Lesbók Morgunblaðsins - 01.06.2002, Blaðsíða 13
LESBÓK MORGUNBLAÐSINS ˜ MENNING/LISTIR 1. JÚNÍ 2002 13
DANSKA menningarmálaráðu-
neytið kynnti í vikunni hug-
myndir að nýrri byggingu fyrir
konunglega danska leikhúsið,
sem nú skal allt að því svífa út yf-
ir innri höfn Kaupmannahafnar.
Leikhúsið á að rísa á Kvæst-
husbryggjunni, sem er álíka löng
og þrír fótboltavellir, og á leik-
húsið að standa út af brún
bryggjunnar líkt og það svífi yfir
vatninu. Leikhúsið sem áætlað er
að sé á tveimur hæðum skal
byggt úr kopar og gleri með 36
metra útsýnisturni upp úr miðri
byggingunni.
„Við héldum okkur innan
rammans, en ef nauðsyn krefur
getum við dregið bygginguna
lengra inn á land,“ sagði danski
arkitektinn Boje Lundgaard, sem
ásamt Lene Tranberg, bar sigur
úr býtum í alþjóðlegri keppni um
nýja leikhúsið. Alls bárust rúm-
lega 300 tillögur í keppninni, þar
af 200 erlendis frá og voru arki-
tektarnir því mjög sælir með sig-
urinn. „Við höfum aldrei áður
tekið þátt í svo stórri keppni og
reynt að hafa betur en 300 önnur
fyrirtæki. Svo er líka frábært að
hanna húsnæði fyrir lifandi list-
ir,“ sagði Lundgaard.
Þetta er í þriðja sinn sem sam-
keppni er haldin um byggingu
nýs konunglegs leikhúss, en ekki
hefur orðið af byggingunni til
þessa. „Allt er þegar þrennt er,“
sagði Michael Christiansen, fram-
kvæmdastjóri leikhússins, sem er
orðinn þreyttur á að deila núver-
andi æfingaaðstöðu með ballet-
dönsurum og óperusöngvurum.
Búist er við að nýja leikhúsið
verði vígt á árinu 2007 og er
kostnaður við byggingu þess tal-
inn nema um 800 milljónum
danskra króna, eða rúmum 8
milljörðum íslenskra króna.
Nýr framkvæmdastjóri
hjá Tate Modern
TATE Modern safnið í Lund-
únum tilkynnti í vikunni að hinn
spænski Vicente Todoli, einn af
stofnendum Serralves nútíma-
listasafnsins í Porto í Portúgal,
muni verða fyrsti fram-
kvæmdastjóri safnsins. Stóll
framkvæmdastjóra hefur staðið
auður frá því að Lars Nittve yf-
irgaf Tate Modern fyrir safn-
stjórastöðu í heimalandi sínu, Sví-
þjóð, fyrir ári.
Todoli mun ganga til liðs við
safnið í janúar, en að hans sögn
er Tate Modern safnið án efa
„eitt fremsta safn í heimi“. Todoli
neitaði hins vegar í viðtali við
breska dagblaðið Guardian að
lýsa stefnu sinni við rekstur
safnsins þar til hann hefði kynnt
sér hann betur. „Hvert listasafn
er einstakt – það eru ekki til nein-
ar formúlur, annars væri þetta
eins og
McDonald’s veitingahúsakeðja
eða Benetton verslanir,“ sagði
Todoli. „Ef ég hefði einhverja
ákveðna sýn þá held ég að ég
væri mjög slæmur fram-
kvæmdastjóri.“
Tate Modern safnið var opnað
fyrir tveimur árum. Alls sóttu um
5,1 milljón gesta safnið heim
fyrsta árið, en talan féll niður í
3,6 milljónir gesta í fyrra. Í ár
virðist safnið hins vegar ná að
höfða til almennings á ný og er
það ekki hvað síst talið að þakka
Picasso-Matisse sýningunni sem
opnuð var fyrr á árinu.
Svífandi leik-
hús í Kaup-
mannahöf
Verðlaunahugmyndin.
