Morgunblaðið - 20.09.1985, Blaðsíða 22
22
MORGUNBLAÐIÐ, FÖSTUDAGUR 20. SEPTEMBER1985
Saudi-Arabar hafa
fullgilt samninga
um olfuverðslækkun
WashinKton, 19. sept. AP.
JOHN Hcrrington, orkumálaráðhcrra Bandaríkjanna, staðfesti í gsr fréttir
um, að stjórnvöld í Saudi-Arabíu hefðu fullgilt samninga, sem hafa munu
í för með sér verðlækkun á saudi-arabískri olíu niður fyrir 28 dollara
markið, sem er hið opinbera verð hjá OPEOríkjunum fyrir hvert fat.
Hann sagði fréttamönnum, að
lækkunin hefði í för með sér, að
verðið yrði aðeins 2-3 dollurum
lægra en margar OPEC-þjóðanna
hefðu boðið undanfarið.
„Nú keppa þeir við aðra seljend-
ur á jafnréttisgrundvelli," sagði
Herrington, „og það munu ekki
verða neinar umtalsverðar lækk-
anir fram yfir þetta.“
Bandaríkjastjórn hefur ekki
staðfest þessar fréttir fyrr, en það
var fjármálatímarit á Kýpur, sem
fyrst greindi frá samningum
Saudi-Arabíu og olíufélaganna
Exxon, Mobil og Texaco um lækk-
un olíuverðs.
I blaðinu, sem talið er mjög
áreiðanlegt, voru Saudi-Arabar
sagðir eiga í svipuðum samninga-
viðræðum við Shell-olíufélagið.
Ennfremur sagði, að samningar
þessir í heild mundu auka olíu-
framleiðslu Saudi-Arabíu úr 2,5
milljónum fata á dag í 3,5 milljónir
fata.
Fulltrúar olíufélaganna fjög-
urra hafa ekkert viljað um málið
segja.
Filippseyjar:
Leiðtoginn byrlaði
trúflokknum eitur
Og framdi síöan sjálfsmorð - 69 manns létust
Manila, Filippneyjum, 19. aepteraber. AP.
SEXTÍU og níu eru taldir hafa látlst
eftir aó hafa verið byrlað eitur í mat
af trúarleiðtoga sínum fyrripart sept-
embermánaðar, en hann er síðan
sagður hafa framið sjálfsmorð. Fregn-
um ber ekki saman um hvort um
fjöldasjálfsmorð hafi verið að ræða
eða ekki. Atburðurinn átti sér stað
tsplega 1.000 kflómetra suður af
Manila 9. september, en ekki varð
kunnugt um hann fyrr en á miðviku-
dag, sakir þess að þetta bérað liggur
mjög afskekkt.
Þeir sem létust eru af Ata—
kynflokknum. Þorpið, þar sem
atburðurinn átti sér stað liggur við
rætur hæsta fjalls Filippseyja,
Apo-fjalls, en það er tæpra 3 þús-
und metra hátt. Orsakir verknað-
arins eru sagðar vera þær, að trú-
arleiðtoginn, sem talinn er kona,
hafi lofað fólki sínu að búa tii
peningatré og þegar það gekk ekki
eftir, hafi hún eitrað fyrir það.
Ekki er kunnugt um hvort fólkið
tilheyrir einhverjum þekktum trú-
flokki, en margt af því trúir enn á
stokka og steina eins og forfeður
þess. Ata-kynflokkurinn er þekktur
fyrir að vera mjög friðsamur og
lifir á rótarávöxtum og veiðum með
bogum ogörvum.
Vegabréfaskyldan felld niður
Timothy Mayisela, sem býr í Jóhannesarborg, sýnir hér vegabréfið, sem
svartir íbúar borgarinnar verða að bera á sér til þess að sanna að þeim
að þeim sé leyfílegt að fara inn á svæði hvítra. Stjórnvöld ætla að afnema
vegabréfaskyldu þessa, en svertingjar hafa ævinlega litið á hana sem
tákn fyrir yfírdrottnun hvíta minnihlutans.
Ljósmynd/W.P.A/AP
Henry prins eins árs
HENRY prins, yngri sonur Díönu prinsessu og Karls prins af Wales,
ríkisarfa Bretlands varð eins árs síðastliðinn sunnudag, 15. september.
Myndina tók frændi hans Andrew prins, en hann er næstyngsti sonur
Elísabetar II Englandsdrottningar.
Eldri sonur ríkisarfans, sem var þriggja ára í sumar, hefur skólagöngu
í haust og hefur prinsinn af Wales farið þess á leit við fjölmiðla, að þeir
geri sitt til að skólaganga hans verði eins eðlileg og kostur er.
Interpolis-skákmótið:
Hubner
og Miles
efstir
VESTUR-Þjóðverjinn Hiibner og
Englendingurinn Tony Miles eru
jafnir og efstir að 13 umferðum
loknum á hollenska Interpolis skák-
mótinu með 7Vz vinning, en síðan
kemur Lubojevic með 7 vinninga og
Korchnoi með 6V2 vinning og bið-
skák. í 5. til 6. sæti eru Romanishin
og Timman með 6 vinninga, Poluga-
evsky hefur 5'/2 og biðskák og Dzind-
zichashvili rekur lestina með 5 vinn-
inga.
