Morgunblaðið - 27.09.2002, Blaðsíða 25
LISTIR
MORGUNBLAÐIÐ FÖSTUDAGUR 27. SEPTEMBER 2002 25
LONGFELLOW Deeds er viðkunn-
anlegur eigandi pitsustaðar í smá-
bænum Mandrake Falls í New
Hampshire. Pitsustaðurinn hans
nýtur mikilla vinsælda meðal bæjar-
búa, ekki bara vegna þess að hann er
eini pitsustaðurinn í bænum heldur
einnig vegna þess að Deeds lætur
stundum fylgja með í kaupunum
heimatilbúin kveðju- og árnaðarljóð
sem fá hvern mann til að brosa út að
eyrum.
Dag einn verður heldur betur
breyting á högum Deeds þegar hon-
um er tilkynnt að hann sé einkaerf-
ingi frænda síns, milljarðamærings-
ins Prestons Blakes. Í hlut Deeds
hafa komið 40 milljarðar dollara sem
meðal annars felast í fjölmiðlaveldi,
fótboltaliði, hafnarboltaliði og forláta
þyrlu. Áður en Deeds veit af er hon-
um nú svipt úr friðsældinni í New
Hampshire inn í hringiðu stórvið-
skipta þar sem hver hælbíturinn á
fætur öðrum bíður hans á hverju
horni.
Þetta er í stuttu máli söguþráður
gamanmyndarinnar Mr. Deeds, sem
frumsýnd verður í dag, en myndin er
byggð á smásögunni The Opera Hat
eftir Clarence Budington Kelland.
Eftir þeirri sögu var gerð kvikmynd-
in Mr. Deeds Goes to Town í leik-
stjórn Franks Capra með Gary
Cooper í aðalhlutverki árið 1936. Mr.
Deeds er lauslega byggð á handriti
þeirrar myndar, en þá var handrits-
höfundurinn Robert Riskin. Hand-
ritshöfundur Mr. Deeds nú er Tim
Herlihy og í aðalhlutverkinu er
Adam Sandler.
Leikstjóri myndarinnar er Steven
Brill, sem sló eftirminnilega í gegn
árið 1992 þegar hann skrifaði handrit
myndarinnar The Mighty Ducks.
Hann leikstýrði einnig og skrifaði
handrit að Little Nicky, sem er síð-
asta mynd gamanleikarans Adams
Sandlers. Sandler er sjálfur einn af
framleiðendum Mr. Deeds, en auk
hans standa að framleiðslunni Jos-
eph M. Caracciolo, Sid Ganis og Jack
Giarraputo.
Leikarar: Adam Sandler (Punch-Drunk
Love, The Animal, Little Nicky); Winona
Ryder (Lost Souls, Girl Interrupted, Zoo-
lander); Peter Gallagher (Protection,
Perfume, Other Voices); Jared Harris
(Bullfighter, The Reckoning, Perfume);
Allen Covert (Little Nicky, The Waterboy,
Big Daddy); John Turturro (Collateral
Damage, The Man who Cried, Company
Man). Leikstjóri: Steven Brill.
Smábæjarmaður í
heim stórviðskipta
Smárabíó, Regnboginn, Laugarásbíó og
Borgarbíó á Akureyri frumsýna Mr.
Deeds með Adam Sandler, Winona Ryd-
er, Peter Gallagher, Jared Harris, Allen
Covert og John Turturro.
Mikil breyting verður skyndilega á högum Mr. Deeds (Adam Sandler).
SJÖTTI bekkjar strákurinn Max
Keeble hefur upplifað erfiða tíma.
Hann hefur þurft að þola eilífar árás-
ir frá hrekkjusvínum skólans sem
troða honum ofan í ruslafötur og
stela nestispeningunum hans. Hann
hefur líka þurft að vara sig á íssal-
anum í hverfinu sem hatar börn
meira en allt og hugsar sig ekki
tvisvar um áður en hann svíkur út úr
þeim peninga. Max hefur líka átt í
basli við skólastjórann sinn, Elliot T.
Jindraike, sem hefur látið æ meira af
fjármagni skólans í uppbyggingu
íþróttavallar og áformar nú að láta
rífa niður dýrahæli skólans.
