Morgunblaðið - 09.10.2002, Síða 14
AKUREYRI
14 MIÐVIKUDAGUR 9. OKTÓBER 2002 MORGUNBLAÐIÐ
HEIMAHLYNNINGU á Akureyri
voru færðar rúmlega 5 milljónir
króna að gjöf á sunnudaginn,
þegar haldið var upp á 10 ára af-
mæli starfseminnar. Gjöfin er frá
Laufeyju Pálmadóttur, sem nú er
látin, en hún arfleiddi Heima-
hlynningu að andvirði íbúðar
sinnar.
Það var systir Laufeyjar,
María, sem afhenti Friðriki E.
Yngvasyni lækni og Elísabetu
Hjörleifsdóttur hjúkrunarfræð-
ingi gjöfina en þau sitja í stjórn
minningarsjóðs Heimahlynningar.
Gjöfin er skilyrt; þetta er
fyrsta framlag til uppbyggingar
líknardeildar við FSA en í afmæl-
issamsæti í húsnæði Verkmennta-
skólans á sunnudaginn lögðu að-
standendur starfseminnar áherslu
á að bráðnauðsynlegt væri að
koma slíkri deild á fót á Ak-
ureyri.
„Nú verðum við sem vonumst
til að svona deild verði að veru-
leika að taka höndum saman og
halda áfram að safna,“ sagði El-
ísabet í samtali við Morgunblaðið.
Líknardeild er við Landspít-
alann, til húsa í Kópavogi. Hún
var sett á laggirnar eftir lands-
söfnun Oddfellowa 1999, þar sem
söfnuðust um 30 milljónir króna.
Deildin í Kópavogi er ætluð
landsmönnum öllum en þjónar
ekki öðrum en íbúum suðvest-
urhornsins, segir Elísabet. „Fólk
fer ekki að eyða síðustu vikunum
langt í burtu frá fjölskyldunni;
það segir sig sjálft að fólk fer
ekki fárveikt inn á deild hinum
megin á landinu til að fá meðferð
sem það getur fengið hér heima.“
Arfleiddi Heimahlynningu
að rúmum 5 milljónum
Morgunblaðið/Skapti Hallgrímsson
María Pálmadóttir, sem afhenti Heimahlynningu rúmar 5 milljónir
króna að gjöf frá systur sinni, Laufeyju, sem nú er látin, ásamt Elísabetu
Hjörleifsdóttur hjúkrunarfræðingi og Friðriki E. Yngvasyni lækni.
SAMNINGUR sem þeir Halldór
Jónsson forstjóri Fjórðungssjúkra-
hússins á Akureyri og Þorsteinn
Gunnarsson rektor Háskólans á Ak-
ureyri hafa undirritað um samstarf
milli stofnana miðar að því að FSA
verði háskólasjúkrahús fyrir háskól-
ann. „Þetta verður framkvæmt með
því að stórauka samstarf þessara
stofnana um rannsóknir og kennslu,“
sagði Þorsteinn Gunnarsson.
Komið verður á fót rannsókna-
stofnun innan heilbrigðisdeildar há-
skólans, Heilbrigðisvísindastofnun
Háskólans á Akureyri, en hún mun
hafa það meginhlutverk að vera sam-
eiginlegur vettvangur rannsókna í
heilbrigðisvísindum fyrir starfs-
menn FSA og HA. Einnig er henni
ætlað að bæta umhverfi fyrir rann-
sóknanám við heilbrigðisdeild HA.
Hin nýja stofnun getur einnig verið
vettvangur rannsókna vísindamanna
sem starfa utan FSA og háskólans.
Er að því stefnt að ákveðnum stöð-
um við FSA fylgi staða við Heilbrigð-
isvísindastofnun HA. Starfsmenn
FSA sem uppfylla hæfisskilyrði um
stöðu háskólakennara geta sótt um
stöðu við stofnunina.
