Dagblaðið Vísir - DV - 29.11.1986, Blaðsíða 18
62
LAUGARDAGUR 29. NÓVEMBER 1986.
Popp
gær, sljömur í dag
Óþekktí
Tríóið Swing Out Sister er ný
stærð í breska poppinu. Nafni þessa
tríós skaut upp kollinum nú fyrir
stuttu þegar lagið Breakout fór í
stökkum upp breska listann. Það
sem er ef til vill merkilegt við þenn-
an árangur er að Breakout er
aðeins annað lagið sem þessir þre-
menningar senda frá sér á plötu.
Swing Out Sister hefur starfað í
tvö ár, en fyrsta smáskífa tríósins,
Blue Mood, kom út í fyrra og gerði
nákvæmlega enga lukku. Það var
hins vegar annað uppi á teningnum
þegar nýja platan kom út.
Swing Out Sister er skipuð þeim
Andy Connell, sem leikur á hljóm-
borð, og Martin Jackson, sem
annast trommuslátt, en söngkona
er Corrinne Drewery.
Þeir Andy og Martin eru engir
nýgræðingar því Andy starfaði um
tima með hljómsveitunum A Certa-
in Ratio og Kalima frá Manchester,
en Martin var í Magazine og síðar
Swing Out Sister
með Chameleons. Báðir eru þeir frá
iðnaðarborginni Manehester, en
þaðan hafa margir ágætir tónlist-
armenn komið síðustu árin. Auk
þess að starfa með þessum hljóm-
sveitum, höfðu fóstbræðumir um
tíma þann starfa með höndum að
gera Electro-poppplötur fyrir
breska útgáfufyrirtækið Street So-
unds. Þeir létu sig þó dreyma um
að stofna eigin hljómsveit og
reyndu marga söngvara en án ár-
angurs. Þeir fundu einfaldlega ekki
neinn sem gerði tónlist þeirra nógu
góð skil.
Þar kom þó að tískuhönnuðurinn
Corinne Drewery svaraði auglýs-
ingu þessara drengja úr norðrinu
og þeim leist svona þokkalega á
hana í fyrstu. Hún var hins vegar
ákveðin í að hvíla sig á heimi tís-
kunnar og snúa sér að tónlist. Með
þrautseigju tókst henni að sann-
færa strákana um að hún væri
söngkona að þeirra smekk og þeir
létu loks til leiðast.
Annars var Corinne búin að
tryggja sér áhyggjulausa framtíð í
heimi tískunnar því hún var meðal
annars farin að starfa mikið fyrir
tískujöfurinn Lauru Ashley. En
hún ákvað að snúa blaðinu við og
takast á við tónlistina. Þegar Cor-
inne kom upphaflega til Lundúna
frá heimahögunum í Lincolnskíri
fyrir 10 árum settist hún á skóla-
bekk á fatahönnunarsviði í St.
Martins skólanum. Með henni í
skólanum var engin önnur en Sade
Adu sem heimurinn þekkir nú sem
forsprakka hljómsveitarinnar
Sade.
Corrine segir það hafa verið sinn
æðsta draum frá sjö ára aldri að
verða einsog Cilla Black. Nú hefur
draumur hennar ræst þótt það þyki
ekki sérlega eftirsóknarvert að
líkjast Cillu Black en það er annað
mál.
Fyrir nokkrum árum hefði það
ekki hvarflað að þeim Andy og
Martin að þeir ættu eftir að slá í
gegn. Reyndar var það svo að í
þeirra huga var það alveg óhugs-
andi. „Við vorum hreintrúarmenn.
Ef við fórum inn á krá og fólk sagð-
ist hafa heyrt nýjasta lagið okkar
en líkaði ekki við það þá var við-
kvæðið jafnan: við ætlumst ekki til
þess að ykkur líki það.“
„En nú verð ég að viðurkenna,"
segir Andy „að þetta er viðkvæði
þeirra sem fmna ekki hljómgrunn
meðal almennings. Nú verð ég að
játa að þetta var gríma sem við
settum upp og margir aðrir gera
slíkt hið sama.“
-jg
Michael með appelsínugula geimapanum Fuzzball með fiðrildavængina. Michael er í gervi Eo kapteins.
Mich.ael Jackson
Ný plata á nýju ári frá guUdrengnum
Nú eru fjögur ár liðin síðan
Thriller, metsöluplata Michaels
Jackson, kom út. Þessi plata hefur
selst í tugum milljóna eintaka og
er enn að seljast.
Aðdáendur Jacksons hafa beðið
þess með óþreyju að gulldrengur-
inn sendi frá sér nýja hljómplötu
en hingað til hefur mikil leynd ríkt
yfir málum þessa undarlega blök-
kupilts. Þó er vitað að hann hefur
verið að fást við upptökustörf
ásamt upptökustjóranum Quincy
Jones sem bar ábyrgð á gerð Thrill-
er.
Ný plata í febrúar ’87
Um tíma voru sögusagnir á kreiki
um að vænta mætti nýrrar smá-
skífu frá Jackson í desember en nú
er ljóst að það verður ekki af því
fyrr en í janúar. Þá hefur sú fregn
einnig flogið út að ný breiðskífa
komi á markað í febrúar 1987. Eftir
því sem hægt er að geta í eyðumar
mun Jackson hafa tekið upp nægi-
lega mikið efni á þrjár breiðskífur,
þar á meðal dúetta með George
Michael úr Wham og Barbra Stei-
sand.
