Þjóðviljinn - 18.01.1983, Síða 3
Þriðjudagur 18. janúar 1983 ÞJÓÐVILJINN — SÍÐA 3
Skákþing Reykjavíkur:
Elvar og lón efstir
Að loknum 4 umferðum á
Skákþingi Reykjavíkur hafa þeir
Elvar Guðmundsson og Jón M.
Guðmundsson náð cfsta sæti með
fullt hús vinninga. Staðan á toppn-
um var þó nokkuð óljós eftir 4.
umferðina sem tefld var á sunnu-
daginn, en iíkur eru á því að
Haukur Angantýsson og Ingimar
Halldórsson kæmust upp við
hliðina á efstu mönnum þar sem
þeir voru báðir með 3 vinninga og
hagstæða biðskák hvor.
I opna flokknum á Skákþinginu
hóf 91 skákmaður keppni sem er
með mesta móti. Þar við bæti's't
dágóður hópur keppenda í ung-
lingaflokki þannig að alls verða
þátttakendur hátt á annað hundr-
að. í umferðinni á sunnudaginn
vann Elvar Guðmundsson Róbert
Harðarson og Jón vann Pál Þór-
hallsson. Haukur á betri biðskák
við Svein Kristinsson og Ingimar
við Guðmund Ágústsson.
Með 3V2 vinning eru Halldór G.
Einarsson, Haraldur Haraldsson,
Lárus Jóhannesson og Þröstur Ein-
arsson.
5. umferð verður tefld á mið-
vikudagskvöld.
- hól.
Elvar Guðmundsson er efstur á Skákþingi Reykjavíkur ásamt Jóni M. Guðmundssyni. Elvar er einn
stigahæsti maður mótsins og því líkiegur tii afreka. Hér sést hann að tafli á sunnudaginn. Andstæðingur hans
er Róbert Harðarsson. - Ljósm.: - eik.
Skákmótið í Wijk Aan Zee:
Friðrík í 4.-5. sæti
Skák Friðriks og Ree á laugar-
daginn var fremur átakalítið jafn-
tefli, en skák Friðriks við Kulgiow-
ski á hinn bóginn æsispennandi.
Þegar hún fór í bið var F riðrik hrók
undir, en átti gangandi þráskák.
Virtist sem hann gæti jafnvel reynt
að vinna skákina, en að vel yfir-
lögðu ráði sættist hann á jafntefli.
Staðan eftir 3 umferðir er þessi:
1.-3. Ribli, Hulak og Anderson
2'kv. hver. 4.-5. Friðrik og Ree2
v. 6. - 7. Seirawan og Nunn l:/2 v. 8.
- 9. Browne og Sheeren 1 v. + 1
biðskák hvor. 10. -11. Kortsnoj og
Van der Wiel 1 v. hvor. 12. - 14.
Hort, Speelman og Kuligowski V2
v. hver.
Þá vakti mikla athygli að eftir
tvær umferðir var Kortsnoj á botni
mótsins með engan vinning, en
sigur hans yfir Speelman í 3. um-
ferð kemur honum á réttan kjöl.
Friðrik Ólafsson er nú í 4. - 5.
sæti á skákmótinu í Wijk Aan Zee í
Hollandi, en um helgina voru tefld-
ar 2. og 3. umferð mótsins og
gerði Friðrik þá jafntefli í báðum
skákum sínum. Efstir á mótinu eru
þeir Ribli, Anderson og Hulak.
Úrslit í 2. umferð sem tefld var á
laugardaginn urðu sem hér segir:
Ribli vann Hort, Hulak vann Kort-
snoj, Van der Wiel vann Kuligow-
ski og Anderson vann Browne.
Jafntefli gerðu Sheeren og Nunn,
Seirawan og Speelman og Friðrik
og Ree.
í 3. umferð sem tefld var á sunn-
udaginn urðu úrslit þessi: Hulak
vann Hort, Kortsnoj vann Speelm-
an og Browne vann Van der Wiel.
Jafntefli gerðu Seirawan og Ree,
Friðrik og Kuligowski, Sheeren og
Anderson og Ribli og Nunn.
4. umferð verður tefld í dag og
þá tefla saman: Hort og Speelman,
Ribli og Hulak, Kortsnoj og Ree,
Seirawan og Kuligowski, Friðrik
og Browne, Van der Wiel og She-
eren og Nunn og Anderson.
Friðrik hefur hvítt í skák sinni
við Browne í dag.
