Morgunblaðið - 28.02.2004, Side 20

ERLENT
20 LAUGARDAGUR 28. FEBRÚAR 2004 MORGUNBLAÐIÐ
OPIÐ HÚS FYRIR
STUÐNINGSMENN,
VELUNNARA OG VÆNTANLEGA
SÖGUBAKHJARLA
LAUGARDAGINN 28. OG
SUNNUDAGINN 29. FEBRÚAR
Á 13. HÆÐ Í HÚSI
VERSLUNARINNAR MILLI
KLUKKAN 14.00 OG 17.00
BÁÐA DAGA.
BARÁTTAN fyrir þingkosning-
arnar, sem fram fara 14. næsta
mánaðar, hófst á Spáni í gær.
Samkvæmt tveimur könnunum,
sem birtar voru, fara hægrimenn
með sigur af hólmi í kosningunum.
Kosningabaráttan hófst með því
að stjórnmálaleiðtogar tóku þátt í
að festa upp veggauglýsingar líkt
og hefð er fyrir á Spáni. Jose Luis
Rodriguez Zapatero, forsætisráð-
herraefni Sósíalistaflokksins
(PSOE), lýsti yfir því á fundi með
stuðningsmönnum sínum í Madríd
að hann væri vinstrisinni en hann
ætlaði sér að starfa í þágu allra
Spánverja sigraði hann í kosning-
unum.
Mariano Rajoy, forsætisráð-
herraefni Þjóðarflokksins (PP),
hóf baráttuna í heimaborg sinni,
Santiago de Compostela í Galicíu,
með því að gagnrýna tillögur sósí-
alista sem hann sagði að stefndu
„efnahagsframförum síðustu ára í
voða“.
Jose Maria Aznar, sem verið
hefur forsætisráðherra og leiðtogi
Þjóðarflokksins síðustu átta árin,
verður ekki í framboði í samræmi
við fyrri yfirlýsingar þar að lút-
andi. Rajoy hefur um árabil verið
einn helsti samstarfsmaður Azn-
ars.
Tvær fylgiskannanir sem birtar
voru í gær gefa til kynna að Þjóð-
arflokkurinn verði áfram stærsti
flokkur landsins en nái ekki að
halda hreinum meirihluta á þingi.
Þar sitja 350 þingmenn og þarf því
176 slíka til að tryggja meirihluta.
Samkvæmt könnunum fær Þjóð-
arflokkurinn 166 til 172 menn
kjörna. Hann hefur nú 183 fulltrúa
á þingi. Sósíalistar bæta við sig og
er þeim spáð 136 til 144 sætum.
Þeir hafa nú 125 menn á þingi.
Reynist spár þessar réttar
myndi það koma í hlut Þjóð-
arflokksins að freista þess að
mynda meirihlutastjórn. Ýmsir
kostir kæmu þá til álita þar eð
nokkrir smáflokkar þjóðernissinna
eiga fulltrúa á þinginu í Madríd.
REUTERS
Jose Luis Rodriguez Zapatero, forsætisráðherraefni spænska Sósíalistaflokksins, í hópi aðdáenda sinna í Madríd í
gær þegar baráttan fyrir kosningarnar í næsta mánuði hófst formlega.
Hægrimönnum á
Spáni spáð sigri
Madríd. AP.
HÉRAÐSDÓMUR í Ósló hefur
dæmt karlmann af afrískum upp-
runa í fangelsi fyrir að hafa ein-
angrað eiginkonu sína frá norsku
samfélagi og er þetta í fyrsta
skipti sem norskur dómstóll kemst
að þeirri niðurstöðu að það sé
refsivert að meina maka sínum að
samlagast samfélaginu, að því er
fram kom á fréttavef Aftenposten í
gær.
Maðurinn var dæmdur í alls
þriggja ára fangelsi fyrir að hafa
beitt fyrrverandi eiginkonu sína og
börn ofbeldi í mörg ár áður en þau
skildu og meinað henni að um-
gangast aðra Norðmenn. Dómur-
inn var óvenju þungur og helmingi
þyngri en ákæruvaldið hafði óskað
eftir.
Niðurstaða dómstólsins þykir
mjög athyglisverð vegna þess að
þetta er í fyrsta skipti sem dæmt
er í slíku máli samkvæmt 102 ára
gamalli grein í hegningarlöggjöf-
inni sem kveður á um að það varði
allt að tveggja ára fangelsi að
„bregðast skyldum sínum gagn-
vart maka eða barni“ ítrekað eða
með grófum hætti. Maðurinn er 48
ára og tuttugu árum eldri en eig-
inkonan fyrrverandi, sem var 19
ára þegar hann sótti hana til Als-
írs. Hann hefur búið í Noregi í 30
ár.
Verður beitt oftar
Dómstóllinn komst að þeirri nið-
urstöðu að maðurinn hefði „meinað
konunni að hafa samband við aðra
Norðmenn … og stjórnað sam-
bandi hennar við aðra“.
Konan mátti ekki fara að heim-
an án sérstaks leyfis eiginmanns-
ins. Hún hóf norskunám að beiðni
barnaverndaryfirvalda og maður-
inn sótti hana alltaf þegar tím-
unum lauk og bannaði henni að
tala við aðra á námskeiðinu. Þá
þurfti hún að vera með íslamska
höfuðslæðu sem huldi hárið.
Saksóknarar í Ósló segja að nið-
urstaða dómstólsins verði til þess
að hegningarlöggjöfinni verði oftar
beitt sem lið í því að auðvelda inn-
flytjendum að samlagast samfélag-
inu og berjast gegn heimilisof-
beldi.
Dæmdur fyrir
að einangra
eiginkonuna
SHOKO Asahara, leiðtogi japanska
safnaðarins Æðsta sannleiks, var
dæmdur til dauða í gær fyrir að
hafa skipulagt
taugagasárás í
neðanjarðarlesta-
kerfinu í Tókýó
árið 1995 og aðra
glæpi. Kostaði
hún 12 manns líf-
ið en Asahara var
fundinn sekur
um að bera
ábyrgð á dauða
27 manna alls.
Asahara sýndi engin svipbrigði er
dómarinn sagði, að hann skyldi
hengdur fyrir „viðbjóðslega glæpi“.
„Asahara dreymdi um að ná völd-
um í Japan með því að beita fyrir
sig söfnuðinum og hann ruddi mis-
kunnarlaust úr vegi öllum þeim,
sem hann taldi standa í vegi fyrir
sér, innan sem utan safnaðarins,“
sagði dómarinn.
Asahara, sem heitir réttu nafni
Chizuo Matsumoto og stofnaði söfn-
uðinn Æðsta sannleik 1984, var
einnig dæmdur fyrir að hafa myrt
lögfræðing, sem vann gegn söfn-
uðinum, og fjölskyldu hans og einn-
ig nokkra safnaðarfélaga. Verjandi
hans áfrýjaði dauðadómnum til
hæstaréttar Japans en búist er við,
að málarekstur fyrir honum geti
tekið mörg ár.
Æðsti sannleikur er enn við lýði
en núverandi félagar í honum hafa
beðist afsökunar á glæpum fyrrver-
andi frammámanna hans og segjast
fallast á dómsniðurstöðuna. Mörg-
um Japönum finnst þó sem henging
sé of væg refsing fyrir Asahara og
vilja, að hann verði líflátinn upp á
gamla móðinn, dreginn um götur og
barinn til dauðs.
Dauðadómur fyrir
taugagasárás
Tókýó. AFP.
Shoko Asahara