Dagblaðið Vísir - DV - 15.12.2000, Blaðsíða 12

12
Útlönd
FÖSTUDAGUR 15. DESEMBER 2000
DV
Bill Clinton
Bandaríkjaforseti gæddi sér á
dýrindis mat á pöbb í London en
fór án þess aö greiöa fyrir.
Clinton gleymdi
að borga reikn-
ing á pöbbinum
Bill Clinton og foruneyti hans
snæddu hádegisverð á pöbbi í tísku-
hverfinu Notting Hill i London i
gær en gengu svo út án þess að
greiða reikninginn.
„Þeir borguðu ekki reikninginn,"
hefur breska blaðið Guardian eftir
kráareigandanum Mike Bell. „Ég er
hins vegar með heimilisfangið hjá
manni í Ameríku sem ég get sent
reikninginn til.“
Clinton ræddi við starfsfólk og
aðra gesti kráarinnar á meðan hann
sporðrenndi góðgætinu og skolaði
þvi niður með lifrænum bjór.
Reikningur Clintons og félaga
hljóðaði upp á tæpar þrjú þúsund
krónur. Breska blaðið Mirror tók á
sig að greiða hann fyrir forsetann.
„Hann stakk ekki beint af. Ég
held bara að það hafi ekki hvarflað
að honum að borga,“ sagði Bell.
ESB boðar stór-
felldan niður-
skurð í Norðursjó
Sjávarútvegsráðherrar Evrópu-
sambandsins komust í nótt að sam-
komulagi um stófelldan niðurskurð
fiskveiðikvóta í Norðursjó á næsta
ári. Fundur þeirra hafði þá staðið í
tólf klukkustundir. Talið er að af-
leiðingamar fyrir breskan sjávarút-
veg verði hrikalegar.
„Þetta er stófelldasti niðurskurð-
ur sem við höfum boðað frá því
kvótakerfið var tekið upp,“ sagði
Franz Fischler, sem fer með fisk-
veiðimál í framkvæmdastjórn ESB.
Ákvörðunin um niðurskurð var
tekin eftir viðvaranir vísindamanna
um alvarlegt ástand á þorsk- og lýs-
ingsstofnunum við Bretland.
Þorskkvótinn verður skorinn nið-
ur um nærri helming en niður-
skurðurinn verður minni í öðrum
tegundum. Formaður breska sjó-
mannasambandsins sagði þetta
hrikaleg tíðindi. Þorskstofninn í
Norðursjó hefur farið minnkandi
frá því skráning hófst 1963.
UPPBOÐ
Framhald uppboðs á eftirfarandi
eign verður háð á skrifstofu
embættisins að Strandgötu 52,
Eskifirði, mánudaginn 18. des-
ember 2000 kl. 11.
Sveinn Rafn SU-050, þingl. eig.
Andromeda ehf., gerðarbeiðendur Brim-
borg-Þórshamar ehf. og Landsbanki Is-
lands hf., Fáskrúðsfirði.
Framhald uppboðs á eftirfarandi
eignum verður háð á þeim sjálf-
um sem hér segir:
Hlíðarendavegur 6b, Eskifirði, þingl. eig.
Karl Oskar Jónsson, Barbara Wojtowicz
og Anna Wojtowicz, gerðarbeiðandi
íbúðalánasjóður, mánudaginn 18. desem-
ber 2000 kl, 13._______________
Sæberg 15, Breiðdalsvík, þingl. eig. Fjóla
Ákadóttir, gerðarbeiðandi Sýslumaðurinn
á Eskifirði, mánudaginn 18. desember
2000 kl. 15.30.
SÝSLUMAÐURINN Á ESKIFIRÐI
George W. Bush þegar byrjaður að græða sárin:
Ræðir við framá-
menn demókrata
George W. Bush, verðandi forseti
Bandaríkjanna, virðist staðráðinn í
að láta ekki sitja við orðin tóm í
sáttaumleitunum sínum við
demókrata því hann hefur boðað
framámann úr þeirra röðum á sinn
fund í dag.
