Morgunblaðið - 28.02.2004, Page 11

FRÉTTIR
MORGUNBLAÐIÐ LAUGARDAGUR 28. FEBRÚAR 2004 11
Í SKÝRSLU fráveitunefndar um-
hverfisráðuneytisins frá síðasta ári
kemur fram að um 20% sveitarfé-
laga í landinu höfðu skilað inn heild-
aráætlunum til nefndarinnar í frá-
rennslismálum og unnu að lausnum í
samræmi við það. Hin 80% eru varla
byrjuð á neinum framkvæmdum,
eins og fram kom í frásögn blaðsins í
gær af skýrslu Umhverfisstofnunar.
Fráveitunefndin skipti sveitar-
félögunum upp í þrjá flokka og í
fyrsta flokki lentu 25 sveitarfélög af
122, þ.e. þau 20% sem eitthvað voru
farin að gera í fráveitumálum sínum.
Nú eru þessi sveitarfélög 24 með
sameiningu Kirkjubólshrepps við
Hólmavíkurhrepp. Hin eru Reykja-
vík, Kópavogur, Seltjarnarnes,
Garðabær, Hafnarfjörður, Bessa-
staðahreppur, Sandgerði, Borgar-
byggð, Kolbeinsstaðahreppur,
Helgafellssveit, Eyja- og Mikla-
holtshreppur, Kaldrananeshreppur,
Blönduós, Akureyri, Svalbarðs-
strandarhreppur, Grýtubakka-
hreppur, Bárðdælahreppur, sem nú
tilheyrir Þingeyjarsveit eftir sam-
einingu nokkurra hreppa í S-Þing-
eyjarsýslu, Skeggjastaðahreppur,
Norður-Hérað, Vestmannaeyjar,
Hvolhreppur, sem nú tilheyrir
Rangárþingi eystra, Rangárvalla-
hreppur, sem tilheyrir nú Rangár-
þingi ytra, og Hveragerði.
Mikill kostnaður
Í annan flokk lentu sveitarfélög í
þéttbýli sem ekki höfðu gert ráðstaf-
anir, höfðu viðkvæma viðtaka eða
aðrar aðstæður sem ollu kostnaðar-
sömum lausnum á fráveitum. Í
þennan flokk lentu 47 sveitarfélög.
Í þriðja flokki voru 50 sveitar-
félög, allt minni hreppar í dreifbýli,
sem höfðu ekki skilað heildaráætl-
unum í fráveitumálum.
Fimmtungur
sveitarfélaga
hefur skilað
inn áætlun
Frárennslismál
NÝJAR dyr opnast að Neskirkju í Reykjavík
þegar nýtt safnaðarheimili verður formlega af-
hent 1. júlí í sumar. Þar verður opið allan daginn
og segir sr. Örn Bárður Jónsson húsið hugsað
sem opið torg fyrir sóknarbörn og aðra gesti það-
an sem hægt verður að nálgast þjónustu og starf-
semi sem kirkjan hlúir að. „Við viljum að Nes-
kirkja sé þátttakandi í daglegu lífi borgaranna.“
Eftir guðsþjónustu á morgun verður kirkju-
gestum boðið í reisugildi í safnaðarheimilinu og
gefst þeim þá tækifæri til að skoða bygginguna
og þiggja veitingar. Sr. Jón Dalbú Hróbjartsson
prófastur mun þjóna fyrir altari við upphaf
messu og setja sr. Örn Bárð í embætti sókn-
arprests. Hefur hann gegnt stöðu prests við
sóknina frá árinu 1999. Fráfarandi sókn-
arprestur, séra Frank M. Halldórsson, og Hanna
Johannessen, varaformaður sóknarnefndar, að-
stoða við útdeilingu altarissakramentis. Ritning-
arlestra annast formaður sóknarnefndar, dr.
Guðmundur Magnússon. Það mun því fara saman
í Neskirkju á morgun, að opna dyr nýja safn-
aðarheimilisins fyrir sóknarbörnum um leið og
nýr sóknarprestur verður settur í embætti.
Lifandi vettvangur
Sr. Örn Bárður segir safnaðarheimilið opna
nýjar leiðir fyrir söfnuðinn og verði lifandi vett-
vangur fyrir félagsstarf yfir daginn. Þarna verð-
ur kaffihús með léttum veitingum, hægt verður
að vafra um vefinn eða kíkja í blöð og tímarit.
Örn Bárður segir þetta vera tilvalinn áfangastað
fyrir fólk í Vesturbænum til að setjast niður við
ýmis tilefni án þess að þurfa að leita niður í
miðbæ Reykjavíkur. Þarna verður líka bókasafn
með andlegu og uppbyggilegu efni og hægt verð-
ur að kaupa bækur um sama efni. Safnaðarheim-
ilið er tengt kirkjuskipinu sem verður opið gest-
um. Fólk getur þá gengið inn í kirkjuna, átt
kyrrðarstund til íhugunar og uppbyggingar. Örn
Bárður segir að fjölbreyttur hópur fólks sækist
eftir ólíkum hlutum og nýja heimilið geti hýst
ýmsa starfsemi sem tengist kirkjunni. Þar sé
hægt að standa fyrir menningarviðburðum, tón-
listaratriðum, leiklestri og innsetningu lista-
manna. Hann nefnir sem dæmi að í vetur hafa
verið haldnir áhugaverðir fundir í hádeginu í
kirkjunni. Fluttur hefur verið stuttur fyrirlestur,
gestir fá sér súpu og brauð og taka þátt í um-
ræðum á eftir.