Menntun sem mest er þörf fyrir
í dreifbýli hefur forgang
Þorsteinn sagði að nýjar námsleið-
ir í heilbrigðisvísindum við HA yrðu
þróaðar í kjölfar samningsins. Í sam-
ræmi við yfirlýsta stefnu háskólans
mun menntun heilbrigðisstarfsfólks
í þeim greinum sem mest er þörf á í
dreifbýli hafa forgang. FSA verður
bakhjarl háskólans í uppbyggingu
framhaldsnáms við heilbrigðisdeild
og mun háskólinn taka mið af þörf-
um þjónustusvæðis FSA fyrir sér-
þekkingu hverju sinni. „Í fyrsta
áfanga skal stefnt að námi tengdu
líknandi meðferð, krabbameinsmeð-
ferð, öldrun og ljósmóðurfræðum,“
sagði Þorsteinn.
Halldór sagði að með samningnum
kæmi fram staðfastur vilji aðila til
víðtækara samstarfs en áður. Sú
staðfesting að FSA verði háskóla-
sjúkrahús fyrir HA undirstrikaði
enn fremur sterka stöðu sjúkrahúss-
ins. Þá kæmust mörg samstarfsverk-
efni í ákveðnari farveg en áður. „Nú
er það í okkar höndum að samstarfið
verði farsælt,“ sagði Halldór.
Tómas Ingi Olrich menntamála-
ráðherra og Jón Kristjánsson heil-
brigðisráðherra voru viðstaddir und-
irritun samningsins og kom fram í
máli þeirra að í honum fælist mikill
styrkur fyrir báðar stofnanir auk
þess sem hann væri til þess fallinn að
efla heilbrigðisþjónustu á lands-
byggðinni. „Þetta er þýðingarmikill
samningur og gríðarlega mikilvægur
fyrir alla heilbrigðisþjónustu á
landsbyggðinni, “ sagði heilbrigðis-
ráðherra.
FSA verður háskólasjúkrahús fyrir Háskólann á Akureyri
Heilbrigðis-
vísindastofn-
un komið á fót
Morgunblaðið/Kristján
Frá undirritun samnings milli FSA og háskólans, f.v. Tómas Ingi Olrich
menntamálaráðherra, Þorsteinn Gunnarsson, rektor HA, Halldór Jóns-
son, forstjóri FSA, og Jón Kristjánsson heilbrigðisráðherra.
FJÓRIR aðilar skiluðu inn fullgild-
um tillögum í samkeppni um við-
byggingu og endurbætur á Brekku-
skóla á Akureyri og ákvað dómnefnd
að tillaga arkitektur.is yrði fyrir val-
inu. Í umsögn dómnefndar segir
meðal annars um tillöguna: „Vel
hugsuð og vel unnin tillaga, miðju-
rými og aðkoma góð. Þungamiðja
skólans mjög vel leyst með nýju
sameiginlegu rými s.s. sal, bóka-
safni, eldhúsi o.fl. og getur nýst sem
hverfismiðstöð utan skólatíma.
Frumleg hugmynd að breytingu á
eldra húsnæði, sem aðlagar það að
nútíma skólastarfi.“
Dómnefndina skipuðu Sigurður
Björgúlfsson, Heba Hertervig,
Gunnar Gíslason, Ásgeir Magnús-
son, Guðríður Friðriksdóttir, Guð-
rún Sigurðardóttir ritari og Samúel
Örn Erlingsson trúnaðarmaður.
Föstudaginn 11. október kl. 13.10
verður opnuð sýning á tillögunum
sem bárust í samkeppnina. Sýningin
verður í sal Brekkuskóla, efra húsi,
og stendur í eina viku.
Tillaga
arkitekt-
ur.is valin
Viðbygging og endur-
bætur á Brekkuskóla
TEIGUR var valinn snyrtilegasta
býlið í Eyjafjarðarsveit árið 2002 en
Umhverfisnefnd Eyjafjarðarsveitar
hefur efnt til slíkrar útnefningar
nokkur síðustu ár. Ábúendur að
Teigi eru Þorgerður K. Jónsdóttir og
Stefán Þórðarson.
Laugarholt og Knarrarberg hlutu
viðurkenningu fyrir snyrtimennsku
og fallegt umhverfi. Ábúendur á
Laugarholti eru Guðrún Finnsdóttir
og Aðalbjörn Tryggvason en á
Knarrarbergi þau Elísabet Gerður
Guðmundsdóttir og Bjarni Krist-
jánsson. Þá hlutu þeir Ármann,
Bjarki og Helgi Skjaldarsynir viður-
kenningu nefndarinnar fyrir snyrti-
legt eyðibýli, Kolgrímastaði, sem
þeir hafa haft umsjón með. Loks
veitti umhverfisnefnd viðurkenningu
fyrir gott framtak og snyrtimennsku
og féll hún í skaut þeim Ragnheiði
Hreiðarsdóttur og Benedikt Grét-
arssyni í Jólagarðinum.