Einn daginn fær Max þær fregnir
að hann og fjölskylda hans þurfi að
flytja í aðra borg vegna starfa föð-
urins. Max ákveður þá að nota síð-
ustu vikuna sína í skólanum til að
hefna sín á öllum þeim, sem hafa
gert honum illt. Hann fær hjálp frá
vinum sínum tveimur, Megan og
Robe, og í sameiningu gera þau mikil
hefndaráform. En á síðustu stundu
fréttir Max að faðir hans hafi hætt í
vinnunni sem gerir það að verkum að
fjölskyldan þarf ekki að flytja. Þegar
Max sér fram á að verða áfram í
skólanum þarf hann nú að hafa hrað-
ann á til að freista þess að stöðva öll
hefndaráformin. Spurningin er hvort
hann vinnur þetta kapphlaup við
tímann eða ekki.
Handrit myndarinnar skrifuðu
Jonathan Bernstein, Mark Black-
well og James Greer upp úr eigin
sögu. Að sögn framleiðanda mynd-
arinnar, Mike Karz, getur vinna með
með krökkum orðið nokkuð krefj-
andi og því reið á að finna rétta leik-
stjórann í verkið.
„Við vissum að Tim Hill var rétti
leikstjórinn enda er hann snillingur í
að fá börn í lið með sér eftir áralanga
reynslu hans af Nickelodeon,“ segir
Karz. Sjálfur segir leikstjórinn Tim
Hill að eina vandamálið við að leik-
stýra börnum sé að þegar leikstjór-
inn ætli loks að ná til þeirra séu þau
undir stjórn svo margra annarra að-
ila, sem haldi uppi boðum og bönn-
um. „Maður byrjar því ekki á að
kynna sig sem fimmta foreldrið.
Maður finnur leiðir til samskipta við
þessi börn ef maður vill draga fram
hjá þeim frábæra frammistöðu. Þau
verða jafnframt að finna fyrir því að
þau séu hluti af heildarmyndinni og
að leikur þeirra skipti sköpum.“
Leikarar: Alex D. Linz (Home Alone 3,
One Fine Day, Race to Space); Larry
Miller (Pretty Woman, The Nutty Pro-
fessor, Runaway Bride); Jamie Kennedy
(Scream, Three Kings, Bowfinger);
Zena Grey (The Bone Collector, Snow
Day, Summer Catch); Robert Carradine
(The Cowboys, Who’ll Stop the Rain, Es-
cape from L.A.). Leikstjóri: Tim Hill.
Aumingja Max Keeble hefur upplifað erfiða tíma á stuttri ævi.
Hefnd gegn
hrekkjusvínum
Sambíóin Álfabakka, Kringlunni, Kefla-
vík og á Akureyri frumsýna Max
Keeble’s Big Move með Alex D. Linz,
Larry Miller, Jamie Kennedy, Zena Grey,
Josh Peck og Robert Carradine.
RITLISTARHÓPUR Kópavogs er
nú að hefja sitt árlega vetrarstarf og
verður fyrsti upplesturinn á morgun,
laugardag, kl. 15. Helga Sigurjóns-
dóttir og Pétur Sveinsson lesa upp
úr nýrri bók Helgu um mannlíf og
sögu í Kópavogi. Þetta er sjöunda ár-
ið sem Ritlistarhópurinn býður til
upplestrar. Oftast er um að ræða
upplestur á ljóðum en einnig er lesið
upp úr öðrum bókum. Má þar nefna
smásögur, ferðasögur og ævisögur.
Í vetur verður upplestur á vegum
hópsins sem fyrr í kaffistofu Lista-
safns Kópavogs, Gerðarsafns, síð-
asta laugardag hvers mánaðar kl. 15.
Ritlistarhópur Kópavogs hefur
gefið út þrjár ljóðabækur: Gluggi
útg. 1996, LjósMál, sem var sam-
vinnuverkefni við ljósmyndara úr
Kópavogi, útgefin 1997 og loks Sköp-
un sem kom út 2001.
Lesið úr
nýrri bók