Þjóðviljinn - 18.01.1983, Blaðsíða 12

16 SÍÐA — ÞJÓÐVILJINN Þriðjudagur 18. janúar 1983
ALÞÝDU BANDALAGIÐ
Alþýðubandalagið á Akureyri: Árshátíð
Árshátíð Alþýðubandalagsins á Akureyri verður haldin í Alþýðuhús-
inu laugardaginn 22. janúar n.k. og hefst með borðhaldi kl. 19.30. Húsið
verður opnað kl. 19.
Dagskrá:
Ávarp: Soffía Guðmundsdóttir, formaður ABA.
Ræða: Helgi Guðmundsson, bæjarfulltrúi.
Gítarleikur: Gunnar H. Jónsson, tónlistarkennari.
Gamanþáttur: leikararnir Bjarni Ingvarsson og Kjartan Bjargmundsson
flytja.
Utanflokksmaður fer með spé um Alþýðubandalagið og fleira.
Leynigestur verður á staðnum.
Erlingur Sigurðsson stjórnar fjöldasöng og Hljómsveit Steingríms Sig-
urðssonar leikur fyrir dansi.
Vinsamlegast tilkynnið þátttöku til Ragnheiðar í síma 22820 (eða
23397) eða Soffíu í síma 24270.
Félagar mætið vel og stundvíslega.
Stjórnin.
Alþýðubandalagið Hafnarfirði
Opinn fundur um húsnæðismál
Alþýðubandalagið í Hafnarfirði boðar til
opins fundar um húsnæðismál fimmtudag-
inn 20. ianúar að Strandgötu 41, kl. 20.30.
Framsaga: ólafur Jónsson stjórnarfor-
maður Húsnæðismálastofnunar. Almennar
umræður á eftir.
Alþýðubandalagið Ólafur 3ónsson
Álþýðubandalagið Akranesi
Árshátíð Alþýðubandalagsins á Akranesi verður í Rein laugardaginn 29.
janúar. Nú þegar getum við tilkynnt að Helgi Seljan og kona hans verða
gestir okkar.
Nánar auglýst síðar. Skemmtinefndin.
AB Selfossi og nágrenni
Félagsfundur verður haldinn 23. jan. kl. 15 að Kirkjuvegi 7, Selfossi.
Dagskrá:
1. Inntaka nýrra félaga.
2. Fréttir af starfi herstöðvaandstæðinga.
3. Stutt erindi um sósíalismann.
4. Önnur mál - umræður.
Þátttakendur í seinni umferð forvals AB á Suðurlandi eru sérstaklega
hvattir til að koma á fundinn.
Rósberg
Framhald af 15. siðu.
og söng á samkomum. Niðurlags-
erindið í bragnum er þannig:
Illa held ég ýmsir hérna færu
ef amlóðar í lögreglunni væru,
margir hopa myndu í okkar
sporum,
en menn geta nú séð að þessu litla
• dæmi
hvað við getum ef við þorum.
Ég hef hugsað af virðingu til Ak-
ureyrarlögreglunnar frá því ég
heyrði af þessu, fyrir að hafa lánað
Rósberg búninginn.
E.t.v. er þarna sá þáttur í ævi
Rósbergs, sem samtímamenn hans
muna hann lengst fyrir; sá þáttur,
að lífga upp á tilveruna og gleðjast
með glöðum, En Rósberg gerði sér
grein fyrir að mundangshófið getur
verið mjótt. Um sjálfan sig segir
hann í einu ljóða sinna:
Ég hef gengið í grænum lundum
og gómsæta ávexti þegið
af lífsins trjám, og í léttuð
lifað á góðum stundum,
leikið við Ijúflinga móður
og lítt af setningi slegið.
