Eimreiðin - 01.09.1906, Page 74

234
BREIÐABLIK. Mánaðarrit til stuðnings íslenzkri menning. I,
i—2. Winnipeg 1906.
f’etta er nýtt tímarit, sem herra Ólafur S. Thorgeirsson í
Winnipeg hefir byrjað að gefa út, en ritstjóri þess er séra Friðrik J.
Bergmann, sem í mörg ár var ritstjóri »Aldamóta« og gat sér með
þvl mikinn orðstír í bókmentaheiminum íslenzka. Það má því vænta
hins bezta af þessu nýja riti, þar sem því er stýrt af jafn mikilhæfum
og þaulæfðum rithöfundi, enda eru tvö fyrstu heftin, sem vér höfum
séð, í alla staði vel úr garði gerð, þó efni þeirra sé að vísu ekki sér-
lega veigamikið. En vera má að það sé með vilja gert að bjóða ekki
fólkinu þegar í stað of þunga fæðu, enda óvíst að slíkt sé mjög mis-
ráðið fyrir framtíð þess.
Annars á efni ritsins að verða mjög margbreytt, bæði »til umhugs-
unar, fróðleiks, skemtunar og yfirlits«. í fyrsta heftinu er ágætlega
skrifuð ritgerð um »samband við andaheiminn« og í báðum heftunum
eru stuttar sögur.
Hinn ytri frágangur er hinn prýðilegasti, bæði prentun og pappír,
og kápan svo smekkleg, að unun er á að líta. Er vonandi að ritið
fái marga kaupendur og eigi langt líf fyrir höndum. V. G.
íslenzk hringsjá.
UM ÍSLAND OG ÍSLENDINGA hefir á þessu sumri staðið svo mikill sægur af
greinum í dönskum blöðum, að engin leið er að því. að telja þær upp. Hér skal
því þess eins getið, að »Illustreret Tidende« gaf út sérstakt stórt hátíðanúmer um ís-
land 22. júlí, með fálkamynd framan á, myndum af Öllum alþingismönnum og fjölda-
mörgum öðrum myndum, ásamt kvæðum og greinum eftir Holm Hansen, OlafHan-
sen, Boga Melsteð, C. F. Drechsel, Thit Jensen og Daniel Bruun. Síðar hafa og
komið greinar og myndir um ísland í sama blaðinu, eftir fólksþingsmann Blem,
magister H. Wiehe o. fl. Finnum vér sérstaklega ástæðu til að benda á grein
Wiehes — manns, sem bæði talar og ritar tungu voru sem innfæddur íslendingur,
þó hann aldrei hafi til íslands komið —, því hún er rituð með svo milli einurð og
svo frábærum skilningi á sambandi og afstöðu íslands við Danmörku, að slíkt er
alveg eins dæmi. V. G.
ÍSLAND í »Baedekers Schweden und Norwegen«, Leipzig 1906, 10. útgáfa,
bls. 475—86.
M. phil. Kuchler hefur ritað tíu bls. um ísland í bók þessari og látið fylgja
tvö kort. í*að er stutt og laggott hjá honum, og alt rétt, nema ísland og Noregur
sameinuðust Danmörku 1380, en ekki 1360 sem þar segir (líkl. prentvilla), og
stjórnarskipun vorri var ekki breytt 1877. Ekki telur hann það meðfæri neinna
nema þeirra, sem eru óvenjulegir ferðagarpar og hættir ekki við að sundla og svima,
að fara lengra en að Geysi, Gullfossi og — Heklu, ef þeir eru ekki lífhræddir.
I>engra segir hann engum meðalmanni vera fært að ferðast, nema með ströndum
fram á gufuskipi. J. St.