Dagur - 12.12.1991, Blaðsíða 15
Fimmtudagur 12. desember 1991 - DAGUR - 15
Ný íslandsbók
Iceland Review
Iceland - Life and Nature on a
North Atlantic Island heitir ný
bók sem Iceland Review sendir
frá sér um þessar mundir.
Bókin, sem er á ensku, er
prýdd fjölda litmynda, sem ásamt
léttum og lifandi texta gera nátt-
úru landsins og þjóðlífi hin bestu
skil. Hún skiptist í nokkra aðal-
kafla, og er fjallað í máli og
myndum um legu landsins og
strandlengjuna, andstæður í nátt-
úrunni og þá ofurkrafta sem hafa
mótað landið og eru enn að
verki. Pá er sagt frá villtum dýr-
um og fuglum og fjallað er um
mannlíf og menningu, atvinnulíf
til sjávar og sveita og lokakaflinn
er um byggðir landsins.
Flestar myndirnar í bókinni
eru eftir Pál Stefánsson, en einn-
ig hafa nokkrir aðrir ljósmyndar-
ar lagt hönd á plóginn. Textann
skrifaði Bernard Scudder.
Bókin er 96 blaðsíður í all
stóru broti og kostar 2.990,-
krónur með virðisaukaskatti.
Iifsháskinn
- minningar
Jónasar Jónassonar
Bókaútgáfan Forlagið hefur sent
frá sér bókina Lífsháskinn,
minningar Jónasar Jónassonar
eftir Svanhildi Konráðsdóttur.
í kynningu Forlagsins segir:
„Allir þekkja útvarpsmanninn
Jónas Jónasson, enda hafa fáir
átt jafn stóran þátt í því og hann
að ljá íslensku útvarpi sérstöðu
og svipmót. Með sterkri og áleit-
inni nærveru sinni hefur honum
tekist að gefa okkur innsýn í líf
og tilfinningar viðmælenda sinna
og gera samtöl í útvarpi að sann-
kallaðri listgrein. En Jónas hefur
komið víða við. Hann hefur sam-
ið sönglög, sent frá sér átta
bækur, samið fjölmörg leikrit fyr-
ir útvarp og leikhús og iðkað leik-
stjórn um áratugi.
Jónas Jónasson er maður
margra blæbrigða. Tilfinninga-
ríkur fagurkeri, skapríkur
nautnamaður, hörkutól sem
sífellt storkar sjálfum sér og
heiminum. Um hann hefur blásið
hressilega og margsinnis hefur
hann orðið efni í sögur samferða-
mannanna sem sumar voru beitt-
ar og særðu djúpt. Hér segir hann
hispurslaust frá lífi sínu og sam-
tímafólki og slær til skiptis á
blíða og stríða strengi. En við
hvert fótrnál vofir lífsháskinn
yfir, lífsháski þess manns sem
leitast við að horfast í augu við
sjálfan sig og ljá lífi sínu merk-
ingu.“
Lífsháskinn er 236 bls., prýdd
miklum fjölda mynda. Sigurgeir
Sigurjónsson tók ljósmyndir á
kápu.
Ný matreiðslubók:
Villibráð
- og veisluföng
úr náttúru íslands
Bókaútgáfan Forlagið hefur sent
frá sér matreiðslubókina Villi-
bráð og veisluföng úr náttúru
íslands. Höfundarnir eru sjö
íslenskir matreiðslumeistarar
sem sl. vor tóku þátt í einni
stærstu alþjóðlegu matreiðslu-
keppni sem haldin er í heirnin-
um, American Culinary Classic í
Chicago.
I kynningu Forlagsins segir: „í
þessa glæsilegu bók hafa mat-
reiðslumeistararnir sjö safnað
uppskriftum að 46 réttum handa
þeim sem vilja spreyta sig á að
matreiða villibráð eða aðrar nátt-
úruafurðir. Hér eru forréttir og
súpur, aðalréttir og ábætisréttir.
Leiðbeiningar eru um úrbeiningu
á fugli og fjallað er um soð og
sósur. Bent er á ýmsar jurtir, ber
og sveppi sem nota má við mat-
reiðsluna, en auk þess gefa mat-
reiðslumeistararnir ýmis hagnýt
ráð við matreiðslu.
Sjömenningarnir fóru ekki
erindisleysu vestur um haf, held-
ur unnu bæði til silfur- og brons-
verðlauna. Þeir eru Ásgeir H.
Erlingsson, Baldur Öxdal Hall-
dórsson, Bjarki Ingþór Hilmars-
son, Sigurður L. Hall, Sverrir
Þór Halldórsson, Úlfar Finn-
björnsson og Örn Garðarsson.“
ViIIibráð og veisluföng úr nátt-
úru íslands er 128 bls., prýdd
fjölda litmynda. Þetta er önnur
bókin í ritröðinni íslenskt eldhús.
Guðsböm þurfa
gönguskó
Út er komin hjá Skjaldborg hf.
bókin Guðsbörn þurfa gönguskó,
og er það fimmta bindi sjálfsævi-
sögu blökkukonunnar Maya
Angelou.
