Morgunblaðið - 08.09.1994, Blaðsíða 7

MORGUNBLAÐIÐ
FIMMTUDAGUR 8. SEPTEMBER 1994 7
FRÉTTIR
Morgunblaðið/Árni Sæberg
ÞÓRIR Ólason fór ekki tómhentur heim úr Elliðaánum á dögun-
um. Þennan sex punda hæng fékk hann á Hrauninu.
Vonir bundnar við
stærsta strauminn
STÆRSTI straumur sumarsins var
í gær, 4,20 metrar, og hafa veiði-
menn velt fyrir sér hvort þar sé á
ferðinni síðasta hálmstráið til að
bjarga veiðisumrinu, sem reyndar
hefur verið betra í Norðurá en fram
kom í þætti þessum í gær. Var þar
veiðin sögð um 1.550 laxar, en
rétt tala þá var hins vegar rétt
yfir 1.600 laxar og leiðréttist það
hér með. Norðurá hefur forystuna
og gæti haldið henni, en tíminn
leiðir það í ljós. Ástandið hefur
verið slæmt vestur í Dölum í sum-
ar og við lítum snöggvast á ástand-
ið þar þessa stundina.
Aukið vatn í Laxá
Jóhannes Benediktsson var að
koma til veiða í Laxá í Dölum er
síminn hringdi í veiðihúsinu
Þrándargili í gærdag. Það var
Morgunblaðið og sagði Jóhannes
að hópurinn sem þá hefði verið
að hætta hefði aðeins dregið níu
laxa á þremur dögum sem gæti •
ekki talist annað en lélegt. „Það
hefur þó eitthvað aukist vatnið og
þeir sem hættu sögðu mikinn lax
vera í ósnum og tveimur neðstu
veiðistöðunum. Eins og laxinn
væri að bíða eftir réttri vatnshæð
til að ganga upp. Við skulum vona
að það gerist fyrr en seinna," sagði
Jóhannes og skaut því með að 550
laxar væru komnir á þurrt úr ánni.
Vonir bundnar við straum
Torfi Ásgeirsson umsjónarmað-
ur Haukadalsár í Dölum sagði
aðeins milli 360 og 370 laxa
komna á land, hins vegar væri nú
stórstreymt og ef áin næði að vaxa
eitthvað í umhleypingaveðrum
næstu daga gæti talan batnað
verulega, því enn væri vika eftir
af veiðitímanum. „Stóri laxinn
hefur bjargað þessu, það eru m.a.
komnir tveir 20 punda laxar á land
í sumar,“ sagði Torfi. Haukadalsá
hefur verið svo vatnslítil síðari
hluta sumars að Torfi sagði elstu
menn í sveitinni ekki muna annað
eins ástand.
Haustbragur við Langá
Hér eru fáir menn að veiða og
haustbragur á öllu saman, það eru
aðeins tvær stangir að veiða og
við erum að fá fisk og fisk. Ekki
mikið, en víða er þó talsvert af
laxi. Við höfum orðið varir við
þessa stóru hænga sem fara gjam-
an á kreik er hausta tekur, fundið
fyrir þeim en engum náð, því mið-
ur,“ sagði Ólafur Marteinsson
veiðimaður á bökkum Langár í
hléinu í gærdag. Hann sagði 540
laxa færða til bókar fyrir löndum
Langárfoss og Ánabrekku. Láta
mun nærri að nærri 1.000 laxar
séu komnir á land úr ánni í heild,
milli 300 og 400 af miðsvæðunum
og um 100 af Fjallinu.
Samþykkt ríkisstjórnar
Viðlagatrygging
bæti skíðalyftur
RIKISSTJORNIN hefur samþykkt,
að beita sér fyrir lagabreytingu á
komandi þingi þess efnis að tjón á
skíðalyftum Isfirðinga af völdum snjó-
flóðs sem féll í vetur, verði talið bóta-
skylt hjá Viðlagatryggingu íslands.
