Morgunblaðið - 27.09.2002, Blaðsíða 49

BRÉF TIL BLAÐSINS
MORGUNBLAÐIÐ FÖSTUDAGUR 27. SEPTEMBER 2002 49
Hugræn teygjuleikfimi frá Kína er blanda af nútíma
leikfimi og hefðbundinni kínverskri leikfimi sem á sér
aldagamla sögu. Hún eflir bæði líkamlegt og andlegt
heilbrigði. Hún einkennist af afslöppuðum og mjúk-
um hreyfingum sem þjálfa í senn líkama og huga.
• Veitir sveigjanleika með óþvinguðum hreyfingum.
• Vinnur gegn mörgum algengum kvillum.
• Góð áhrif á miðtaugakerfið, öndun og meltingu.
• Eykur blóðstreymi um háræðanetið.
• Losar um uppsafnaða spennu.
• Losar um stirð liðamót.
• Dregur úr vöðvabólgu.
• Styrkir hjartað.
Flokksstjórnarfundur
Samfylkingarinnar
Flokksstjórnarfundur Samfylkingarinnar
verður haldinn á Grand Hótel Reykjavík
við Sigtún laugardaginn 28. september
og hefst kl. 13.
Dagskrá:
Ræða formanns flokksins,
Össurar Skarphéðinssonar.
Almennar umræður.
Vinnuhópar:
1. Evrópukosning Samfylkingarinnar.
2. Heilbrigðismál.
3. Undirbúningur alþingiskosninga.
Niðurstöður vinnuhópa. Almennar umræður.
Önnur mál.
Fundurinn er opinn öllu Samfylkingarfólki.
www.samfylking.is
SIGURÐUR Daði Sigfússon er
efstur á Haustmóti Taflfélags
Reykjavíkur þegar tvær umferðir
eru til loka
mótsins. Hann
hefur fengið 7½
vinning í 9
skákum. Magn-
ús Örn Úlfars-
son fylgir hon-
um eins og
skugginn og er
með 7 vinninga.
Í þriðja sæti er
Davíð Kjart-
ansson sem hefur fengið 6 vinn-
inga, en hann er greinilega í tölu-
verðri framför um þessar mundir.
Staðan í A-flokki er þessi eftir 9
umferðir:
1. Sigurður Daði Sigfússon
7½ v.
2. Magnús Örn Úlfarsson 7 v.
3. Davíð Kjartansson 6 v.
4.–6. Guðmundur Halldórsson,
Dagur Arngrímsson,
Kristján Eðvarðsson 5 v.
7. Torfi Leósson 4½ v.
8.–9. Björn Þorsteinsson,
Sigurður P. Steindórsson
3½ v.
10.–11. Sigurbjörn Björnsson,
Jón Árni Halldórsson 3 v.
12. Halldór Pálsson 1 v.
Í B-flokki, eins og í A-flokki,
eru 12 skákmenn og tefla allir við
alla. Þar standa efstu menn þann-
ig:
1.–2. Stefán Freyr Guðmundsson,
Stefán Bergsson 8 v.
3. Kjartan Maack 6½ v.
4.–5. Gísli Gunnlaugsson,
Guðni Stefán Pétursson 5 v.
o.s.frv.
C-flokkur er opinn flokkur og
þar tefla 22 skákmenn. Efstu
menn eru:
1. Árni Þorvaldsson 8 v.
2. Sturla Þórðarson 7 v. + fr.
3. Skúli Haukur Sigurðarson 6½ v.
4. Þórir Benediktsson 5½ v. + fr.
5. Atli Freyr Kristjánsson 5½ v.
6.–8. Aron Ingi Óskarsson,
Arnar Sigurðsson,
Helgi Brynjarsson 5 v.
o.s.frv.
Þungur róður á
Evrópumótinu
Eftir að hafa mætt afar sterk-
um sveitum í fyrstu tveimur um-
ferðunum mætti Taflfélagið Hellir
ensku liði frá Bristol í þeirri
þriðju. Hellismenn voru heillum
horfnir og þurftu að sætta sig 2–4
tap gegn töluvert veikari sveit.
