Morgunblaðið - 24.07.1985, Blaðsíða 24
24
MORGUNBLADID, MIÐVIKUDAGUR 24. JÚLÍ1985
Indverska farþegaþotan:
Enn ekkert vitað
um orsök slyssins
Nýju Uelhi, 23. júlí. AP.
KLUGMÁLARÁÐHERRA Indland.s sagði í dag að ekki væri enn Ijóst hvað
olli sprengingu indversku farþegaþotunnar, sem fórst undan strönd írlands í
síðasta mánuði.
Ráðherrann, Ashok Gehlot,
sagði í þingræðu að ekki væri unnt
að staðfesta að hér hefði verið um
skemmdarverk að ræða, þótt
hljóðriti og flugriti vélarinnar
hefðu verið ýtarlega rannsakaðir.
Bætti hann því við að sérfræð-
ingar mundu skila skýrslu um
málið ekki síðar en 30. desember.
í dag var hafist handa við að
taka myndir af flaki vélarinnar,
en það liggur á um tvö þúsund
metra dýpi. Er svipað tæki notað
og það sem náði hljóðritanum og
flugritanum upp úr sjónum í fyrr í
mánuðinum.
Chirac vill
samstöðu
París, 23. júlí. AP.
BORGARSTJÓRI Parísar, Jaques
Chirac, hvatti í dag til þess að ríkis-
stjórnir Vestur-Evrópuríkja tækju
þátt í geimvarnaáætlun Bandaríkja-
stjórnar.
Sagði Chirac að fulltrúar Evr-
ópuríkja ættu að koma saman og
ræða leiðir til að standa sameig-
inlega að þátttöku í geimvarna-
áætluninni.
Hann fór ennfremur hörðum
orðum um „ hina neikvæðu og
öfgafullu afstöðu" Francois Mitt-
errands Frakklandsforseta til
geimvarnaáætlunarinnar.
Ljóst væri að Bandaríkjamenn
yrðu að halda áfram með áætlun-
ina, þar sem Rússar væru með
svipað varnarkerfi i undirbúningi.
GENGI
GJALDMIÐLA:
Dollarinn
lækkaði
London, 23. júlí. AP.
GENGI Bandaríkjadollar lækkaði
talsvert í dag þrátt fyrir nýjar já-
kvæðar fréttir úr efnahagslífi
Bandaríkjanna. Tilkynnt var í Wash-
ington, að eftirspurn eftir svonefnd-
um varanlegum vörum hefði aukizt
um 1,8% f maí, en margir höfðu bú-
izt við því, að hún myndi dragast
saman.
Sterlingspundið hækkaði og
kostaði það 1,4135 dollara siðdegis
í dag (1,3897). Varð fréttin um, að
leiðtogar OPEC-ríkjanna hefðu
náð samkomulagi um að lækka
olíuverðið aðeins lítillega til þess
að ýta undir hærra gengi punds-
ins.
Gengi dollarans var annars
þannig, að fyrir hann fengust
2,8420 vestur-þýzk mörk (2,8%5),
2,3430 svissneskir frankar
(2,3757), 8,6700 franskir frankar
(8,8ooo), 3,2070 hollenzk gyllini
(3,2555), 1.910,00 ítalskar lírur
(1.945,50), 1,3480 kanadískir doll-
arar ( 1,3508) og 238,18 jen
(240,55).
Verð á gulli hækkaði og kostaði
hver unsa 321,25 dollara (318,00).
ísrael:
100 Líban-
ir leystir
úr haldi
Tel Aviv, 23. júlí. AP.
ÍSRAELSKA herstjórnin skýrði frá
því í dag að hundrað líbanskir fang-
ar yrðu leystir úr haldi á miðvikudag
í næstu viku, en þeir hafa verið í
fangelsi í Norður-ísrael.
Fangarnir eru úr hópi 430 líb-
anskra fanga sem ísraelar tóku til
fanga í Suður-Líbanon þegar þeir
drógu til baka herlið sitt þaðan.