Viðurkenningar voru veittar í Ís-
landsbænum og fengu ábúendur á
Teigi þar skjöld til eignar sem festa
má á heimreið.
Teigur snyrtileg-
asta býlið í ár
Morgunblaðið/Benjamín Baldursson
Ingvi Stefánsson t.v. og Selma Dröfn Brynjarsdóttir tóku við viðurkenn-
ingunni fyrir hönd ábúenda á Teigi en með þeim á myndinni er Sigmund-
ur Guðmundsson, varaformaður umhverfisnefndar Eyjafjarðarsveitar.
Eyjafjarðarsveit
RÚMLEGA tvítugur karlmaður hef-
ur í Héraðsdómi Norðurlands eystra
verið dæmdur í 25 þúsund króna sekt
fyrir fíkniefnalagabrot. Maðurinn var
ákærður fyrir að hafa í fórum sínum 1
gramm af hassi á veitingastaðnum
Góða dátanum á Akureyri fyrir réttu
ári, er lögreglan handtók hann.
Maðurinn mætti ekki við þingfest-
ingu málsins í síðasta mánuði en hann
hafði áður játað brot sitt við skýrslu-
töku hjá lögreglu eftir handtökuna í
fyrra og var rannsókn málsins þar
með lokið. Með broti sínu rauf mað-
urinn skilorð vegna annars dóms.
Skilorðsdómur hans var þó ekki tek-
inn upp en honum þess í stað dæmd
sektarrefsing, auk þess sem hassið
var gert upptækt.
Fjársekt fyrir
fíkniefnabrot
♦ ♦ ♦
Með vísan til 25. og 26. greina skipulags- og byggingarlaga nr.
73/1997 m.s.b. auglýsir Akureyrarbær hér með tillögu að deili-
skipulagi lóðar Náttúrulækningafélags Íslands við Kjarnaskóg,
þar sem byggingin Kjarnalundur stendur.
Að hluta til er um að ræða breytingu á deiliskipulagi fyrir orlofs-
húsabyggð, sem samþykkt var í Bæjarstjórn 19. október 1993.
Tillagan sýnir m.a. byggingarreiti fyrir hugsanlega stækkun
Kjarnalundar til suðurs, norðurs og austurs skv. upphaflegum
hugmyndum hönnuða hússins. Norðan Kjarnalundar er sýndur
stakur byggingarreitur fyrir félagsheimili á einni hæð, í stað
fjögurra minni húsa sem þar áttu að koma skv. gildandi deili-
skipulagi orlofshúsasvæðis. Þá er í samræmi við gildandi samn-
inga gert ráð fyrir kvöð um umferðarrétt yfir lóðina vegna að-
komu að orlofshúsabyggð norðan hennar.
Tillöguuppdráttur með greinargerð mun liggja frammi í þjón-
ustuanddyri Akureyrarbæjar, Geislagötu 9, 1. hæð, næstu 6 vik-
ur frá birtingu þessarar auglýsingar, þ.e. til miðvikudagsins 20.
nóvember 2002, svo að þeir sem þess óska geti kynnt sér tillög-
una og gert við hana athugasemdir. Tillagan er einnig birt á
heimasíðu Akureyrarbæjar: http://www.akureyri.is undir: Aug-
lýsingar og umsóknir/Skipulagstillögur.
Frestur til að gera athugasemdir við tillöguna rennur út kl. 16.00
miðvikudaginn 20. nóvember 2002 og skal athugasemdum skil-
að til Umhverfisdeildar Akureyrarbæjar, Geislagötu 9, 3. hæð.
Hver sá, sem ekki gerir athugasemdir við auglýsta tillögu innan
þessa frests, telst vera henni samþykkur.
Skipulags- og byggingarfulltrúi Akureyrarbæjar.
Akureyrarbær auglýsir:
Kjarnalundur,
deiliskipulag lóðar