Úrslit viðureignarinnar:
AM J. Sherwin (2.344) –
SM Hannes Hlífar (2.588) ½ –½
SM Helgi Ólafsson (2.476) –
AM Christ Beaumont (2.318) 0–1
FM G. Burgess (2.309) –
FM Ágúst S. Karlsson (2.347) 1–0
FM Ingvar Ásmundsson (2.338) –
David Collier (2.274) ½–½
David Buckley (2.190) –
Snorri Bergsson (2.288) 0–1
Andri Á. Grétarsson (2.313) –
Steve Dilleigh (2.164) 1–0
Á fyrsta borði fyrir Englend-
inga tefldi bandaríski alþjóðlegi
meistarinn James Sherwin. Marg-
ir kannast án efa við nafnið úr bók
Fischer, 60 minnisstæðar skákir,
en skák Sherwin og Fischer er
fyrsta skák bókarinnar. Sherwin
þessi fékk yfirburðartafl gegn
Hannesi og var honum vart hugað
líf. Hannes var að því kominn að
gefa en ákvað að leggja eina
gildru fyrir Sherwin í lokin.
Sherwin gætti sín ekki og Hannes
náði langþráðum hálfum punkti.
Íslendingarnir mættu síðan
norsku sveitinni Randaberg í
fjórðu umferð. Randaberg-menn
eru góðkunningjar Hellis enda
mættust sveitirnar einnig í Evr-
ópukeppninni í fyrra á Krít. Það
hafði Hellir sigur 6–0. Nú er
norska sveitin reyndar heldur
þéttari og Hellissveitin veikari.
Fyrir umferðina var Hellir aðeins
í 40. sæti af 43 sveitum með 0 stig
og 4½ vinning. Hannes Hlífar
Stefánsson, Helgi Ólafsson og
Ágúst Sindri Karlsson unnu allir
fremur örugga sigra og leiddi
Hellir á tímabili 3–0. Andri þrá-
tefldi skömmu síðar og fyrsti sigur
Hellis var í höfn. Snorri Guðjón
Bergsson og Ingvar Ásmundsson
töpuðu hins vegar báðir þrátt fyrir
að hafa haft vænlegar stöður.
Loks þegar efri borðin fóru í gang
brugðust þau neðri og lokastaðan
varð naumur sigur Hellis 3½ –2½.
Hellismenn hafa nú 2 stig og 8
vinninga. Þrátt fyrir slakt gengi
er ekkert uppgjafarhljóð í mönn-
um og menn stefna ótrauðir á að
betri úrslit í lokaumferðunum.
Röð efstu liða á mótinu:
1. Bosna Saravejo (Bosnía) 6
stig (13½ v.)
2. Alkaloid – Skopje (Mak-
edónía) 6 stig (13 v.)
3.–4. Nao Chess Club (Frakkland)
og Petersburg LGT 6 stig
(11 v.)
Enn sést ekki til Kramniks og
sagði yfirdómarinn, Dirk Ridder
aðspurður að hann væri ekki kom-
inn og að vafasamt væri að hann
kæmi. Nokkur vonbrigði reynist
það rétt. Ridder sagði einnig að
franski klúbburinn Clichy hefði
sótt um að halda mótið næsta ár
og að hann teldi líklegt að svo
myndi NAO einnig gera. Það er
því ekki ólíklegt að keppnin fari
fram í Frakklandi að ári.
Unglingameistaramót TR
Unglingameistaramót Tafl-
félags Reykjavíkur fer fram laug-
ardaginn 28. september næstkom-
andi, í félagsheimili Taflfélags
Reykjavíkur að Faxafeni 12. Hefst
mótið kl. 14 og lýkur um kl. 18.
Þátttökurétt hafa allir sem eru
15 ára eða yngri. Tefldar verða sjö
skákir eftir Monrad-kerfi með um-
hugsunartímanum 15 mínútur á
skák. Sigurvegarinn verður
krýndur „Unglingameistari TR
2002“ og hlýtur farandbikar til
vörslu í eitt ár, en auk þess eru
bókaverðlaun og verðlaunagripir
fyrir fimm efstu sætin. Það kostar
ekkert að taka þátt í mótinu fyrir
þá sem eru félagar í Taflfélagi
Reykjavíkur, en aðrir borga 500
kr. Núverandi unglingameistari
Taflfélags Reykjavíkur er Guð-
mundur Kjartansson.