Fyrsta opinbera verk Bush í dag
verður að hitta öldungadeildarþing-
manninn John Breaux frá Louisi-
ana. Fundarboðið hefur þegar kom-
ið af stað vangaveltum um að Bush
kunni að bjóða demókratanum
stöðu í stjóm sinni.
Bush heldur til Washington í
næstu viku til viðræðna við forystu-
menn þingsins, A1 Gore, varaforseta
og keppinaut sinn um forsetaemb-
ættið, og Bill Clinton forseta. Bush
mun einnig ræða við menn og kon-
ur sem til greina kemur að taki sæti
í næstu ríkisstjórn.
Heimildarmenn innan þingsins
töldu í gær ólíklegt að Breaux
myndi gefa eftir sæti sitt í öldunga-
deildinni þar sem jafnræði er með
Forsetahjónin tilvonandi
George W. Bush, veröandi forseti
Bandaríkjanna, og Laura eiginkona
hans brostu breitt þegar þau komu
úr messu í Tarrytown meþódista-
kirkjunni í Austin í Texas í gær.
flokkunum. Tæki Breaux sæti í
stjórninni þýddi það að ríkisstjór-
inn í Louisiana myndi skipa mann í
hans stað. Ríkisstjórinn er
repúblikani og því líklegt að hann
myndi skipa flokksbróður sinn.
Breaux þessi hefur með starfi
sínu í þinginu sýnt að hann á auð-
velt með að vinna með fulltrúum
beggja flokka.
Bush reyndi í gær að ganga fram
með góðu fordæmi og ræddi meðal
annars við Clinton og blökku-
mannaleiðtogann Jesse Jackson
sem hvatti hann til að beita sér fyr-
ir umbótum á kosningalögunum.
Liklegt þykir að Bush greini á
morgun frá fyrstu tilnefningunum í
stjórn sina. Búist er við að það verði
annaðhvort Colin Powell, fyrrum
hershöfðingi, i embætti utanríkis-
ráðherra eða Condoleezza Rice í
embætti þjóðaröryggisráðgjafa.
Powell hefur heimsótt Bush á búgarð
hans í Texas og vist þykir að þingið
staðfesti hann auðveldlega.
Mótmæli í búri tígrisdýrs
Marcus Mischler, eigandi sirkussins Euro Flying Circus, lokaöi sig inni í búri hjá tígrisdýri þegar yfirvöld í Brussel í
Belgíu geröu eignir sirkussins upptækar i gær vegna gjaldþrots.
Tvíburarnir vilja ekki
flytja í Hvíta húsið
Það eru ekki allir í Bush-fjölskyld-
unni hamingjusamir þessa dagana.
Sagt er að tvíburarnir Barbara og
Jenna Bush hafi í raun vonast til
þess að faðir þeirra, George Bush,
tapaði í forsetakosningunum. Þær
vilja nefnilega ekki hafa lífverði með
sér á stefnumótin.
Víst þykir að stúlkurnar, sem eru
19 ára, séu ánægðar með að biðinni sé
lokið. Og þær voru að vísu vanar op-
inberu lífi í Austin í Texas, þar sem
faðir þeirra hefur verið ríkisstjóri í
sex ár, en nú gilda allt aðrar reglur.
Barbara og Jenna forðast báðar
sviðsljósið og foreldrar þeirra hafa
gert allt sem hægt er til að vernda
þær. Það hefur tekist ágætlega. Það
eru ekki margir Bandaríkjamenn
sem myndu þekkja stúlkurnar á
mynd. Þær tóku að vísu þátt í lands-
fundi repúblikana síðastliðið sumar
Á tali vió afa
Jenna Bush, önnur tviburadóttir Ge-
orge W. Bush, veröandi forseta, á
tali viö afa sinn, George Bush.
en annars hafa þær ekki sést í kosn-
ingabaráttunni. Þær stunda nám í
háskóla og munu halda þvi áfram.