Flestir þeirra eru shítar.
Nú hafa fsraelar látið um 800
líbanska fanga lausa frá því í apr-
11.
Kanada:
Búlgara
meinað að
snúa aftur
til landsins
OtUwa, Kanada, 23. júlí. AP.
KANADÍSKA stjórnin hefur
skýrt frá því að búlgörskum
stjórnarerindreka sé óheimilt að
snúa aftur til Kanada vegna
þess að hann sé „riðinn við
starfsemi sem samrýmist ekki
stöðu hans“.
Búlgarinn Raikov Ivan
Delibaltov, sem er í leyfi í
heimalandi sínu, hefur verið
aðstoðarviðskiptafulltrúi á
ræðismannaskrifstofu Búlg-
aríu í Toronto.
f tilkynningu stjórnarinnar
um þetta mál segir að Delibal-
tov hafi með ólöglegum hætti
aflað sér upplýsinga, sem
væru honum óviðkomandi.
Reagan tekur á móti Kínaforseta:
Undirstöður lagöar
að vináttu þjóðanna
Wvdiini^on, 23. júll. AP.
RONALD Reagan Bandaríkjaforseti tók í dag á móti Li Xiannian Kínafors-
eta og sagði í ræðu við það tækifæri að þjóðirnar tvær hefðu lagt grunn að
vináttu þjóðanna og að velvilji ríkti þeirra í millum.
Móttökuathöfnin var styttri en
venjulega þar sem Reagan er ný-
kominn af sjúkrahúsi vegna
skurðaðgerðar. í ræðu árnaði Li
Reagan heilla og kvað Kínverja
fylgjast af athygli með hversu
fljótt forsetinn næði sér eftir
skurðaðgerðina.
Reagan minntist Kínaferðar
sinnar fyrir rösku ári og sagði það
sannkallaðan heiður að fá Kína-
forseta í heimsókn til Washing-
ton. Li er fyrsti þjóðarleiðtogi
Kína, sem heimsækir Washington,
frá því kommúnistar komust til
valda.
Blaðamenn spurðu forsetann
um líðan hans. Kvaðst hann hress.
Hann sagðist m.a. mundu ræða
við Li um samstarf Kínverja og
Bandaríkjamanna á sviði kjarn-
orkuvísinda. Enn er óljóst hvort
forsetarnir undirrita samning þar
að lútandi í heimsókn Kínaforseta
til Bandaríkjanna.
Washington:
Alþjóðasamband lýð-
ræðisflokka þingar
ANNAÐ þing Alþjóðasambands lýð-
ræðisflokka (IDU) hefst í Washington
í dag, miðvikudag, og sækja það leið-
togar hægri flokka í 31 ríki, þ.á m.
nokkrir helstu stjórnmálaforingjar
Vesturlanda.
Meðal helstu umræðuefna á þing-
inu eru geimvarnaráætlun Banda-
ríkjastjórnar, barátta gegn hryðju-
verkum og eiturlyfjavandamálið.
Meðal ræðumanna verða George
Bush, varaforseti Bandaríkjanna,
og Caspar Weinberger, varnar-
málaráðherra, en skurðaðgerðin á
Reagan forseta kemur að líkindum í
veg fyrir að hann sæki hádegisverð
með þingfulltrúum eins og fyrir-
hugað var.
Dönsku blöðin for-
dæma hryðjuverkið
Land og Folk telur þó Bandarfkjamenn bera ábyrgðina
Kaupmannahofn, 23. júlí AP.
VIÐBRÖGÐ danskra blaða við sprengingunum í Kaupmannahöfn í gær
voru mismunandi. Þannig fordæmdu flest blöðin hryðjuverkin harð-
lega, en eitt þeirra, blað danska kommúnistaflokksins, hélt því þó fram,
að það væru Bandaríkin, sem væru mesti hryðjuverkaaðilinn.