í síðasta helgarblaði féll niður
einn leikur í skák Friðriks og Spe-
elman. í 27. leik svarts lék Friðrik
Hf5 - g3 og Speelman svaraði með
28. Rc6 - e5. Að öðru leyti stendur
skákin fyrir sínu. Þó er ástæða til að
benda á að 9. leikur svarts var stutt
hrókun. - hól.
Skákmótið í Gausdal:
Margeir í 1.-3. sæti
Margeir Pétursson vann sænska
alþjóðlega meistarann Tom Wed-
berg í 9. og síðustu umferð alþjóð-
lega mótsins í Gausdal í Noregi og
komst við það í efsta sætið ásamt
Bandaríkjamönnunum Nick De-
Firmian og Sergei Kudrin sem er
fyrrum Sovétmaður. Þeir hlutu all-
ir 6 vinninga.
Guðmundur Sigurjónsson varð
að gera sér að góðu jafntefli við
sænska stórmeistarann Lars Karls-
son og hlaut Guðmundur því 5V2
vinning. Guðmundur hafði kvöldið
áður unnið biðskák sína við Kra-
henbuhl frá Sviss. Karl Þorsteins
varð að vinna Svíann Axel Orn-
stein í síðustu umferð til að ná
áfanga að alþjóðlegum meistara-
titli. Það tókst ekki. Ornstein vann
og fékk Karl 4'/2 vinning út úr mót-
inu. Fjórði íslendingurinn Sævar
Bjarnason hlaut 31/2 vinning.
- hól.
Reglur um verðupplýsingar veitingahúsa:
Aðgangseyrir
sé auglýstur
Verðlagsstofnun hefur nýlega
sett reglur um verðupplýsingar
veitingahúsa. Meginreglurnar eru,
að framvegis er veitingahúsum gert
skylt að hengja upp fyrir framan
inngöngudyr vandaðar auglýsingar
er greini aðgangseyri. Þá hefur
veitingahúsum verið gert að taka
skýrt fram í auglýsingunt í tjöl-
niiðlum hver aðgangseyrir er þau
kvöld, sem hann er hærri en al-
mennur aðgangseyrir (þ.e. rúllu-
gjald). Að auki eru ítrekuð fyrir-
mæli um að festa skuli upp verð-
lista, þar sem fram kemur verð á
helstu veitingum, sem á boðstólum
eru. í verðinu skal söluskattur og
þjónustugjald vera innifalið.
Þá hefur Verðlagsstofnun á-
kveðið að veitingahúsum, sem
bjóða upp á sérstök skemmtiatriði
eða skemmtidagskrá, sé óheimilt
að taka sérstakan aðgangseyri
(þ.e. hærri aðgangseyri en rúllu-
gjald) af gestum eftir að skemmti-
atriðum er endanlega lokið. Enn
fremur skulu aðgöngumiðar, sem
seldir eru inn á sérstök skemmtiat-
riði, vera rifgataðir og skal á þann
hluta rniðans, sem kaupandi heldur
eftir, prentað verð miðans, nafn
viðkomandi veitingastaðar og dag-
setning.
Þessar reglur eru allar í gildi frá
7. janúar s.l. og hafa verið birtar í
Lögbirtingarblaðinu.
Frá Geðhjálp:
Fyrírlestur um fælni
Eiríkur Örn Arnarson, sál-
fræðingur, heldur fyrirlestur um
Fœlni (fóbíur) og helstu meðferðar-
form í kennslustofu geðdeildar
Landsspítalans á þriðju hæð, hinn
20. janúar. Fyrirlesturinn hefst kl.
átta.
Það er Geðhjálp, félag
geðsjúkra, aðstandenda þeirra og
velunnara, sem gengst fyrir þessum
fyrirlestri og öðrum um geð-
heilbrigðismál og skyld efni. Fyrir-
lestrarnir verða ætíð á fimmtudög-
um og hefjast klukkan átta. Fyrir-
lestrarnir eru bæði fyrir félagsmenn
og alla aðra, sem áhuga kunna að
hafa. Aðgangur er ókeypis. Fyrir-
spurnir og umræður verða eftir
fyrirlestrana.
Meira úrval...
af alls konar fatnaði á böm,
dömur og herra.
Og prísamir koma öllum til að
brosa.
Opnunartími:
Mánud.-miðvikud. 10—19.
Fimmtud. og föstud. 10—22.
Laugardag 10—19.
LflUGflR^^ÖLL
Og nú geturðu
verslað út á
kreditkortið þitt
Verksmiðjuútsalan
Blossahúsinu — Ármúla 15.
Sími 86101.