Guðmundur Magnússon og Hanna Johann-
essen segja hugmyndina um nýtt safnaðarheimili
hafa verið lengi til umræðu. Guðmundur segir
búið að fjármagna bygginguna að stærstum hluta
og því sé sóknin ekki að reisa sér hurðarás um
öxl. Þau þurfi ekki að reiða sig á útleigu til að
standa undir þessum kostnaði. Hanna segir
kirkjuna friðaða hið ytra en Neskirkja er fyrsta
kirkja landsins sem byggð er samkvæmt nútíma
arkitektúr.
Morgunblaðið/Árni Sæberg
Guðmundur Magnússon, Hanna Johannessen, sr. Örn Bárður Jónsson og Hjálmar Ingvarsson, verkefnisstjóri JB Byggingafélags, í nýju safnaðarheimili.
Reisugildi í nýju safnaðarheimili Neskirkju verður á morgun
Opið torg fyrir sóknarbörn
Bygging nýja safnaðarheimilisins fellur vel að kirkjunni, sem er friðuð hið ytra.
FORSETI Íslands, Ólafur Ragnar Grímsson,
opnar tvær ljósmyndasýningar í Listasafni
Kópavogs, Gerðarsafni kl. 20 í kvöld.
Önnur er hin árlega ljósmyndasýning Blaða-
ljósmyndarafélags Íslands, Mynd ársins 2003.
Sýningin er nú haldin í níunda sinn í Gerð-
arsafni og tóku að þessu sinni 30 ljósmyndarar
þátt í forvali til sýningarinnar. Alls voru 915
verk send inn og af þeim valdi dómnefnd rúm-
lega hundrað og áttatíu myndir á sýninguna.
Samkvæmt venju verða veitt verðlaun fyrir
Mynd ársins 2003. Einnig verða bestu myndir í
níu mismunandi flokkum verðlaunaðar, þeirra
á meðal fréttamyndir, portrettmyndir, íþrótta-
myndir, opinn flokkur og myndraðir.
Gestasýning á neðri hæð
Undanfarin ár hefur skapast sú hefð að
gestasýning sé á neðri hæð safnsins í tengslum
við sýningu Blaðaljósmyndarafélagsins. Að
þessu sinni eru það ljósmyndir Magnúsar Ólafs-
sonar úr eigu Ljósmyndasafns Reykjavíkur.
Magnús er einn af frumherjum ljósmyndunar á
Íslandi. Verk hans hafa ómetanlegt heim-
ildagildi, ekki síst fyrir sögu Reykjavíkur sem
vaxandi borgarsamfélags á fyrri helmingi 20.
aldar.
Sýningarnar standa til 21. mars 2004.
Um eitt hundrað ljósmyndir keppa í Gerðarsafni
Morgunblaðið/Jim Smart
Birgir Snæbjörn Birgisson vinnur við upphengingu í Gerðarsafni.
BÆJARRÁÐ Mosfellsbæjar
fjallaði á fundi sínum á
fimmtudag um þjóðlendukröf-
ur ríkisins á Suðvesturlandi.
Samþykkt var að fela Ragn-
heiði Ríkharðsdóttur bæjar-
stjóra að fylgja málinu eftir af
hálfu Mosfellsbæjar, en meðal
þess lands sem ríkið gerir til-
kall til er stór hluti Mosfells-
heiðar.
Eins og fram kom í Morg-
unblaðinu í gær seldi ríkið
kirkjujörðina Mosfell fyrir um
70 árum, og þar með hluta af
Mosfellsheiðinni, til Mosfells-
hrepps, nú Mosfellsbæjar.
Gerir ríkið nú tilkall til þessa
lands á ný. Hefur Guðjón S.
Jensson bókasafnsfræðingur
grandskoðað skjöl og heimildir
sem staðfesta þetta.
Ekki náðist í Ragnheiði en
Stefán Ómar Jónsson bæjar-
ritari segir að lögmenn, ásamt
tiltækum sérfræðingum og
sagnfræðingum, muni fara yfir
kröfur ríkisins í framhaldinu
og rýna betur í kort til að sjá
hvar markalínan liggur í kröfu-
gerðinni. Leitað verði fanga
hjá fræðimönnum eins og Guð-
jóni. Þessi vinna sé á frumstigi
og bærinn vilji að svo stöddu
ekki tjá sig um réttmæti
krafna ríkisins. Leiði athugun
á handbærum gögnum í ljós að
kröfurnar fari inn fyrir lög-
sagnarumdæmi sveitarfé-
lagsins muni það að sjálfsögðu
halda rétti sínum til streitu.
Mosfells-
bær skoðar
þjóðlendu-
kröfurnar