Morgunblaðið - 09.10.2002, Side 39
FRÉTTIR
MORGUNBLAÐIÐ MIÐVIKUDAGUR 9. OKTÓBER 2002 39
ALVEG hreint mögnuð skot hafa
verið í nokkrum sjóbirtingsám að
undanförnu, sérstaklega má nefna
Tungufljót og Geirlandsá. Þá hafa
mjög stórir sjóbirtingar verið áber-
andi, sérstaklega í Tungufljóti og
veiddist t.d. einn sem var vigtaður
16 pund slægður. Aldrei verður vit-
að hversu þungur fiskurinn var með
öllu, en um hrygnu var að ræða og
því ekki ólíklegt að tala á bilinu 18 til
20 pund eigi við.
Óstöðugt veðurfar á Suðurlandi er
á bak við skotin, árnar hafa hvað eft-
ir annað oltið upp í gruggugu flóð-
vatni þannig að illveiðandi hefur
verið. Þær hafa síðan verið jafnfljót-
ar að sjatna og þegar þær hafa hrað-
minnkað hafa skapast veiðiskilyrði
sem alla veiðimenn dreymir um.
Hins vegar þarf talsverðan fisk til að
það veiðist og ekki er spurning að
allnokkuð er af birtingi á Skaftár/
Kúðafljótssvæðinu þótt fyrri hluti
vertíðarinnar hafi verið á rólegu nót-
unum.
Stórhvelin í Tungufljóti
Í holli sem var seinni hluta síðustu
viku í Tungufljóti fékkst á eina
stöngina 7 birtingar á einum degi
sem voru allir á bilinu 8 til 15 pund.
Á aðra stöng komu t.d. 8 fiskar, en
ögn lægri meðalþungi. Hollið sem
var frá föstudegi til sunnudags lenti
í veislu, landaði 28 birtingum og
voru margir stórir, eða á bilinu 8 til
16 pund, og hópur sem tók við á
sunnudeginum var kominn með 16
fiska, marga á bilinu 8 til 15 pund,
eftir tvær fyrstu vaktirnar. Allir
hóparnir lentu í því að hálfu og heilu
dagarnir voru illveiðandi vegna
vatnavaxta, 28 fiska hollið missti
þannig allan heila daginn sinn. Auk
þess að veiða marga boltafiska, voru
tvö síðustu hollin einnig með vax-
andi fjölda af björtum smærri fiski,
3 til 5 punda.
Líka í Geirlandsá
Gunnar Óskarsson formaður SVK
sagði nokkur góð skot hafa verið í
Geirlandsá að undanförnu, eitt hollið
var t.d. með 22 fiska og gat þó ekk-
ert veitt á heila deginum. Næsta holl
á eftir var með 9 fiska á land og
missti marga, en stór hluti veiðitím-
ans fór þar einnig fyrir lítið. Ekki er
jafnmikið af tröllum í Geirlandsá og
Tungufljóti, en nokkrir mjög vænir
þó og hafa veiðst bæði 15 og 16
punda fiskar.
Fleiri sjóbirtingstíðindi
Það hefur líka glæðst í Fitjaflóði
og að sögn Gunnars var t.d. holl fyr-
ir skömmu sem fékk rúmlega 40
fiska, mest 2 til 4 punda geldfiska.
Í Fossálum hefur verið „alveg
þokkalegur reytingur“ að undan-
förnu eins og Gunnar komst að orði,
holl að fá 5 til 8 fiska á tveimur dög-
um. Stórir þar í bland, m.a. einn 12
punda sem veiddist á flugu í hyl
númer 8 fyrir skömmu.
Þá hefur Jónskvíslin verið að gefa
prýðilega að undanförnu, tveggja
daga holl hafa verið t.d. með 7, 10 og
upp í 15 fiska. Þar er fiskurinn all-
vænn, en þó ekki stærri en 8–9
punda þeir stærstu. Tvær stangir
eru í Jónskvísl.