Maya Angelou fæddist í
Bandaríkjunum árið 1928. Hún
átti erfiða æsku og eftir 16 ára
aldur lifði hún því sem hún kallar
„rússíbanalífi... þoldi súrt og
sætt, skin og skúrir". Hún starf-
aði sem frammistöðustúlka,
söngkona, leikkona, dansmær,
baráttukona fyrir mannréttindum
svertingja og ritstjóri, jafnframt
því að sinna móðurhlutverkinu
en hún eignaðist son sinn Guy,
þegar hún var 16 ára.
Réttindabarátta svertingja var
henni mjög hjartfólgin og tók
hún virkan þátt í henni á sjöunda
áratugnum.
í bókinni Guðsbörn þurfa
gönguskó, segir hún frá þeirri
ákvörðun sinni að fara til Ghana
í Afríku, sem hún taldi að hlyti
að vera hið fyrirheitna land sér-
hvers afkomanda þeirra svert-
ingja sem höfðu verið fluttir
nauðugir til Bandaríkjanna á
tímum svartrar þrælasölu.
Hún leiðir lesandann inn í hinn
sérstaka heim daglegs lífs í
Afríku, heita goluna, siðvenjur og
samskipti, söng- og dansgleði
fólksins, alls ólíkt því sem tíðkast
í vestrænum heimi.
En þrátt fyrir að allt virðist
slétt og fellt í fyrstu kemst hún
brátt að því að „fjarlægðin gerir
fjöllin blá“ í þessu eins og öðru í
lífinu.
Lífróður
komin út
Bókaútgáfan Örn og Örlygur
hefur sent frá sér bókina Lífróð-
ur eftir Ingólf Margeirsson. Bók-
in hefur að geyma æviminningar
Árna Tryggvasonar leikara.
Árni Tryggvasson er löngu
þjóðþekktur fyrir leikferil sinn en
hann er einnig þekktur af smá-
bátaútgerð sinni frá æskueyju
sinni, Hrísey. Ingólfur Margeirs-
son rithöfundur er þekktur fyrir
ritverk sín og hæfileika að nálgast
viðmælendur sína í áreynslu-
lausri frásögn.
í frétt frá útgefanda segir m.a.
„Lífróður er ævisaga í hæsta
gæðaflokki. Náið samstarf Árna
og Ingólfs hefur skilað vönduðu
og miklu verki. Árni rekur hið
litríka lífshlaup sitt á tæplega 400
síðum; allt frá æskuárunum í
Hrísey, unglingstímanum við sjó-
mennsku, á handfærum og á síld
og við innanbúðarstörf í kaupfé-
laginu á Borgarfirði eystra, uns
örlagavefurinn skolaði honum á
leikhúsfjalir höfuðborgarinnar.
Bókin greinir frá lífinu á sviðinu
jafnt sem baksviðs og segir frá
fjölda eftirminnilegra samferða-
manna Árna, óþekktu alþýðu-
fólki jafnt sem þjóðkunnum ein-
staklingum og bregður upp
myndum af horfnum þjóðháttum
og varpar nýju ljósi á leiklistar-
sögu íslendinga.
Árni segir á lifandi, hispurs-
lausan og einlægan hátt frá öllu
þessu mikla lífshlaupi, ekki síst
þegar frægðin og lífið bak við
leiktjöldin urðu honum ofviða og
baráttan við „svarta hundinn“ -
þunglyndið - tók við. Árni segir
undanbragðalaust frá þeirri
miklu glímu sem verður að teljast
einstök frásögn í íslenskri ævi-
sagnaritun. Lífróður er rituð af
lipurð og innsæi og segir sögu
Árna Tryggvasonar af heiðarleik
og innlifun en einnig með kímni
og hlýju og af næmum skilningi á
umhverfi og persónum bókarinn-
ar.
Bókin er prýdd fjölda ljós-
mynda.
Meirigauragangur
- skáldsaga eftir
Ólaf Hauk Símonarson
Bókaútgáfan Forlagið hefur sent
frá sér skáldsöguna Meiri gaura-
gangur eftir Ólaf Hauk Símonar-
son. Sagan er sjálfstætt framhald
sögunnar Gauragangur sem kom
út fyrir þremur árum.
í kynningu Forlagsins segir:
„Þeir sem hafa skemmt sér við
lestur Gauragangs muna allir eft-
ir Ormi Óðinssyni, ærslabelgnum
orðheppna með skáldagrillurnar.
í þessari sögu er hann orðinn 17
ára, en síst af öllu stilltari en
áður. 17 ára og aldrei komið til
útlanda. Algjör bæklun! Ormur
er sjaldan að tvínóna við hlutina,
hann hoppar upp í næstu flugvél
til Kaupmannahafnar með Ranúr
í farangrinum. í Höfn mæta þeir
stórborgartöffurum og leður-
gengi á öðru hverju götuhorni,
og stúlkum á hinu horninu.
Hvernig eiga grænjaxlar og fram-
tíðarskáld að ráða við þessi
ósköp?
Meiri gauragangur er 160 bls.
Guðjón Ketilsson gerði kápu.
Þar sem
jólagjafirnar fást