Dagur - 20.11.1990, Qupperneq 5
Þriðjudagur 20. nóvember 1990 - DAGUR - 5
Samþykkt aðalfundar Landverndar:
„Álver verði ekki reist og
hætt verði við öll slík áform“
- sagði Auður Sveinsdóttir, formaður Landverndar
„Ég var nokkuð kvíðin, óttað-
ist að þátttakan yrði lítil, en
það fór á annan veg. Fjöldi
fólks mætti til ráðstefnunnar.
Ráðstefnugestir urðu um og
yfir eitt hundrað og allt heppn-
aðist eins og best var á kosið,“
sagði Auður Sveinsdóttir,
landslagsarkitekt og formaður
Landverndar. Landvernd efndi
til ráðstefnu að Hrafnagili í
Eyjafirði sl. laugardag og aðal-
fundur samtakanna var síðan
haldinn daginn eftir, einnig að
Hrafnagili. Stjórnin var öll
endurkjörin og ályktun til
ríkisstjórnar og Alþingis um að
reisa ekki álver á íslandi var
það mál sem hæst bar.
Að sögn Auðar voru erindi
ráðstefnunnar mjög góð. Megin-
inntak ráðstefnunnar var hugtak-
ið sjálfbær þróun, en Þróunar- og
umhverfismáladeild Sameinuðu
þjóðanna hefur gert sjálfbæra
þróun að markmiði fyrir samfé-
lag þjóðanna og aðildaríki SÞ.
„Það sem átt er við með sjálf-
bærri þróun er í stuttu máli að
framtíðarþróunin verður að vera
á þann veg að hún fullnægi þörf-
um núlifandi jarðarbúa án þess
að draga úr möguleikum kom-
andi kynslóða til sömu lífsgæða.
Inntakið er að nauðsynlegt sé að
breyta bæði efnahagslegum og
stjórnmálalegum áherslum í
alþjóða samhengi þannig að
efnahagsvöxturinn fái nýja og
breytta skilgreiningu. Sex fyrir-
lesarar fjölluðu um þennan
málaflokk hver á sínu sérsviði og
erindin voru öll mjög góð. Lloyd
Timberlake frá Bandaríkjunum,
sem er mjög kunnur umhverf-
isverndarsinni, rithöfundur og
sjónvarpsmaöur var einn fyrirles-
aranna. Aðrir voru Haukur Hall-
dórsson, formaður Stéttarsam-
bands bænda, Ágúst Valfells,
kjarneðlisfræðingur, Davíð
Scheving Thorsteinsson, iðnrek-
andi, Þóra Hjaltadóttir, formað-
ur Alþýðusambands Norðurlands
og Gunnar G. Schram, prófessor.
Aðalfundurinn á sunnudaginn
heppnaðist einnig mjög vel.
Stjórnin var endurkjörin og sam-
þykkt fundarins til ríkisstjórn-
ar og Alþingis vegna álvers var
það sem hæst bar. Samþykkt-
in felur það í sér aö Landvernd
beinir því til ríkisstjórnar og
Alþingis að reisa ekki álver og að
hætt verði við öll slík áform.
Álver skapar mengun og við get-
um ekki bætt viö mengun á sama
tíma sem iðnaðarþjóðir heims
eru áð leita allra leiða til að draga
úr henni. Því hvatti Landvernd
ríkisstjórn og Alþingi til að stuðla
að iðnaði og atvinnumöguleikum
sem væru í anda sjálfbærrar þró-
unnar, jafnframt sem marka yrði
skýra stefnu í umhverfismálum
með langtímamarkmið í huga,"
sagði Auður Sveinsdóttir, for-
maður Landverndar. ój
Skagstrendingur hf.:
Aðgerðarvéliimi í Amari breytt
Arnar HU er nú í fyrstu veiði-
ferð eftir að gagngerar breyt-
ingar hafa verið gerðar á
dönsku aðgerðarvélinni sem í
hann var sett fyrir nokkru.