Ríkisstjómin gaf fyrirheit um að
styðja ísfirðinga í endurreisnar- og
uppbyggingarstarfi í kjölfar snjó-
flóðsins sem féll á útivistarsvæði
þeirra í Seljalandsdal og Tunguskógi
5. apríl. í frétt frá forsætisráðuneyt-
inu í gær kemur fram, að ríkisstjórn-
in hafi, í samráði við staðaryfirvöld
samþykkt að beita sér fyrir áður-
nefndum lagabreytingum og jafn-
framt, að slík mannvirki verði fram-
vegis talin meðal þeirra verðmæta
sem Viðlagatryggingu Islands sé
skylt að vátryggja fyrir endurbygg-
ingarverð.
Kristján Þór Júlíusson, bæjarstjóri
á Isafirði, sagðist vera mjög ánægður
með þessa samþykkt ríkisstjómarinn-
ar. Hún myndi gera Ísfírðingum kleift
að byggja upp skíðaaðstöðuna að
nýju. Kristján sagði ekki ljóst hvað
samþykktin komi til með að þýða í
krónum og aurum. Lausleg áætlun
um kostnað við endurbyggingu skíða-
mannvirkjanna liggi á bilinu 200 til
300 milljónir króna. Hann sagði ljóst
að Viðlagatrygging myndi ekki kosta
þess uppbyggingu að fullu.
Viðlagatrygging hefur áður bætt
tjón á þeim sumarbústöðum sem voru
tryggðir. Bætumar voru greiddar án
milligöngu bæjarsjóðs ísafjarðar.
RAV4
kynntur
um helgina
FYRSTU bílamir af gerðinni Toyota
RAV komu til landsins í vikunni og
verða þeir til sýnis og reynsluaksturs
á bílasýningu Toyota um helgina.
RAV4 hefur undanfamar vikur
vakið athygli almennings og bíla-
áhugamanna í Evrópu fyrir nýjungar
í hönnun. RAV er lítill fjögurra manna
jeppi búinn 2 lítra, 16 ventla vél með
beinni innspýtingu. Meðal staðalbún-
aðar má nefna rafdrifnar rúður og
spegla, tvær sóllúgur sem hægt er
að taka úr, útvarp, kassettutæki, fjóra
hátalara, samlæsingar á hurðum,
RAV4 á hafnarbakkanum í
Sundahöfn, nýkominn til lands-
ins.
vökva- og veltistýri, stafræna klukku
og tvískipt aftursæti sem hægt er að
halla aftur eða leggja fram.
Bíllinn verður til sýnis hjá P.
Samúelssyni nk. laugardag og
sunnudag frá 13-17 en hann verður
ekki fáanlegur hér á Iandi fyrr en
um næstu áramót og mun kosta
2.289.000 kr.
Námsmenn komast lengra
á Menntabraut!
Á Menntabraut, námsmannaþjónustu íslandsbanka, eru í boöi spennandi möguleikar fyrir
námsmenn. Menntabrautin er fjölbreytt þjónusta sniöin aö þörfum námsmanna.
í boöi á Menntabraut er meöal annars:
• Lánafyrirgreiösla meö lágmarkskostnaöi í tengslum viö LÍN
Tékkareikningur meö 50.000 kr. yfirdráttarheimild
eftir 3 mánaða viöskipti óháö fyrirgreiöslu vegna LÍN
Vönduö Skipulagsbók
Námsstyrkir
Niöurfelling gjaldeyrisþóknunar fyrir námsmenn erlendis
viö millifcerslur eöa peningasendingar milli landa
Greiöslukort o.fl.
Námsmenn, kynniö ykkur fjölmarga kosti Menntabrautar.
Komiö og ræöiö viö þjónustufulltrúa íslandsbanka um
fjármálin, þeir hafa sérhæft sig í málefnum námsfólks.
Menntabraut íslandsbanka
- frá menntun til framtíöar!
MENNTABRAUT
Námsmannaþjónusta íslattdsbanka

.

%

v x
* A tf f
trNtsvrmur
yncan