Vinur fjölskyldunnar greindi frá
því í viðtali við New York Times að
Jenna hefði verið með tárin í aug-
unum um jólin 1998 þegar rætt var
um forsetaframboð föðurins. „Þá
þýðir þetta að við verðum alltaf með
lífverði með okkur.“ Sagt er að
Bush hafi sjálfum vöknað um augu.
Hann hugsaði sig lengi og vel um
áður en hann tók ákvörðun um að
bjóða sig fram. Einn ráðgjafa hans
benti á að embættið hefði kosti í för
með sér fyrir dæturnar þó svo að
þær gerðu sér ekki grein fyrir því.
Þeirra yrði vandlega gætt og þær
myndu ekki fá tækifæri til flkni-
efna- og áfengisneyslu áður en þær
væru nógu þroskaðar til að standast
freistingarnar.
Stuttar fréttir
Chirac kveðst saklaus
Jacques Chirac
Frakklandsforseti
kvaðst í gær í sjón-
varpsviðtali ekkert
vita um ólöglega
fjármögnun flokks
hans i upphafi síð-
asta áratugar.
Kvaðst hann ekkert
hafa haft með fjármál flokksins að
gera. Stóru stjórnmálaflokkamir í
Frakklandi eru sakaðir um að hafa
tekið við milljörðum íslenskra
króna frá verktökum gegn samning-
um um verkefni við skóla Parísar á
meðan Chirac var borgarstjóri.
Þagað um sannleikann
Rússneskur vísindamaður,
Aleksej Jablokov, segir bæði yflr-
völd í A- og V-Evrópu þegja um
raunverulegar afleiðingar Tjsemo-
bylsslyssins 1986. Segir hann þær
miklu hræðilegri en fullyrt sé.
Kjarnorkuverinu í Úkraínu verður
lokað í dag.
Hvítir eru óvinirnir
Forseti Simbabve, Robert Muga-
be, lýsti í gær yfir stríði við hvíta
menn. Sagði hann Afríku vera fyrir
blökkumenn. Hvítur bóndi var
drepinn á þriðjudaginn á býli sínu.
Sonur hans særðist i árásinni.
NATO og ESB ósammála
Utanríkisráðherrar NATO og
ESB náðu ekki í gærkvöld sam-
komulagi um samvinnu. Viðræður
halda áfram í Brussel í dag.
ítalir mótmæla Haider
Mörg þúsund
manns mótmæltu
í Róm í gærkvöld
væntanlegri heim-
sókn austurríska
þjóðernissinnans
Jörgs Haiders í
Páfagarð á morg-
un. Þingmenn,
borgarstjóri og
ráðherra tóku þátt í göngunni.
Haider ætlar að færa páfa jólatré frá
Austurríki.
Efasemdir um sáttmála
Búist er við að bandarísk yfirvöld
muni draga á langinn að staðfesta
Kyotosáttmálann eða hafna honum
eftir að George Bush er sestur á for-
setastól.
Fær ekki hæli á Kostaríku
Yfirvöld á Kosta-
ríku sögðu í gær að
þau myndu neita
njósnaforingjanum
Montesinos frá Perú
um hæli færi hann
fram á það. ígær
var strax hafin
rannsókn á þvi
hvort fréttin um að
Montesinos hefði komið til Kosta-
ríku á skútu í októberlok væri sönn.
Áfram friðarferli
Bill Clinton Bandaríkjaforseti vis-
aði á bug vangaveltum um að friðar-
ferlið á N-írlandi myndi stöðvast
þegar hann léti af embætti.
í sama bíl og Brezhnev
Þegar Vladímír Pútín Rússlands-
forseti kom til Kúbu á miðvikudags-
kvöld var hann sóttur í sama bíl og
Sovétleiðtoginn Brezhnev var sóttur
í 1974. Fidel Castro Kúbuforseti seg-
ir heimsókn Pútíns mikilvæga.