ERLENT
ÁSHILDUR Haraldsdóttir flautuleikaristendur fyrir og skipuleggur öðru sinniMasterclass-námskeið í Vestmanna-eyjum dagana 17.–25. ágúst í sumar.
Fjórir kennarar auk hennar kenna á námskeið-
inu, Nína Margrét Grímsdóttir píanóleikari, Sig-
rún Eðvaldsdóttir fiðluleikari, Marçal Cervera
sellóleikari og Arnaldur Arnarson gítarleikari.
Öll hafa þau mikla reynslu sem hljóðfæraleik-
arar og hafa unnið til margvíslegra viðurkenn-
inga fyrir leik sinn.
Áshildur segir að eftir að Paul Zukofsky hætti
sínum námskeiðum hér á landi hafi þennan þátt í
tónlistaruppeldi íslenskra krakka vantað.
„Ég sótti Zukofsky-námskeiðin og fannst
mjög gaman. Seinna var ég sjálf með master-
klassa fyrir flautunemendur og fannst mjög
gaman að kynnast ungum flautuleikurum. Ég sá
að þarna var gat sem þyrfti að stoppa upp í og
datt í hug að byrja með svona námskeið sem yrði
árviss viðburður, með kennslu á mörg hljóðfæri,
og á stað sem væri skemmtilegur að sækja, án
þess að það yrði of dýrt fyrir krakkana. Ég hafði
verið í Vestmannaeyjum og var alveg heilluð af
staðnum og þar voru bæjaryfirvöld mjög velvilj-
uð í garð listamanna. Þar er líka mjög fallegt, og
svolítið eins og að koma til útlanda; – það þarf að
fara yfir sjó, og ekkert hægt að komast í burtu.
Þetta er frábær staður fyrir hóp að hrista sig
saman, krakkarnir kynnast vel og upplifa hlutina
í sameiningu.“
Kennsla fer fram í Tónlistarskólanum í miðbæ
Vestmannaeyja, þar sem aðstaða er mjög góð að
sögn Áshildar. Tónleikar í námskeiðslok fara svo
fram í Höllinni, nýju samkomuhúsi bæjarins, og
einnig í sal Tónlistarskólans.
Nína Margrét tók einnig þátt í Zukofsky-nám-
skeiði á sínum tíma og mörgum slíkum í námi
sínu erlendis, og eins og Áshildur hefur hún einn-
ig kennt á masterklössum af þessu tagi. „Mér
fannst þetta strax frábær hugmynd og gott að
einangra það ekki við eitthvert eitt hljóðfæri. Pí-
anistar eru mikið einir, og það er þeim hollt að
hitta aðra hljóðfæraleikara og spila kammer-
músík með þeim.“
Einkatímar, samspil
og kammermúsík
Á morgnana verður áhersla á hljóðfæra-
kennslu, ýmist í formi einkatíma eða masterk-
lassa. Eftir hádegi tekur kammermúsíkin við.
Hver kammerhópur æfir undir leiðsögn kenn-
ara.
„Við höfum líka nokkra píanóleikara sem
verða í meðleik með krökkunum. Skólastjórinn í
Tónlistarskóla Vestmannaeyja, Guðmundur H.
Guðjónsson, verður með okkur, og tvær stúlkur
sem eru báðar langt komnar í píanónámi. Nem-
endur fá þannig tækifæri til að spila ekki bara í
kammermúsík, heldur líka með píanóleikara, í
verkum sem eru samin fyrir eitt hljóðfæri og pí-
anó,“ segir Áshildur, „krakkarnir verða mariner-
aðir í heila viku í því að heyra annað hljóðfæri
með sínu. Þau læra að hlusta, og spila saman.“
Nína Margrét segir að námskeiðið sé miðað
við krakka sem eru í mið- og efstu stigum tónlist-
arnáms. Það verði þó gerðar undantekningar
með bráðgera yngri nemendur sem sýni sérstak-
an áhuga. Annars er miðað við börn fædd 1987 og
eldri. Krakkarnir bera sjálfir ábyrgð á sér á
kvöldin, og hafa sameiginlega aðstöðu til að elda
mat. Námskeiðsgjaldið með gistingu og eldhús-
aðstöðu er 23.000 krónur. Í fyrrasumar sóttu um
20 nemendur námskeiðið, og segist Áshildur
vona að þeir verði ekki færri í ár. Námskeiðið
hefur verið auglýst erlendis og hafa nokkrir er-
lendir tónlistarnemendur sýnt því áhuga. Áshild-
ur segir námskeiðið opið krökkum alls staðar að
af landinu. „Krakkar sem eru ekki í námi hjá
okkur sem kennum á námskeiðunum geta þarna
líka fengið álit annars kennara en þeirra eigin, og
séð hvernig það rímar við það sem þeirra kennari
segir, og kannski séð eitthvað nýtt í eigin spila-
mennsku.