Kristilegt dagblað, blað Kristi-
lega þjóðarflokksins, sagði m.a.:
„Ef einhver heldur, að slíkar
sprengingar geti þjónað þeim til-
gangi að skapa ótta og andúð í
garð bandarískra fyrirtækja eða
gyðinga, þá hefur hann reiknað
dæmið skakkt."
„Þetta var ekkert nema hryðju-
verk, ómannúðlegt og glæpsam-
legt,“ segir blaðið Berlingske Tid-
ende. Blaðið heldur því fram, að
það sé aðeins láni að þakka, að
slys á fólki urðu ekki meiri en
raun ber vitni. Blaðið Politiken
getur þess, að samtök shíta, Is-
lamic Jihad eða „Heilagt stríð“
hafi lýst yfir ábyrgð sinni á
sprengingunum. „Hryðjuverk eru
glæpsamleg," segir blaðið. „Eng-
inn málstaður er svo heilagur, að
hann geti tekið á sig mynd heil-
ags stríðs."
Jyllands-Posten í Árósum tel-
ur, að Danir hafi mátt vita, að
hryðjuverk gætu átt sér stað í
landinu. „Engu að síður, vekur
það skelfingu, þegar það gerist."
Land og Folk, blað kommún-
ista, heldur því fram, að búast
hafi mátt við því, að spreng-
ingarnar yrðu túlkaðar á þann
veg, að alþjóðleg hryðjuverka-
starfsemi hefði nú hafið innreið
sína í Danmörku. Slíkt væri þó
allt of einföld skýring á spreng-
ingunum í Kaupmannahöfn.
„Hryðjuverkastarfsemi hefur
verið lengi við lýði í Danmörku,“
segir blaðið. „Án þess að blygðast
sín, starfar danska stjórnin náið
með Bandaríkjunum, hryðju-
verkamanni númer eitt í heimin-
um.“
Margaret Thatcher, forsætisráð-
herra Bretlands, mun sitja þingið
og ávarpa það, og aðrir forsætisráð-
herrar sem það gera eru Manuel
Esquivel frá Belize, Eugenia Charl-
es frá Dominikanska lýðveldinu,
Herbert Blaize frá Grenada,
Edward Seaga frá Jamaica og K&re
Willoch frá Noregi. Paul Schlúter,
forsætisráðherra Danmerkur,
hugðist sækja þingið, en hermdar-
verkið i Kaupmannahöfn á mánu-
dag kann að breyta þeirri áætlun.
Alþjóðasamband lýðræðisflokka
var stofnað í júní 1983 og var fyrsta
þing þess haldið í Lundúnum 1983.
Kjartan Gunnarsson, fram-
kvæmdastjóri Sjálfstæðisflokksins,
sagði í samtali við Morgunblaðið að
flokknum hefði verið boðið að senda
fulltrúa á þingið í Washington, en
ákveðið hefði verið að þiggja það
boð ekki. „Við erum ekki í þessum
samtökum og höfum ekki setið aðra
fundi á þeirra vegum,“ sagði hann.
Kjartan kvað hugmyndir um aðild
sjálfstæðismanna að Alþjóðasam-
bandi lýðræðisflokka ekki hafa ver-
ið ræddar formlega á vettvangi
flokksins, en hins vegar hefði
Sjálfstæðisflokkurinn flokksleg
samskipti við þá stjórnmálaflokka
á Norðurlöndum sem aðild ættu að
IDU.
Jaques Chirac
Geimvarnaráætlunin:
Mikilvœgur fundur
(AP/Simamynd)
Rajiv Gandhi, forsætisráðherra Indlands (til vinstri á myndinni), hóf í gær viðræður við Harchand Singh
Longowal, helzta stórnmálaleiðtoga síka í landinu. Var þetta fyrsti fundur þeirra síðan indverski herinn gerði
árásina á Gullna hoflð í júní í fyrra og handtók marga af forystumönnum síka. Viðræðurnar nú eru taldar afar
mikilvægar og miklar vonir við þær bundnar. Stóð fundurinn í gær í hálfa klukkustund og sagði talsmaður
Gandhis, að viðræðurnar hefðu gengið „mjög vel“.