ERU
ÞEIR AÐ
FÁ’ANN?
Morgunblaðið/Einar Falur
Frá Tungufljóti, Bjarnarfoss, Klapparhylur og Breiðafor.
Mögnuð
skot fyrir
austan
MARÍA Lovísa Ragnarsdóttir held-
ur upp á það um þessar mundir að
hún hefur hannað og framleitt föt
undir eigin nafni í tuttugu ár.
María Lovísa lauk prófi frá
Margareta skolen í Kaupmanna-
höfn árið 1979 og var með þeim
fyrstu sem luku prófi í fatahönnun
og þremur árum síðar, árið 1982,
opnaði hún fyrstu verslunina sem
hún nefndi Maríurnar. María
Lovísa hefur starfað sem sjálf-
stæður fatahönnuður allar götur
síðan. Síðustu átta árin hefur hönn-
unarstofan og verslunin verið á
Skólavörðustíg 3A.
María hefur haldið margar tísku-
sýningar gegnum árin, bæði hér
heima og erlendis.
Í tilefni af þessum tímamótum
hefur María Lovísa hannað nýja
fatalínu sem hún kynnir í verslun
sinni.
„Það sem gerir mína verslun sér-
staka er að ég hanna föt fyrir allar
konur, litlar og stórar, ungar sem
eldri. Konan getur komið til mín
með ákveðnar hugmyndir og sér-
þarfir og ég hanna og sauma fyrir
hana föt við hennar hæfi. Jafnframt
þessari þjónustu er ég með tilbúinn
fatnað í versluninni,“ segir María
Lovísa.
Tískuhönn-
uður í 20 ár
FÉLAGSSTARF kvennadeildar
Reykjavíkurdeildar Rauða kross Ís-
lands hefst með haustfundi fimmtu-
daginn 10. október kl. 19 í sal
Ferðafélagsins, Mörkinni 6.
Ýmislegt er framundan í starfi
vetrarins, basar með föndurvörum
og kökum verður 17. nóvember í
húsi RKÍ í Efstaleiti og jólafundur
verður 5. desember í Víkingasal
Hótels Loftleiða. Fleiri fundir
verða haldnir í vetur og er gert ráð
fyrir skyndihjálparnámskeiði fyrir
starfandi sjúkravini. Föndurvinna
er á hverjum miðvikudegi kl. 13 í
Fákafeni 11 og eru allir velkomnir.
Sumarferð verður farin í lok júní,
segir í fréttatilkynningu.
Kvennadeild Reykjavíkurdeildar Rauða kross Íslands
Vetrarstarfið að hefjast
STJÓRN Landssambands stanga-
veiðifélaga hefur sent frá sér eftir-
farandi ályktun:
„Stjórn Landssambands stanga-
veiðifélaga ítrekar varnaðarorð sín
vegna hættunnar sem stafar af sjó-
kvíaeldi á norskum laxi við Íslands
strendur.
Til stendur að yfirvöld veiti fisk-
eldisfyrirtækinu Sæsilfri í Mjóafirði
formlega áminningu fyrir brot á
ákvæðum starfsleyfis síns, þegar
það með ólögmætum hætti urðaði
lax sem drepist hafði í sjókvíum í
slæmu veðri. En yfirvöld verða að
gera fleira. Brot Sæsilfurs staðfestir
að opinbert eftirlit með starfsemi
sjókvíaeldis hér við land verður að
vera mun strangara en verið hefur.
Fjölmiðlar en ekki fiskeldisfyrir-
tækið sjálft vöktu athygli opinberra
eftirlitsaðila á því að lax hefði drepist
og verið urðaður í heimildarleysi.
Sæsilfur braut ekki aðeins reglur
starfsleyfisins, það misnotaði sér
einnig traust stjórnvalda sem gáfu
því leyfi til rekstrarins þrátt fyrir
áköf mótmæli málsmetandi manna,
félaga og stofnana sem vilja vernda
íslenska laxinn. Stjórnvöld þurfa í
ljósi þessa atburðar að endurskoða
þetta traust. Framferði fyrirtækis-
ins sýnir að LS hafði fulla ástæðu til
að vara við sjókvíaeldinu fyrirfram.