Það er mjög góður andi í Vestmannaeyjum á
þessum tíma, þá standa yfir pysjudagar og mikil
stemmning í bænum. Það er líka frábært hvað
bæjaryfirvöld í Vestmannaeyjum hafa tekið okk-
ur vel og styrkt okkur. Guðmundur H. Guðjóns-
son tónlistarskólastjóri tekur líka fullan þátt í
námskeiðinu með spilamennsku og leiðsögn um
staðinn. Það er ómetanleg hjálp.“
Umsóknarfrestur á námskeiðið rennur út 5.
júní næstkomandi, en áhugasamir geta haft sam-
band við Áshildi Haraldsdóttur til að fá nánari
upplýsingar.
Spilað
á pysju-
dögum
Morgunblaðið/Þorkell
Áshildur Haraldsdóttir og Nína Margrét Grímsdóttir.
DRENGJAKÓR Neskirkju, áður
Drengjakór Laugarneskirkju,
heldur vortónleika í Neskirkju í
dag, laugardag, kl. 16. Á tónleik-
unum verður fjölbreytt efnisskrá,
lög eftir innlend og erlend tónskáld.
Kórinn leggur upp í viku ferð til
Danmerkur hinn 9. júní nk. Þar
mun hann halda tónleika með sömu
efnisskrá og í Neskirkju.
Kórinn syngur á Plænen í Tívolí
mánudaginn 10. júní kl. 17, í Skt.
Pálskirkju í Kaupmannahöfn mið-
vikudaginn 12. júní kl. 20 og í Vejle-
fjord Kirke föstudaginn 14. júní kl.
19.
Nú skipa kórinn 32 drengir á
aldrinum 8–13 ára. Stjórnandi kórs-
ins síðan 1994 er Friðrik S. Krist-
insson og undirleikari er Lenka
Mátéová.
Morgunblaðið/Golli
Drengjakór Neskirkju æfir söngdagskrána undir stjórn Friðriks S. Kristinssonar.
32 drengjaraddir
hljóma í Neskirkju
SÆNSKA forlagið Prisma hefur
fest kaup á útgáfuréttinum á Mýr-
inni eftir Arnald Indriðason en
fyrir þá bók
hlaut hann Gler-
lykilinn, Nor-
rænu glæpa-
sagnaverðlaun-
in, á dögunum.
Prisma er hluti
af einni rótgrón-
ustu útgáfusam-
steypu Svíþjóð-
ar, P.A.
Norstedt & Sö-
ner, sem sett
var á laggirnar árið 1823. Á út-
gáfulista Prisma eru verk höfunda
á borð við Michael Connelly,
Patriciu Cornwell, Linn Ullmann
og Leif Davidsen sem hreppti
Glerlykilinn fyrir bók sína Fest á
filmu árið 1999.
Mýrin hefur nú verið seld til
Danmerkur, Finnlands, Hollands
og Þýskalands, auk Svíþjóðar. Þá
er Baltasar Kormákur með í und-
irbúningi gerð kvikmyndar eftir
sögunni. Réttindastofa Eddu –
miðlunar og útgáfu á nú í við-
ræðum við forlög í ýmsum löndum
um útgáfu á verkum Arnaldar
Indriðasonar.
Mýrin
til Sví-
þjóðar
Arnaldur
Indriðason