Framleiðsluaðilinn danski
sendi inann frá sér til Skaga-
strandar til að sjá um að breyta
vélinni og fór hann með í veiði-
ferðina.
- tekur stærri fisk
Aðalbreytingin á vélinni er
fólgin í því að hún tekur nú stærri
fisk, en áður. Stærðin sem hún á
að taka núna er 40-90 cm fiskur,
en var áður 35-70 cm. Einnig eru
smávægilegar breytingar á hníf-
um til að hún skeri betur á.
Að sögn þeirra hjá Skagstrend-
ingi er eini gallinn við vélina að
hún átti að vera nothæf á allan
bolfisk, en einungis verður hægt
að nota hana á þorsk og ufsa.
Ef vélin kemur vel út í þessari
veiðiferð og breytingarnar ganga
allar upp, ætti hún að skila gotu
og lifur heilli og með því er mikið
unnið. Um 80% þess þorsks sem
Arnar veiðir er yfir 70 cm langur
svo að nauðsynlegt var að stækka
svið vélarinnar. SBG
Plúsmarkaðurinn
eins árs sl. föstudag:
„Pað var
algjörlega
stappað“
- segir Hrafn Hrafns-
son um aðsóknina
Plúsmarkaðurinn á Akureyri
fagnaði eins árs afmæli sínu
sídastliðinn föstudag og versl-
unin gaf viðskiptavinum sínuni
7% afslátt af öllum vörum af
þessu tilefni. Þá komu Grýla
og Leppalúði í heimsókn
ásamt Búkollu og gáfu börnun-
um góðgæti.
„Það var svo mikil aðsókn að
Grýla og Leppalúði gátu ekki
athafnað sig eins mikið og þau
höfðu ætlað því þau komust
aldrei neitt um búðina. Það var
algjörlega stappað og varla hægt
að bæta einum við,“ sagði Hrafn
Hrafnsson, sem rekur Plúsmark-
aðinn og Matvörumarkaðinn.
Hrafn sagði að Akureyringar
hefðu verið dálítið seinir að taka
við sér þegar Plúsmarkaðurinn
var opnaður og virtust þeir ekki
átta sig strax á þessu verslunar-
formi. Viðskiptavinum hefur hins
vegar fjölgað jafnt og þétt og
kvaðst Hrafn ánægður með rekst-
urinn nú þegar markaöurinn hef-
ur verið starfræktur í eitt ár.
Hann sagði líka að Matvöru-
markaðurinn gengi vel en óneit-
anlega mætti þó sjá að fólk hefði
minna milli handanna en áður.
SS
Grýla og Leppalúði kættu börnin í Plúsmarkaöinuin á eins árs afmælinu
Var þar mikill handagangur í öskjunni. Mynd: Goii
/jÁ > f
Pottablóm -
Blömapottar — áburðnr — mold og
margt íleira til blpmaræktunar. ' v
Akureyri
og 24830
TILKYNNING FRÁ
OSTA- OG SMJÖRSÖLUNNI sf.
í nýútkomnu jólablaði okkar,
Á JÓLARÓLI nr. 2,
átti sér stað misprentun í tveimur
uppskriftum.
Jólakaka í sérflokki:
Hér skal nota 1/2-1 tsk. af lyftidufti
en ekki 6 tsk.
Myntuábætir:
Hér eiga að vera
2 bollar af súkkulaðikexmylsnu
en ekki súkkulaðimylsnu.
Við biðjumst hér með velvirðingar
á þessum mistökum.
Vinningstölur laugardaginn
17. nóv. ’90
1
VINNINGAR FJÖLDI VINNINGSHAFA UPPHÆÐ Á HVERN VINNINGSHAFA
1. 5af5 0 2.455.090.-
2.4 XM 6 71.098.-
3. 4af5 103 7.144.-
4. 3af 5 3.786 453.-
Heildarvinningsupphæð þessa viku:
5.332.568.-
UPPLÝSINGAR: SÍMSVARI 681511 -
LUKKULINA
991002