Sjóeldi á norskum laxi hér við land
berst í bökkum. Samkeppni er hörð,
markaðssetning fjárfrek og vísbend-
ingar eru um að vaxtarhraði laxins
sé minni hér en hjá helstu keppi-
nautunum úti í heimi. Stjórn LS ótt-
ast að í slíku rekstrarumhverfi sé
freistandi að fara á svig við reglurn-
ar, t.a.m. um tilkynningar til stjórn-
valda, ef þær geta falið í sér aukinn
kostnað fyrir fiskeldið. Stjórn LS
vonast því til að þessar tilraunir
verði gefnar upp á bátinn sem fyrst
og áður en verður stórslys sem vald-
ið getur úrkynjun í íslenska laxa-
stofninum.“
Eftirlit með
sjókvíaeldi
verði
strangara
FÉLAG nýrnasjúkra heldur
fræðslufund fimmtudaginn 10. októ-
ber kl. 19.30 í kaffiteríunni Hátúni 10
b, 1. hæð.
Fyrirlesari verður Vilborg G.
Guðnadóttir, geðhjúkrunarfræðing-
ur og kennari. Mælst er til að fund-
armenn komi með skriffæri. Kaffi-
veitingar verða á fundinum.
Félag nýrna-
sjúkra fundar
RÁÐGERT er að halda heilsudaga
vikuna 27. október til 3. nóvember í
Heilsustofnun NLFÍ. Á námskeið-
unum er fólki hjálpað til að koma í
veg fyrir og losna við streitu, með
slökun, hvíld, fræðslu, hreyfingu og
góðu fæði. Fjöldi þátttakenda er tak-
markaður. Innritun stendur yfir í
Heilsustofnun, netfang: beidni-
@hnlfi.is, segir í fréttatilkynningu.
Heilsudagar
hjá NLFÍ
RANNSÓKNASTOFA í kvenna-
fræðum stendur fyrir rabbfundi í
stofu 101 í Lögbergi fimmtudaginn
10. október kl. 12 – 13.
Þar mun Auður Magnúsdóttir
sagnfræðingur flytja erindið „Konur
og kinnhestar. Ofbeldi og kynhlut-
verk á Íslandi á miðöldum“. Auður
tengir efnið kenningum Thomas
Laqueur um einkynskerfi miðalda
og heldur því fram að sýn okkar á
hlutverk og stöðu miðaldakvenna
stjórnist um of af okkar eigin hug-
myndum um einkenni karl- og kven-
kyns, segir í fréttatilkynningu.
Ræðir um konur
og kinnhesta
RÁÐSTEFNA verður haldin í Bol-
ungarvík um óhefðbundnar aðferðir
til að viðhalda og efla andlega og lík-
amlega heilsu föstudaginn 11. og
laugardaginn 12. október. Dagskrá
föstudagsins verður í Íþróttamið-
stöðinni Árbæ kl. 19.30–21 og laug-
ardaginn kl. 9.45–16 í Félagsheimili
Bolungarvíkur.
Elías Jónatansson setur ráðstefn-
una. Erindi halda m.a.: Ragnheiður
Steindórsdóttir leikkona, Erla Ólafs-
dóttir sjúkraþjálfari, Sigurveig
Gunnarsdóttir sjúkraþjálfari, Hafdís
Árnadóttir, Guðný Helgadóttir, Ein-
ar Ársæll Hrafnsson jógakennari,
Lilja Steingrímsdóttir hjúkrunar-
fræðingur og Margrét Hákonardótt-
ir hjúkrunarfræðingur.
Ráðstefnan hefst kl. 19. 30 á föstu-
dag og kl. 9.45 á laugardag og er öll-
um opin.