Sigurður Daði efstur
á Haustmóti TR
Daði Örn Jónsson
SKÁK
Taflfélag Reykjavíkur
HAUSTMÓT TR 2002
8.–29. september 2002
Sigurður Daði
Sigfússon
Skráðu þig í Broste klúbbinn - bergis.is
Nýr lífsstíll
NÝÚTKOMIN skýrsla Ríkisendur-
skoðunar um þátttöku skattborgara í
niðurgreiðslum almannatrygginga til
einkastofu-
reksturs sérfræði-
lækna, þar sem
tölur velta í tugum
milljóna árlegra
greiðslna til
handa einstökum
læknum, hlýtur að
vekja upp spurn-
ingar um skyn-
samlega notkun
skattpeninga, því
sjúklingar eru einnig skattgreiðend-
ur; því ætti ekki að gleyma. Á sama
tíma og hér á Íslandi skortir grunn-
þjónustu við heilbrigði sem Alþjóða-
heilbrigðismálastofnunin hefur m.a.
beint til þjóða heims að sjá til þess að
allir ættu kost á, gengur meirihluti
landsmanna sem nú hefur flutt bú-
ferlum á höfuðborgarsvæðið beint í
dýrari þjónustu sérfræðilækna sem
finnast með einkastofur í sérfræði-
greinum frá toppi til táar.
Af hverju skyldi Alþjóðaheilbrigð-
ismálastofnunin beina þessum skila-
boðum til þjóða heims, nema vegna
þess að fátækt er vaxandi vandamál í
heiminum og grunnþjónusta við heil-
brigði er ekki aðeins forvörn á þann
máta að sem flestir leiti sem fyrst í
ódýrustu þjónustuna sem er þjóð-
hagslegur sparnaður heldur einnig
spurning um að allir hafi kost á því.
Því til viðbótar ættu efnahagslega vel-
stæðar þjóðir að hafa ögn meira auk-
reitis til aðstoðar við uppbyggingu
heilbrigðis í formi þróunaraðstoðar.
Valfrelsi sjúklinga og
rándýrir sérfræðingar
Kjarkleysi stjórnmálamanna hefur
verið til staðar til þess að stýra sjálf-
virku útstreymi fjármagns í heil-
brigðiskerfinu ár eftir ár fram yfir
fjárlög.
Þær röksemdir að ekki skyldi tekið
upp tilvísanakerfi á sínum tíma á
grundvelli mótmæla sérfræðilækna
eingöngu tel ég því miður afar veiga-
lítil rök. Raunin er sú að blaðaskrifa-
herferð sérfræðinga á sínum tíma var
það sem stjórnmálamennirnir tóku
mark á.
Það getur því varla talist valfrelsi
til handa sjúklingum sem leggjast
þurfa inn á sjúkrahús að sjúkrahúsið
geti ekki keypt inn mat að borða
vegna þess að peningarnir fara allir í
að niðurgreiða svæfingar og upp-
skurði á einkastofum úti í bæ.
Einkastofum, sem ekki þurfa að
kaupa mat, og sem senda sjúklinga
heim samdægurs að lokinni tiltölu-
lega einfaldri aðgerð og svo einkenni-
lega vill til að sjúklingur getur í ein-
stökum tilvikum endað inni á
sjúkrahúsunum ef fylgikvillar gera
vart við sig.
Þá þarf að leita uppi hinn 100% of-
urstarfsmann í sérfræðingastétt, sem
einnig rekur einkastofu 8 tíma á dag
sem og sinnir fullu starfi á sjúkrahúsi
og virðist geta náð 20 til 40 milljónun-
um á ári í laun fyrir vikið þar sem al-
mannatryggingar ( skattar ) og þjón-
ustugjöld sjúklings telja þessa upp-
hæð.
Mín almenna mannlega skynsemi
sem mér var gefin fær mig ekki til
þess að samþykkja slíka aðferðafræði
og margsinnis hefi ég í störfum mín-
um fyrir Samtökin Lífsvog lagt til
breytingar í þessu efni og m.a varð-
andi lagasmíð laga um réttindi sjúk-
linga þar sem orðavalið sjúklingur á
rétt á „fullkomnustu heilbrigðisþjón-
ustu“ virtist eiga að standa eitt og sér
var tillaga okkar (e.t.v. fleiri) að þar
stæði með „sem á hverjum tíma er völ
að veita„ því heilbrigðisþjónusta veitt
af hálfu hins opinbera hlýtur á hverj-
um tíma að ráðast af því að hægt sér
að reka hana fyrir það fjármagn sem
til er að dreifa.
