Morgunblaðið - 27.09.2002, Blaðsíða 17

LANDIÐ
MORGUNBLAÐIÐ FÖSTUDAGUR 27. SEPTEMBER 2002 17
Hverfisgötu 18, s. 530 9314
NICARAGUA
DAGAR
Matur, tónlist o.fl.
frá Nicaragua
Matseðill:
- Tostones
- Tajadas Pollo Asado
- Enchillada - Gallo Pinto
- Bunuelos
- Fresco de Zanahoria
- Leche de Banano
ÞEGAR smalað var yst í Hjalta-
staðaþinghánni um helgina var
veður eins og ákjósanlegast getur
orðið; milt og bjart svo að eggjar
Dyrfjallanna sáust langt að. Féð
rann sitt skeið niður á milli
klettabelta, sem einkenna lands-
lagið svo mjög á þessu svæði, og
niður í rétt sem stendur við
bakka Bjarglandsár. Þar var
dregið í sundur og hver hirti sitt
fé. Bændum þótti það ágætlega
fram gengið þótt lömb væru
nokkuð misjöfn vegna slaks ár-
ferðis í vor.
Morgunblaðið/Steinunn Ásmundsdóttir
Það er gott að halla sér fram á réttargirðinguna og spekúlera dálítið
með yngri kynslóðinni eftir vel heppnaðan fjárrekstur úr fjöllum.
Ungur
nemur,
gamall
temur
Egilsstaðir
HÚNAÞING vestra veitti árleg um-
hverfisverðlaun í fjórða sinn þann
18. september á Gauksmýri. Oddviti
sveitarfélagsins, Heimir Ágústsson,
sagði við það tækifæri, að viðurkenn-
ingar fyrir góða umgengni á bújörð-
um og við fyrirtæki, svo og fagra
garða í þéttbýli, væru mikilvægar nú
á tímum mikillar umræðu um um-
hverfismál. Sumt í umhverfi fólks
hefði gengið í arf, en annað væri
áunnið. Benti hann á að í umhverfi
Gauksmýrar væru staðreyndir sem
blöstu við. Þar var í einu vetfangi
ræst fram mikið af votlendi um miðja
síðustu öld, nú væri unnið að end-
urheimt þess og einnig hafin skóg-
rækt.
Arnar Birgir Ólafsson nýráðinn
umhverfisfræðingur og garðyrkju-
stjóri Húnaþings vestra lýsti störf-
um umhverfisnefndar, en hana skipa
auk hans Hulda Einarsdóttir, Ár-
borg Ragnarsdóttir og Sigríður
Hjaltadóttir.
Auglýst var eftir ábendingum og
fór nefndin vítt við skoðun á stöðum.
Þá skýrði oddviti frá vali þeirra aðila
sem hlutu viðurkenningar. Þeir voru
hjónin Guðrún Jóhannsdóttir og
Hreinn Halldórsson fyrir garðinn á
Garðavegi 17 á Hvammstanga.
Sparisjóður Húnaþings og Stranda
sem fékk viðurkenningu fyrir snyrti-
legt umhverfi og gott aðgengi fatl-
aðra. Lögbýlið Vatnshóll sem fékk
viðurkenningu fyrir snyrtilegt um-
hverfi og smekklegt viðhald húsa.
Ábúandinn á Vatnshól, Halldór Lín-
dal Jósafatsson, var fjarverandi. Að
lokinni athöfninni var gestum boðið
kaffi og meðlæti.
Morgunblaðið/KÁ.S.
Fremri röð frá vinstri: Hreinn Halldórsson, Guðrún Jóhannsdóttir og
Páll Sigurðsson sparisjóðsstjóri. Aftari röð frá vinstri: Heimir Ágústs-
son oddviti, Arnar B. Ólafsson og Hulda Einarsdóttir.
Umhverfisverðlaun
Húnaþings vestra
Hvammstangi
Morgunblaðið/LíneySéð í Skoruvík.
TÍMAMÓT urðu í ferðamálum á
Langanesinu þegar Mercedes-
Benz-fólksbifreið renndi í hlað á
eyðibýlinu Skoruvík og er það trú-
lega í fyrsta skipti sem „drossía“
kemur þangað. Það skal þó skýrt
tekið fram að vegurinn er í raun
alls ekki fólksbílafær en ágætlega
fær stærri bílum og „jepplingum“
Þórshöfn
Nýr vegur
út á
Langanes
svo segja má að Benzinn kæmist
þetta meira af vilja eigandans en
mætti og algjörlega á hans ábyrgð.
Vegabætur hafa staðið yfir í
sumar á Langanesveginum allt út
að Skoruvík sem er um 40 kíló-
metra leið en Þórshafnarhreppur
gekkst fyrir því að fá fjárveitingu
frá Vegagerðinni til endurbóta á
veginum, sem raunar gat varla tal-
ist vegur heldur grýttur og hálf-
ófær fjallajeppaslóði.
Um sex milljónir fóru í upp-
byggingu þessa ferðamannavegar
út á Langanes en ferðafólk sækir
sífellt meira í sérstæða náttúru
Langanessins svo nú er betri tíð
framundan þegar leiðin er orðin
greiðfærari.
ÞEGAR fréttaritari stóð
fyrir í smalamennsku á
Götum í Mýrdal varð hon-
um litið í spegilinn á bílnum
sínum og þar blasti við
Rauðifoss sem er upp af án-
ingarstaðnum á þjóðvegi
nr. 1 í Gatnabrún. Rauði-
foss er sérkennilegur
vegna litarins. Hann er allt-
af rauður vegna mikils
mýrarauða sem kemur frá
mýrlendinu fyrir ofan.
Hann er mjög misjafnlega
vatnsmikill, stundum nán-
ast þurr en í mestu rign-
ingum breytist hann í stór-
an foss, og á veturna
myndast oft mikil klaka-
brynja kringum hann.
Rauður
foss
Fagridalur
Morgunblaðið/Jónas Erlendsson
Mynd tekin í Gatnabrún við þjóðveg 1 í Mýrdal með Rauðafoss í speglinum.