Þegar Rósberg settist að á Hól-
um, mátti finna að líkamlega heilsa
hans var farin að bila. Hins vegar
varð í engu fundið að andlegur
kraftur hans hefði dvínað. Hug-
myndaríki, orðsnilld og lífsgleði
fylgdi honum sem fyrr. Það var lífs-
nautnin frjóa að fá Rósberg í heim-
sókn og tilhlökkunarefni að eiga
von á honum ótímasett en reglu-
bundið, ræða við hann um dægur-
mál eða heyra hjá honum nýjan og
gamlan kveðskap, éða frásögur af
nýlegum eða liðnum atburðum,
umsögn hans um bækur sem hann
var að lesa eða athugasemdir hans
um menn og málefni. Næmni hans
var slík að hann upplifði umhverfi
sitt sterkara en annað fólk og var
einkum fundvísari á skoplegar
hliðar mála en flestir aðrir. Hann
var aufúsúgestur jafnt þar sem
hann átti sálufélaga að lífsskoðun
og annars staðar. Einnig var áber-
andi hve börn löðuðust að honum.
Það sem gert hefur Rósberg
landskunnan öðru fremur eru
beinskeyttar vísur hans. Vísur eða
ummæli verða fljótt gleymsku að
bráð, ef þau finna ekki bergmál í
hugum þeirra sem heyra, annað
hvort fyrir efni, orðkynngi eða
hvort tveggja. Undan þeim getur
sviðið, jafnvel lengur en höfundar
ætlast til.
Stundum var engu líkara en að
tvær persónur byggju í Rósberg,
önnur sem orti misfagrar vísur og
hin sem sá eftir því og hafði af því
einu áhyggjur að vísurnar kæmust
á kreik. Mig langar að nefna hér
eitt dæmi. Eitt sinn gerðist það að
aldavinur Rósbergs, Kristján skáld
frá Djúpalæk, fór um Akureyri án
þess að heilsa upp á hann. Það varð
Rósbergtilefni að eftirfarandi vísu:
Vini alla einskis mat
yfir fjallið strekkti.
Meira gallað mannrassgat
maður varla þekkti.
Mér er það stórlega til efs að
Kristján frá Djúpalæk hafi í annan
tíma fengið áþreifanlegri kveðju
um það að hans hafi verið saknað
og að heimsóknar hans væri beðið
en þessa og finnst að hann megi
harla vel við una.
í bók sinni „Líkaböng hringir"
upplýsir höfundur, Gunnar Bjarn-
ason, að annað tveggja tilefna þess
að hann skrifaði þá varnarbók fyrir
gjörðum sínum þegar hann var
skólastjóri á Hólum í Hjaltadal var
vísa Rósbergs: „Hart leikur Gunn-
ar Hólastól“. Slíkur getur máttur
einnar vísu verið.
En Rósberg átti líka aðra strengi
í hörpu sinni, ljóðræna og trega-
fulla, þar sem hann orti dýrðaróð
til æskuslóða sinna. Síðustu ljóða-
bók sinni lýkur hann með þessari
stöku:
Oft er gætt við grafna sjóði,
gengin spor um hæð og laut.
Þar er gróinn götuslóði
gömlum manni Aðalbraut.
Ég mun geyma minninguna um
heiðríkan drengskaparmann sem
lifði lífinu lifandi um leið og hann
fann til með þeim sem minni mátt-
ar voru.
Ég og fjölskylda mín þökkum
honum samverustundirnar og flytj-
um ástvinum hans innilegar sam-
úðarkveðjur.
Matthías Eggertsson.
Sá merki atburður gerðist
föstudaginn 7. janúar s.l. að
rjóminn af skákmeisturum okk-
ar íslendinga birtist á skjánum
og lýsir yfir stofnun skákskóla
fyrsta sinnar tegundar á Is-
landi.
Þeir segja þjóðinni að loksins
sé kominn fram hópur manna,
sem bæði hafi þrek og þor til
þess að hrinda í framkvæmd
vangaveltum og umræðum,
sem staðið hafi í nær 30 ár.
Nú ætla þeir að stíga skrefið til
fulls, fórna æsku landsins tíma og
hæfileikum, íslensku skáklífi til upp-
lyftingar og æskunni til aukins
þroska. Gott er að heyra og fagna
ber góðum verkum. Góð verk, vel-
unnin störf standa ætíð undir sjálf-
um sér og ævinlega bestur mæli-
kvarði á mannanna verk. Að Friðrik
Ólafsson skuli núna stofna skák-
skóla ásamt bestu mönnum í skák-
lífi þjóðarinnar, er svo mikilvægt
skref í uppbyggingu skáklífsins hér
á landi, að þeir félagar hefðu, sér
alveg að skaðlausu, getað minnst á
störf annarra manna og látið þá
njóta sannmælis. Það er ekki
heilladrjúgt að hefja starf fullir
fyrirlitningar gagnvart því, sem
áður hefur verið unnið, eins og þeir
félagar virðast ætla sér að gera.
Að ofansögðu, langar mig til
þess að segja fólki dálítið frá Skák-
skólanum á Kirkjubæjarklaustri,
. sem Friðrik Ólafsson og félagar sjá
Svipmynd úr skákskólanum á Kirkjubæjarklaustri sem hóf starf-
semi 1979.
Skákskóli Friðríks er
ekki sá fyrsti hériendis
sér ekki fært að nefna á nafn. Mig
langar til þess að þeir fjölmörgu
aðilar, bæði kennarar skólans og
annað starfslið, stofnanir og ein-
staklingar, sem unnið hafa fyrir
hann og borið hag hans fyrir brjósti
fái notið einhvers sannmælis og
starf þeirra viðurkenningar.
Skákskólinn á Kirkjubæjar-
klaustri hefur starfsemi sína 23.
maí 1979. Síðan hefur hann starfað
á hverju vori 4 sinnum alls. í Skák-
skólanum er kennt í 4 flokkum,
eftir kunnáttu. Frá kl. 10 á morgn-
ana til kl. 18 fer fram skipuleg
skákkennsla, í bland við íþrótta-
æfingar, gönguferðir o.fl. í þeim dúr.
Hver nemandi fær því milli 40 og 50
kennslustundir í skák. Hver kenn-
sluhópur er 10-13 nemendur. Eftir
kvöldmat eru skákmót, fjöltefli
o.fl. í sambandi við skák undir
handleiðslu kennara. Skólinn
veitir nemendum verðlaun fyrir
góða frammistöðu í skákmótum,
fjölteflum og íþróttum, auk þess
veitir hann viðurkenningu fyrir
þátttöku í skólanum. Verðlaun
hafa m.a. verið utanlandsferðir á
skákmót erlendis, bókaverðlaun
o.fl.
Kennarar við skólann hafa
verið:
Jóhann Örn Sigurjónsson frá
1979, Jón Pálsson, 1980, Guð-
mundur Siguriónsson, 1981 og
1982, Helgi Ólafsson, 1981 og
1982, kom einnig í heimsókn 1980,
Bragi Kristjánsson, 1981 og 1982,
Birgir Einarsson íþróttir frá 1979,
Jón Hjartarson, skólastjóri frá
1979.
Gestir, sem heimsótt hafa skák-
skólann, teflt fjöltefli við nemend-
ur, kennt o.fl. eru m.a.:
Friðrik Ólafsson 1979, Helgi Ól-
afsson 1980 kennari 1981 og 1982,
Guðmundur Arnlaugsson 1981,
Jóhann Þórir Jónsson, ritstjóri
1980, o.fl.
Ýmsir aðilar hafa styrkt Skák-
skólann á Kirkjubæjarklaustri ým-
ist með fjárframlögum eða á annan
hátt. Má þar nefna m.a. Alþingi
íslendinga, styrkur á fjárlögum
1982 og 1983.
Skáksamband Islands gefið
verðlaun 1981 og 1982.
Búnaðarbanki fslands og Sam-
vinnubanki íslands, Vík í Mýrdal,
auk sveitarfélaga og sýslusjóði
Vestur-Skaftafellssýslu.
Margir fleiri aðilar hafa styrkt
skólann, en of langt yrði upp að
telja.
Ýmsar blaðagreinar hafa birst
um skólann, má þar nefna m.a.
greinar eftir Guðmund Arnlaugs-
son, Helga Ólafsson, Guðmund
Sigurjónsson o.fl.
Nemendafjöldi, sem notið hefur
skólavistar í Skákskólanum á
Jón Hjartarson
Kirkjubæjarklaustri á undanförn-
um árum er samtals 209.
Þeir Helgi Ólafsson og Guð-
mundur Sigurjónsson eru burðar-
ásar í skákskóla Friðriks Ólafs-
sonar; ekki er ólíklegt að reynsla
sú, sem þeir fengu við kennslu á
Kirkjubæjarklaustri reynist þeim
einhvers virði.
Ég er ákaflega ánægður með fra-
mtak Friðriks Ólafssonar og fé-
laga, þar er sannarlega verið að
reyna að gera góða hluti, en á hinn
bóginn finnst mér leitt að þeir skuli
nú hafa gleymt þeim vísi að skák-
skóla, sem starfræktur hefur verið
á Kirkjubæjarklaustri undanfarin 4
ár. Mér sýnist auðsýnt að þeir fé-
lagar ætli að máta Skákskólann á
Kirkjubæjarklaustri í 1. leik. Mér
finnst undarlegt að þeir Helgi og
Guðmundur, sem báðir hafa unnið
við uppbyggingu Skákskólans á
Kirkjubæjarklaustri og lagt sitt af
mörkum til þess að hann næði al-
mennri viðurkenningu, sem „al-
vöruskákskóli" skuli nú hafa
gleymt þessu starfi og ekki nefna
það á nafn. Við þessu bjóst ég alls
ekki af þeim. í fávisku minni hélt
ég að þeir aðilar, sem af „hugsjón"
hefðu áhuga á uppbyggingu ís-
lensks skáklífs leituðu eftir sam-
vinnu um sameiginleg áhugamál.
En þeir Friðrik Ólafsson og félagar
virðast þar ekki á sama máli. Ég
harma það.
Þrátt fyrir það að ný staða er
komin upp eftir þennan síðasta leik
þeirra félaga þá vil ég lýsa eftirfar-
andi yfir: Skákskólinn á Kirkjubæj-
arklaustri er og verður áfram veru-
leiki. Hann verður settur í vor 24.
maí, og er opinn öllum unglingum
hvar sem þeir búa á landinu. Skák-
skólinn á Kirkjubæjarklaustri ósk-
ar þess að skáklistin á íslandi eflist
og dafni og telur að þeim áfanga
verði best náð með samvinnu og
samstarfi þeirra aðila, sem áhuga
hafa á eflingu skáklífs.
Skákskólinn á Kirkjubæjar-
klaustri telur það ekki sæma að
unnendur skáklistarinnar reyni að
troða skóinn hver af öðrum til þess
að upphefja sjálfa sig á annarra
kostnað og efast um að það verði
skáklífinu á fslandi til framdráttar.
Skákskólinn á Kirkjubæjarklaustri
er opinn öllum landsmönnum því
ætti að geta tekist vel lukkað sam-
starf á milli skákskólanna ef vilji er
fyrir hendi og við austanmenn bún-
ir að þurrka framan úr okkur þá
vondu vatnsgusu, sem við fengum
á okkur þann 7. janúar s.l.
Um leið og ég óska þeim Friðrik
Ólafssyni og félögum velgengni í
þessu nýja starfi, þá árétta ég enn
vilja minn til samvinnu og sam-
starfs á jafnréttisgrundvelli.
Með kveðju,
Jón Hjartarson,
Kirkjubæjarklaustri.
Tilboð óskast í að reisa tvo miðlunargeyma á Grafar-
holti, 3ja áfanga, fyrir Hitaveitu Reykjavíkur.
Utboðsgögn eru afhent á skrifstofu vorri að Fríkirkju-
vegi 3, Reykjavík, gegn 3 þúsund kr. skilatryggingu.
Tilboðin verða opnuð á sama stað fimmtudaginn 10.
febrúar 1983 kl. 14 e.h.
INNKAUPASTOFNUN REYKJAVIKURBORGAR
Frikirkjuvegi 3 - Simi 25800
UTBOÐ