Gæði heilbrigðisþjónustu
Árangursmat á framkvæmd lækn-
isverk í einstökum læknisgreinum er
ekki fyrir hendi af hálfu hins opinbera
mér best vitanlega og eftirlit og að-
hald almennt alla jafna fremur slakt
enda engu kostað til og því oftar en
ekki í kjölfar mistaka eða óhappa ell-
egar kvartana sjúklinga.
Ekki hefur tekist að stofna emb-
ætti Umboðsmanns sjúklinga hér
eins og t.d. á Norðurlöndum. Lög um
réttindi sjúklinga kveða m.a. á um að
sjúklingar eigi rétt á samfelldri þjón-
ustu sem og að samstarf ríki milli
allra heilbrigðisstarfsmanna og stofn-
ana sem hana veita.
Því miður eru þetta fögur orð á
blaði því togstreita, einkum um kjara-
deilur til dæmis heimilislækna annars
vegar og sérfræðilækna hins vegar,
hefur verið öllum almenningi ljós í
lengri tíma sem líkja má saman við
sams konar deilur í skólum milli
kennara og skólastjóra sem koma
börnum ekkert við frekar en deilur
heilbrigðisstarfsmanna sjúklingum í
ríkisreknu kerfi. Von mín er sú að
stjórnmálamenn fái sér til ráðgjafar
erlenda sérfræðinga ef þörf er á til
þess að endurskipuleggja kerfið og
einfalda, þar sem byrja þarf á byrj-
unni og sjá til þess að allir landsmenn
hafi greiðan aðgang að grunnlæknis-
þjónustu, sem er forsenda alls er á
eftir kemur.
GUÐRÚN MARÍA
ÓSKARSDÓTTIR,
stjórnarmaður í Samtökunum
Lífsvog.
Réttindi sjúklinga
og heilbrigðiskerfið
Frá Guðrúnu Maríu Óskarsdóttur:
Guðrún María
Óskarsdóttir
Í MORGUNBLAÐINU hinn 19.
september birtist grein sem fjallar
um mótmæli Flugleiða við Sopranos-
þættinum þar sem íslenskar flug-
freyjur eru sýndar fáklæddar í vafa-
sömum gleðskap. Í greininni segir
meðal annars að Flugleiðir hafi sent
tilkynningu til allra helstu fjölmiðla í
Bandaríkjunum þar sem fyrirtækið
fordæmir það hvernig starfsfólki ís-
lensks flugfélags sé lýst í þættinum.
Mótmæli þessi eru án efa á hæpn-
um forsendum, vegna þess að mark-
aðsfólk Flugleiða hefur lagt sig í
líma við að markaðssetja Reykjavík
með slagorðum á borð við „One
night stand in Reykjavik...“ og
„Dirty weekend...“ Þar hafa íslensk-
ar konur verið markaðssettar sem
fallegar og auðfengnar eða með öðr-
um orðum ókeypis lúxushórur. Þeir
hafa ef til vill getað réttlætt sín háu
fargjöld með þessu móti? Það flokk-
ast því beinlínis undir hræsni að nú
þegar markaðsskilaboðin hafa skilað
sér til framleiðenda bandarískra
sápuópera, skuli Flugleiðir sjá
ástæðu til að senda út fréttatilkynn-
ingar og leiðrétta þann misskilning
sem þeir hafa eytt milljónum í að
boða í mörg misseri. Þess má geta að
nýlega gáfu Flugleiðir út tölvuleik í
auglýsingaskyni. Leikurinn gengur
út á það að Dóri sem er aðalhetjan,
safnar stigum með því að kippa bik-
inibrjóstahöldum af konum í Bláa
lóninu. Haft var eftir talsmönnum
félagsins að samskonar leikur væri
væntanlegur þar sem kvenhetja ætti
með sama hætti að kippa sundskýl-
um niður um karla í lóninu, en við
gerð þess leiks komu upp tæknilegir
örðugleikar.
Að sögn Guðjóns Arngrímssonar
upplýsingafulltrúa Flugleiða, hefur
ekki verið tekin ákvörðun um fram-
vindu Soprano-málsins, en hann tel-
ur að þetta muni tæplega skaða
hagsmuni félagsins. Enda getur það
varla verið skaðlegt þegar markaðs-
setning fyrirtækis skilar sér að lok-
um til 13,5 milljón sjónvarpsáhorf-
enda og það án endurgjalds!
EDDA JÓNSDÓTTIR,
Njálsgötu 34, Reykjavík.
Íslenskt, já, takk
Frá Eddu Jónsdóttur: