24 stundir - 19.07.2008, Blaðsíða 6
6 LAUGARDAGUR 19. JÚLÍ 2008 24stundir
Norrænu jafnréttisráðherrarnir
hafa samþykkt að unnið verði verk-
efni um kynferði og völd á Norð-
urlöndum. Eitt af meginþemum
jafnréttissamstarfs Norrænu ráð-
herranefndarinnar á árunum 2006
til 2010 er kynferði og völd.
Meginmarkmið verkefnisins er
að fá fram rannsóknaniðurstöður
sem unnt verður að nýta við
stefnumótun í stjórnmálum, jafn-
framt því að benda á jafnréttis-
aðgerðir sem hafa áhrif á, og liggja
að baki, valdaskiptingu milli kynja
á Norðurlöndunum.
Jafnrétti hefur náð tiltölulega
langt á stjórnmálasviðinu á Norð-
urlöndunum, en hins vegar ekki í
atvinnulífinu og verða því skoðuð
tækifæri og hindranir á þessum
tveimur sviðum, segir í tilkynn-
ingu. fifa@24stundir.is
Norræna ráðherranefndin
Norðurlönd með
kynjagleraugum
Ekki er marktækur munur á
söluhæfileikum fallegra og hinna
sem ekki hafa útlitið með sér, að
því er niðurstöður nýrrar sænskrar
rannsóknar sýna. Á vef metroX-
press er haft eftir Henriettu Huzell,
sem er doktor við háskólann í
Karlstad í Svíþjóð, að það sé eink-
um í hótel- og veitingabransanum í
Svíþjóð sem gerðar séu óraunhæfar
kröfur um fegurð.
Elva Tryggvadóttir, ráðgjafi hjá
Ráðningarþjónustunni ehf., kveðst
ekki hafa orðið vör við kröfur um
útlit starfsmanna á beinan hátt.
„Maður sér það hins vegar á vali
milli jafnhæfra umsækjenda, eink-
um þegar um afgreiðslustarf í sér-
búðum er að ræða. Þá virðist útlit-
ið skipta máli. Við höldum engu að
síður áfram að senda hina umsækj-
endurna í viðtal því að þeir eru al-
veg jafnhæfir. Snyrtimennska,
klæðaburður og góð framkoma
skiptir hins vegar alltaf miklu
máli.“ ibs
Rannsókn á fallegu afgreiðslufólki
Selur ekki meira
STUTT
● Hvetjandi Atvinnuþróun-
arfélag Vestfjarða hefur yfirtek-
ið umsýslu- og rekstur eign-
arhaldsfélagsins Hvetjanda, af
Sparisjóði Vestfirðinga á Ísa-
firði.
● Sirkusnámskeið Börnum
og unglingum í Stykkishólmi
er boðið upp á frítt sirk-
usnámskeið næstkomandi
þriðjudagskvöld í Íþrótta-
miðstöðinni. Jay Gilligan frá
Bandaríkjunum, Mirja Jauhi-
ainen frá Finnlandi og Erik
Aberg frá Svíþjóð leiðbeina en
þau eru öll starfandi sirk-
uslistamenn.
● Ermarsund Boðsundsveitin í
sjósundi hefur framlengt dvöl
sína í Dover í Englandi fram á
mánudag og ætlar að gera aðra
tilraun til að synda boðsund yf-
ir Ermarsund um helgina.
Eftir Hildi Eddu Einarsdóttur
hilduredda@24stundir.is
07.30 Síðasti dagurinn íferðinni hófst með
morgunmat á Hótel Skaftafelli við
Freysnes. Í þessum hópi voru Sviss-
lendingar, Ástralar, Bretar og Frakk-
ar sem voru ákaflega heppnir með
veður allan tímann.
08.30 Við settumst upp írútuna og lögðum af
stað yfir Skeiðarársand. Við komum
við á Núpsstað. Áður en við kom-
um þangað sagði ég hópnum frá því
að á Núpsstað byggi maður að nafni
Filippus sem yrði 99 ára gamall í
desember og að við myndum vænt-
anlega hitta hann á bæjarhellunni.
Og ég átti kollgátuna, hann sat á
bæjarhellunni eins og hann er van-
ur að gera á góðviðrisdögum og
þegar þrjár stútfullar rútur af ferða-
mönnum voru komnar reis hann
upp, settist inn í bílinn sinn og ók
eins og rækallinn sjálfur út á þjóð-
veginn. Hann Filippus er alveg kýr-
skýr og í fullu fjöri þrátt fyrir háan
aldur og ferðamönnunum fannst
mjög mikið til hans koma.
09.15 Við skoðuðum kap-elluna við Núpsstað.
Hún er alveg stórkostleg í sínum
einfaldleika og ég nota alltaf tæki-
færið þar og kveiki á kertunum á
gamla fallega barrokkkertahjálmin-
um. Í kjölfarið héldum við áfram
yfir Skeiðarársandinn en þess má
geta að fram til ársins 1974 var
Núpsstaður síðasti staðurinn sem
hægt var að keyra til á Suðurströnd-
inni, þar sem það vantaði brú til
þess að halda áfram eftir þjóðveg-
inum. Ég segi stundum að gamni
mínu að með tilkomu brúarinnar
hafi miðöldum endanlega lokið á
Íslandi.
11.30 Við fórum til Víkur íMýrdal og keyptum
okkur nesti sem við borðuðum svo
úti í guðsgrænni náttúrunni við
Reynisfjöru.
13.00 Við fórum að skoðaSkógarfoss. Ég sagði
hópnum að prófa að ganga inn í
úðann af fossinum því að ef maður
gerir það sér maður ekki bara einn
heldur tvo eða þrjá regnboga. Þau
gerðu það og urðu frá sér numin af
hrifningu. Í kjölfarið fórum við að
Seljalandsfossi og gengum á bakvið
hann, en eftir það héldum við heim
á leið.
17.00 Við komum aftur íbæinn, ferðamönn-
unum var skilað á hótelin sín og ég
hélt heim til mín. Ellefu daga
vinnuferð var formlega að baki.
Litadýrð við
Skógarfoss
24stundir með Rögnu Sigrúnu Sveinsdóttur leiðsögumanni hjá
Kynnisferðum
➤ Talar ensku, þýsku, dönskuog frönsku og notar þessi
tungumál jöfnum höndum í
starfi sínu.
➤ Hefur meðal annars búið íFrakklandi og Austurríki og
kennt þýsku í grunnskóla.
RAGNA SIGRÚN
Heppin með veður „Við fengum glampandi sól og ævintýralega gott skyggni allan tímann.“ Ragna Sigrún Sveinsdóttir
Ragna Sigrún Sveins-
dóttir, leiðsögumaður hjá
Kynnisferðum, hefur í
nógu að snúast nú á sum-
armánuðum. Hún er ný-
komin úr 11 daga ferð
um landið með erlenda
ferðamenn og heldur af
stað í aðra slíka ferð
næsta mánudag.
24stundir/Árni Sæberg
„Ég smíða eyrnalokka,
lyklakippur og hár-
spennur úr hornum og
beinum,“ segir Sigurbjörn
Hjaltason á Kiðafelli um
þær vörur sem hann býð-
ur til sölu á sveitamark-
aðinum í Kjós í dag. „Ég
smíða hárspennurnar úr
hófum en sá efniviður
hefur einmitt rétta lög-
un,“ segir hann og bætir
við að fólk komi saman á markaðnum með heimagerðar vörur sínar til
sölu. „Það verður ýmislegt spennandi á boðstólnum, t.a.m. úrval af
nautakjöti því það er komin ný kjötvinnsla hérna í sveitina,“ segir
hann. Markaðurinn hefst kl. 13:00 og lýkur kl. 18:00 en meðal þess sem
er í boði er nýveiddur fiskur úr Þingvallavatni, prjónavörur, heima-
gerð sulta og kæfa. Nánari upplýsingar eru á www.sogumidlun.is. áb
Gerir hárspennur úr hófum
Karlmaður var dæmdur í þrjátíu
daga skilorðsbundið fangelsi fyrir
vörslu barnakláms í Héraðsdómi
Vestfjarða í vikunni. Brot ákærða
vörðuðu 26 hreyfimyndir sem sýna
börn á kynferðislegan eða klám-
fenginn hátt sem maðurinn fékk
sendar í tölvupósti og vistaði á
harðan disk. Sumt efnið var mjög
gróft. Í dómnum var tekið tillit til
þess að maðurinn hafði ekki komist í kast við lögin áður við ákvörðun
refsingar. Auk fangelsisdóms er honum gert að greiða tæpar 130.000
krónur í sakarkostnað. áb
Dæmdur fyrir vörslu barnakláms
Flogið verður til höfuðborgar Þýskalands, Berlínar og ekið áfram til
Dresden þar sem gist er í 3 nætur. Í Dresden er mikið af sögufrægum
byggingum og þar verður einnig hægt að kynnast þjóðarbroti, Sorbum,
sem búa á þessu svæði, en sérstætt tungumál þeirra og menning eiga
í vök að verjast. Eftir áhugaverðar skoðunarferðir í Dresden er haldið
aftur til Berlínar, þar sem gist er í 4 nætur, en leiðin þangað liggur í
gegnum Spreewald, þar sem upplagt er að fara í skemmtilega bátsferð
frá Lübbenau. Skoðunarferð um hina sögulegu Berlín og til Potsdam,
sem er einn vinsælasti ferðamannastaður Þýskalands.
Fararstjóri: Kristín Jóhannsdóttir
Verð: 121.920 kr.
21. - 28. ágúst
Sp
ör
-
Ra
gn
he
ið
ur
In
gu
nn
Ág
ús
ts
dó
tti
r
Dresden og
s: 570 2790www.baendaferdir.is
A L L I R G E T A B Ó K A Ð S I G Í B Æ N D A F E R Ð I R
SUMAR 10
Berlín