Urslitin í 13. umferð urðu sem
hér segir: Korchnoi vann Roman-
ishin, Lubojevic vann Timman,
Polugaevsky vann Miles og Hiib-
ner vann Dzindzichashvili. í 12.
umferð gerðu Timman og Poluga-
evsky jafntefli og einnig Korchnoi
og Lubojevic.
Líbanon:
Gísl lát-
inn laus
Washington, 18. september. AP.
PRESTURINN Benjamin Weir,
sem ásamt sex öðrum Bandaríkja-
mönnum hefur verið haldið í gísl-
ingu í Líbanon í 18 mánuði, var
látinn laus á laugardag. Hann er
nú í Bandaríkjunum og sagður við
góða andlega og líkamlega heilsu.
Ronald Reagan, forseti Bandaríkj-
ana skýrði frá þessu í ræðu í dag,
en ekki var talið fært að skýra
frá þessu fyrr, þar eð það var talið
geta hindrað samningaumleitanir
um lausn hinna gíslanna sex.
Skoðanakönnun í Bretlandi:
Bandalagið með
afgerandi forskot
London, 19. sept AP.
í NÝRRI Gallup skoðanakönnun
kemur fram að kosningabandalagið
SDP) hefur 10 prósent forskot á
haldsfíokkinn og 9,5 prósent forskot
á Verkamannaflokkinn, en David
Owen, formaður SDP, varar við of
mikilli bjartsýni, þrátt fyrir hagstæð-
ar niðurstöður könnunarinnar. Sam-
kvæmt könnuninni nýtur SDP 39
prósent fylgis.
Skoðanakönnunin er vatn á
myllu kosningabandalagsin9, sem
haldið hefur fram að undanförnu,
að þriggja flokka kerfi sé að
komast á á Bretlandi eftir sex ára-
tuga valdaskeið íhaldsflokksins
annars vegar, og Verkamanna-
flokksins hins vegar.
Skoðanakönnunin var birt í Da-
ily Telegraph í dag og var ekki
tekið tillit til 9 prósenta aðspurðra,
sem kváðust óákveðnir.
Tilraunalyf gegn ónæmistær-
ingu leyft í Bandaríkjunum
New Vork, 18. seplember. AP.
Fæðu- og lyfjamálastofnun
Bandaríkjanna hefur leyft að lyf,
sem notað hefur verið til lækningar-
tilrauna á ónæmistæringu (AIDS) í
Evrópu, verði tekið í notkun við
tilraunalækningar í Bandaríkjunum.
Dr. Harry Meyer, stjórnandi stofn-
unarinnar, sagði að lyfíð HPA-23
væri þar með fjórða lyfíð sem leyft
hefði verið til lækninga á ónæmis-
tæringu í Bandaríkjunum.
Hann sagði í samtali við
CBS-útvarpsstöðina að lyf þetta
„hefði ráðið niðurlögum veirunar
og komið í veg fyrir fjölgun henn-
ar í tilraunaglösum, og hugsan-
lega gæti lyfið hindrað að veiran
fjölgaði sér í blóðrás manna“. Enn
er þó ekki ljóst hvort áhrif þess
eru viðvarandi eftir að lyfjagjöf er
hætt. Bob White, bandarískur
ónæmistæringarsjúklingur, sem
gekkst undir lyfjameðferð með
HPA-23 í París og hefur þrýst á að
bandarísk stjórnvöld leyfi tilraun-
ir með lyfið þar í landi, sagði að
lyfið virtist halda sjúdómnum í
skefjum. Lyfið hefur tölverðar
aukaverkanir, sem enn hafa ekki
verið kannaðar til fulls, og kemur
einungis að gagni á fyrstu stigum
sjúkdómsins.
Eþíópía:
Sex milljónir munu
líða skort 1986
Addis Ababa, 19. september. AP.
ALÞJÓÐAHJÁLP gegn hungri hefur nánast útrýmt hungurdauöa í Eþíópíu,
en víst þykir aö á næsta ári muni um sex miljónir manns þurfa á matarað-
stoð erlendis frá að halda, ef það gengur eftir, sem æðstu hjálparsveitamenn
í Eþíópíu héldu fram í gær.
Berhane Deressa, varaumsjón-
armaður hjálpar- og endurhæfing-
arstofnunarinnar í Eþíópíu, sagði
að spár stofnunnar sinnar sýndu
að um 1,1 miljón tonna matar
þyrfti erlendis frá á næsta ári
vegna fyrirsjáanlegs fæðuskorts,
strjálla rigninga og skorts á fræj-
um og tækjum til bænda, sem
snúnir eru aftur frá hjálparbúð-
um. Þetta eru rúmlega tveir þriðju
þeirrar matarhjálpar sem farið
var fram á í ár.