Dagblaðið Vísir - DV - 29.11.1986, Blaðsíða 17
LAUGARDAGUR 29. NÓVEMBER 1986.
61
Sérstæð sakamál
Til Bandaríkjanna
Alfredo fór þó með Fay til Flórída.
Þangað kom hún 6. mars í fyrra. Hún
leitaði til lögreglunnar sem fannst
saga hennar í fyrstu afar einkennileg
en fór þó að rannsaka málið. Kom
þá í ljós að Fay Monroe var talin
hafa drukknað árið 1973 og hafði lík
hennar aldrei fundist.
Nú var alríkislögreglan, FBI, köll-
uð til. Hún komst svo brátt að því
að Fay Monroe var sú sem hún sagð-
ist vera.
Það tók FBI hálfan annan mánuð
að finna Larry Monroe. Kom þá í
ljós að fyrri kona hans, Bernice,
hafði dáið á sama hátt og talið hafði
verið að Fay hefði dáið.
Monroe yfirheyrður
FBI tók nú Larry Monroe til yfir-
heyrslu. Kvaðst hann ekki skilja
hvers vegna hún væri nú að rann-
saka svona gamalt mál. Það væri
líka til lítils að spyrja sig um einstök
atriði því það væri farið að fyrnast
yfir þau tólf árum síðar.
Er yfirheyrslan hafði staðið í tvær
klukkustundir var barið að dyrum
og stóð þá FBI-maður fyrir utan. Við
hlið hans stóð kona. Monroe sneri
sér að þeim og sá hana. f margar
mínútur gat hann ekkert sagt. Hann
hreyfði varirnar en kom engu orði
upp. Konan, sem hann hafði fyrir
augunum, var að vísu allmiklu eldri
en sú Fay sem hann hafði verið
kvæntur og hún hafði þyngst og var
komin með hrukkur í framan. Það
lék þó enginn vafi á því að þama
stóð sú sama Fay Monroe sem hann
taldi sig hafa kastað fyrir borð seint
um kvöld árið 1973 og nú var komið
fram á árið 1985.
„Ég hélt þú værir dáin,“ sagði hann
loks.
„Ég hef það ágætt,“ sagði hún þá
en það gætti mikils kulda í röddinni.
„Aumingi eins og þú getur ekki drep-
ið mig.“
Áhugi FBI-mannanna á því að fá
Monroe dreginn fyrir rétt var nú
orðinn mikill en það var þó ekki
hægt nema ákæra yrði lögð fram.
Því sneri einn lögreglumannanna sér
að Fay og sagði: „Er þetta maðurinn
sem hrinti þér fyrir borð?“
Áður en hún gat svarað greip
Monroe fram í fyrir henni: „Nei, ég
hrinti þér ekki fyrir borð, Fay. Segðu
þeim að þetta hafi verið slys.“
Fay svaraði ekki. Hún horfði bara
á þennan vesæla mann, sem sat fyrir
framan hana, um stund en svo hló
hún fyrirlitlega og sagði: „Ég veit
hvað kom fyrir þarna úti og það ger-
ir þú líka. Það hvílir á þinni sam-
visku en ekki minni."
Þá sneri hún sér að einum FBI-
mannanna og sagði: „Ætlið þið að
ákæra hann?“
„Það verðum við að gera ef hann
hefur framið afbrot en þó er það for-
senda að þú komir í réttinn og
staðfestir að svo hafi verið.“
„Ég nenni ekki að eyða tíma mín-
um í svona mannleysu," sagði hún
þá. „Nú veit ég hvaða mann hann
hefur að geyma og ég ráðlegg ykkur
að hafa auga með honum.“ Svo sneri
Fay sér frá Monroe og gekk á dyr.
FBI-mennimir gerðu sitt besta til
þess að fá hana til að ákæra Monroe
og bera vitni gegn honum svo koma
mætti honum á bak við lás og slá
því víst þótti að hann hefði að
minnsta kosti eitt morð á samvisk-
unni og hefði þar að auki ætlað sér
að myrða seinni konu sína. Fay
Monroe - öðru nafni Angelina Rodr-
iguez - fékkst þó ekki til þess. Hún
vildi bara komast aftur til Flórída.
Hún fékk að fara þangað og svo leið
ekki á löngu þar til gamall fiskibátur
lagði frá landi. V'ið stýrið stóð Al-
fredo.
Sneri við honum baki
Jessie Schulman var fljótlega gerð
grein fyrir því sem komið hafði í ljós
um fortíð Larrys Monroe. Hún sneri
því við honum baki.
Monroe býr enn í Los Angeles en
það þykir heldur ósennilegt að hann
eigi eftir að leika gamla leikinn á
ný. Alríkislögreglan fylgist vel með
honum og skyldi hann reyna að
myrða einhvern er næsta víst að hún
á ekki eftir að liggja á liði sínu við
að koma honum á bak við lás og slá.
Fay Monroe - eöa Angelina Rodriguez eins og hún heitir nú - árið 1985.
Atvinna - Bílamálari
Höldur sf. Akureyri vill ráða verkstjóra á málningar-
verkstæði sitt.
Við leitum að manni vönum bílasprautun. Helst með full
réttindi. Góð vinnuaðstaða. - Góð laun.
Upplýsingar gefa: Vilhelm Ágústsson í síma 96-21715 og
Baldur Ágústsson í síma 91-31815.
Höldursf.
Tryggvabraut 12, Akureyri.
Eyrað er undratæki. Viðtakandi
túlkur og dómari. Eyrað kann
að meta það sem því er gert
gott. Þetta verður þú að hafa
í huga við vinnslu tónlistar
útvarpsauglýsinga og við
þáttagerð. Við förum
engar krókaleiðir:
ef upphafshljómur-
inn er skýr er enda-
takmarkinu náð.
Við erum vinir
eyrans.
HLJÓÐA
KLETTUR
Hljóðver • Klapparstíg 28 • Reykjavík • sími 28630
SÝNING
____í dag, 29. nóv. kl. 10-16.
____Gjörið svo vel og lítiö inn.
Við sýnum eldhúsinnréttingar, innihurðir, fataskápa,
viðarþiljur eða allt í íbúðina eða húsið. Notum ein-
göngu 1. flokks hráefni. Vönduð vinna, sérsmíðum.
Fagmenn með 20 ára reynslu verða á staðnum.
eldhústæki.
JPinnréttingar
Skeifan 7 - Reykjavík - Símar 83913 -31113