Ráðstefna
um heilsu í
Bolungarvík
HEKLA hf., umboðsaðili Volkswag-
en, fagnar um þessar mundir 50 ára
afmæli Volkswagen á Íslandi. Af því
tilefni er haldin VW-örsögusam-
keppni þar sem þátttakendur geta
rifjað upp og sent inn Volkswagen-
sögu og unnið til verðlauna.
Sögurnar mega ekki vera lengri
en 500 orð og er skilafrestur til 15.
október nk. Sögurnar á að senda á
netfangið saga@volkswagen.is eða í
pósti til Heklu, Laugavegi 170–174,
105 Reykjavík, merkt „VW-sögur“.
Bestu sögurnar verða valdar af
dómnefnd og kynntar hjá Heklu hf. í
tengslum við 50 ára afmælið.
Samkeppni um
Volkswagen-
sögur
UNGLINGADEILD Björgunar-
sveitarinnar Ársæls heldur fund í
dag, miðvikudaginn 9. október, kl.
20 í björgunarmiðstöðinni Bakka-
vör, Suðurströnd 7, Seltjarnarnesi.
Þar verður unglingadeildarstarfið
kynnt ásamt því að tæki og bún-
aður björgunarsveitainnar verður
til sýnis.
Unglingadeildarstarf er fyrir alla
krakka á aldrinum 15–17 ára.
Deildin sækir meðal annars nám-
skeið í ferðamennsku, rötun og
kortalestri, fyrstu hjálp, meðferð og
notkun slöngubáta, einnig er farið í
ferðalög. Unglingarnir fá að prófa
og kynnast bjargsigi, ísklifri, köfun
og fleiru. Allt starfið fer fram undir
umsjón björgunarsveitarmanna og
-kvenna, segir í fréttatilkynningu.
Nánari upplýsingar eru á heima-
síðu sveitarinnar, www.bjorgunar-
sveit.is.
Kynna ung-
lingastarf
björgunar-
sveitar
Seltjarnarnes
NÁMSKEIÐ fyrir aðstandendur
geðsjúkra eru að hefjast á vegum
Námskeið fyrir
aðstandendur
geðsjúkra
geðsviðs Landspítala – háskóla-
sjúkrahúss. Á fyrra námskeiðinu,
sem hefst 10. október, verður sjón-
um beint að þunglyndi, en á hinu síð-
ara, sem hefst 7. nóvember, að geð-
klofa.
Þverfaglegt teymi mun ræða um
hvernig stuðla megi að bættri líðan
geðsjúkra og aðstandenda þeirra.
Góður tími gefst til umræðna og fyr-
irspurna.
Námskeiðin verða haldin í sam-
komusal í húsi iðjuþjálfunar á Kleppi
á fimmtudagskvöldum kl. 20.00–
22.00. Námskeiðin standa í fjórar
vikur og eru þátttakendum að kostn-
aðarlausu. Skráning á námskeiðin
fer fram á netfanginu soleydd-
@landspitali.is. Unnt er að skrá sig
nú þegar.
Leiðbeinendur eru: Björg Karls-
dóttir félagsráðgjafi, Fanney B.
Karlsdóttir iðjuþjálfi, Guðfinnur P.
Sigurfinnsson geðlæknir og Sóley D.
Davíðsdóttir sálfræðingur.
Konur hafa áður teflt
Ranglega var greint frá því í
Morgunblaðinu á sunnudag að Reg-
ina Pokorna sem tefldi fyrir Hrókinn
hafi verið fyrst kvenna til að tefla í 1.
deild. Það er fjarri sanni því a.m.k.
þrjár konur hafa teflt í 1. deild. Í
fyrra tefldu t.d. bæði Lenka Ptacn-
ikova, eiginkona Helga Áss Grétars-
sonar og systir hans, Guðfríður Lilja
Grétarsdóttir, með Hellinum í 1.
deild.
LEIÐRÉTT