Þa hallast menn að því að Jack-
son sé að gera myndband þessa
dagana með kvikmyndaleikstjór-
anum Martin Scorsese. Munu þeir
vera í New York þar sem gerð
myndbands við fyrstu smáskífuna
stendur yfir.
Ert þú að fara í Disneyland?
Fyrir skömmu var frumsýnd 17
mínútna löng þrívíddarkvikmynd í
Disneylandi í Kalifomíu. Það er
Michael Jackson sem fer með aðal-
hlutverkið í þessari mynd en í
stuttu máli fjallar hún um kaptein-
inn Eo, sem Jackson leikur, og
ævintýri hans úti í geimnum. Þessi
ágæti kapteinn ferðast um geiminn
ásamt liðsmönnum sínum, þeim
Hooter, Fuzzball, Geex og Domo
major svo nokkrir séu nefndir til
sögunnar. Á einni af ferðum sínum
koma þeir til plánetu einnar sem
er þeirri ónáttúru gædd að vera
algerlega litlaus í orðsins fyllstu
merkingu. Þetta litleysi orsakast
að sjálfsögðu af illum álögum ill-
virkjans sem Angelica Huston,
dóttir John Huston, leikur. Liðs-
sveit Eo kapteins bjargar íbúum
reikistjömunnar þegar þeir svein-
ar taka upp vopn sín sem em
einhvers konar rafhljóðfæri og
hrekja hið illa á brott með tónlist
sinni og danstilbrigðum. Kraftur
tónlistarinnar og gleðinnar færir
íbúum þessarar svarthvítu verald-
ar litinn í tilveruna og breytir öllu
í allsnægtaheim litadýrðar og ham-
ingju.
Framleiðandi þessa tækniundurs
er George Lucas en leikstjóri er
Francis Ford Coppola. Þessi stutta
og dýra mynd er dæmigerð fyrir
þann draumaheim sem Michael
Jackson virðist lifa í. Tæknin er
ótrúleg og virðist áhorfendanum
að hann sjái leikarana sjálfa fyrir
framan sig holdi klædda.
Mínútan kostar 35 milljónir
Þessa mynd munum við ekki fá
að sjá hér á landi á næstunni því
hún verður aðeins sýnd í Disneyw-
orld á risaskermi og verður fólk
því að fara til Kaliforníu til að
fylgjast með þessu 17 mínútna
langa ævintýri. Hver mínúta mun
hafa kostað rúmlega 35 milljónir
því heildarkostnaður við gerð
myndarinnar var litlar 600 milljón-
ir króna. í myndinni koma fyrir
nokkur ný lög eftir Michael Jack-
son en ekki er vitað hvort þessi lög
verða á nýju sólóplötunni eða
hvort þau koma út síðar á sérs-
takri hljómplötu. Þau mál munu
væntanlega ekki skýrast fyrr en i
janúar á næsta ári þegar nánari
upplýsingar um nýju plötuna verða
gefnar.
-jg-
Ævintýrin gerast
Enn gerast ævintýrin í heimi hér
og á þetta einkum og sér í lagi við
dægurlagaheiminn. Systumar Mel
og Kim frá Brixton eru enn ein sönn-
un þessa.
Þessar laglegu systur eru dætur
jamaiskra foreldra, faðirinn rasta-
fariantrúar en móðirin ekki. Fyrir
fimm árum lét faðirinn sig hverfa til
að sinna stjórnmálunum og skildi
móðurina eftir með þrjár dætur sín-
ar. Kim, sú elsta, fór að vinna fyrir
sér í kjörbúð og síðar í fataverk-
smiðju. Mel, sem er í miðið, eirði
ekki í skólanum og hætti þar. Bráð-
lega fékk hún starf í sömu fataverk-
smiðju og systir hennar. En þær
dreymdi um að komast áfram í lífinu
eins og sagt er. Fyrir stúlkur fi-á
Brixton eru ekki margir vegir færir.
Þær stunduðu diskótekin í Sóhó af
kappi og færðu sig smám saman nær
marki sínu. Að lokum komust þær í
kynni við forstjóra Supreme plötu-
fyrirtækisins og hann gaf þeim
tækifærið sem þær hafði dreymt um
alla ævi.
Þessar laglegu systur eru nú búnar
að gefa út sína fyrstu smáskífu með
laginu Showing Out sem fór inn á
topp 5 lagalistann breska og nú hefur
Atlantic útgáfan í Bandaríkjunum
ákveðið að gefa lagið út þar í landi.
Systumar ráðgera að gefa út nýja
smáskífu i janúar nk., síðan er stefnt
á breiðskífu. Það er engan veginn
sjálfgefið að vinsældirnar haldi
áfram. Þær eru því allt eins viðbúnar
því að verða aftur orðnar óþekktar
stelpur frá Brixton á næsta ári, en
stefnan hefur verið tekin. Þær hafa
útlitið með sér, en í heimi tónlistar-
innar er það aðeins einn mælikvarði
sem gildir, mælikvarði tónlistarinn-
ar. Þess vegna þurfa þær Mel og Kim
að halda vel á spilunum næstu vik-
urnar og mánuðina, ef þeim á að
takast að lifa af í hinum harða heimi
dægurlaganna þar sem stjörnur gær-
dagsins eru gleymdar þegar síðasti
tónninn deyr út.
-jg