
W.W. Bulukin
NORÐMENNIRNIR scm vinna
munu að björgun Northrop flug-
vélarinnar, sem nú liggur á botni
Þjórsár. komu til íslands um
hádegisbilið í gær. Þeir flugu frá
Noregi með Lochced c-130 Her-
cules herflutningaflugvél. en
Norðmcnnirnir hafa mikið magn
tækja meðferðis sem nota á við
ílugvélarhjörgunina, um 15 tonn
alls.
Tækin verða flutt austur að
Þjórsá á næstunni, en aðgerðirnar
sjálfar hefjast laugardaginn 4.
ágúst. Níu menn komu með flutn-
ingavélinni frá Noregi í gær og
munu þeir allir starfa að björgun-
araðgerðum. W.W. Bulukin, flug-
maður vélarinnar sem fórst í
Björgun flugvélar-
innar úr Þjórsá:
Norski
hópurinn
kominn
Þjórsá, er fyrirliði Norðmann-
anna, en auk hans komu hingað
átta menn. Þetta eru fjórir kafar-
ar, tveir flugvirkjar sem störfuðu
hér á landi á stríðsárunum, Stein
Eggen, en hann er hér á vegum
norska flugsögufélagsins og Olav
Reed-Olsen, en hann er gamall
norskur herflugmaður.
Auk norskra og íslenskra aðila
munu nokkrir Bandaríkjamenn
starfa við björgunina, en þeir
munu koma hingað til lands á
föstudagsmorgun. í þeirra hópi
verður einn Islendingur, Sveinn
Þórðarson, en hann er flugvéla-
verkfræðingur að mennt og starf-
ar hjá bandarísku Northrop flug-
vélaverksmiðjunum.
í ráði er að leiðangurinn fari
austur að Þjórsá á föstudagskvöld
og munu aðgerðir hefjast á laug-
ardaginn. Flugvélin er, að talið er,
á um tveggja metra dýpi og hulin
sandi og leir. Verður það því mikil
vinna að ná henni upp úr ánni og
er talið að það muni taka viku til
tiu daga.
Bulukin, fyrirliöi norska hópsins á tali við Ragnar J. Ragnarsson leiðangursstjóra og
varaformann íslenska Flugsögufélagsins. LjóKm.:Mbi.KriKtinn.