Fréttablaðið - 15.09.2004, Blaðsíða 8
STJÓRNMÁL Það gekk ekki þrauta-
laust fyrir sig að finna lausa stund
í dagskrá Sigríðar Önnu. Hún hef-
ur verið önnum kafin síðustu daga,
er nýkomin af þingmannaráð-
stefnu í Grænlandi og bjó sig svo
undir að setjast í stól umhverfis-
ráðherra þar sem úrlausnarefni,
stór og smá, bíða á skrifborðinu.
Í bunkanum er rjúpan sem
bannað er að veiða. Sigríður Anna
er illfáanleg til að gefa eitthvað út
um hvort hún hyggist leyfa veiðar
á ný. „Ég ætla að skoða þessi mál
í heild sinni þegar ég er komin í
ráðuneytið og vil ekkert meira
segja um það á þessu stigi.“ Kem-
ur til greina að aflétta banninu?
„Ég mun bara skoða málin og er
ekki reiðubúin að segja af eða á á
þessari stundu.“ Hvenær skýrist
þetta? „Ég tek bara þann tíma sem
ég þarf í það,“ segir hún og brosir
að vonlitlum tilraunum blaða-
manns til að fá botn í málið.
Spennandi verkefni
Sigríður Anna hafði ekki setið í um-
hverfisnefnd Alþingis fyrr en
ákvörðunin um að hún yrði um-
hverfisráðherra lá fyrir og ekki
unnið sérstaklega að málaflokknum
í sinni þingtíð. Hún hefur engu að
síður áhuga á umhverfismálum.
„Já, ég hef mikinn áhga á mála-
flokknum og lít á þetta sem mjög
spennandi og ögrandi verkefni.
Umhverfismál eru alls staðar vax-
andi málaflokkur og það er lögð
mikil áhersla á þau í öllum vest-
rænum löndum þannig að enginn
vafi leikur á mikilvægi þeirra.“
Umhverfisverndarsinnar segja
mikilvægt að umhverfisráðherra
sé málsvari náttúrunnar. Verður
Sigríður Anna sá málsvari? „Það
verður bara að koma í ljós og
ómögulegt að dæma um slíkt fyrir
fram. Ég tel að ég taki við góðu búi.
Það hefur verið unnið mjög vel að
náttúruverndarmálum að undan-
förnu og mörgu verið áorkað. Mikl-
ar umræður um virkjanamál hafa
yfirskyggt náttúruverndina en ég
er þeirrar skoðunar að nýting orku-
linda og umhverfisvernd fari ágæt-
lega saman.“
Loftslagsmál hafa brunnið á
mörgum og Sigríður Anna hefur
kynnt sér þau, meðal annars í gegn-
um samstarf þingmanna um Norð-
urskautsmál. „Við höfum mögu-
leika til að bregðast við og hægt er
að þrýsta á þær þjóðir sem enn
hafa ekki fullgilt Kyoto-bókunina.
Þjóðir heims verða að átta sig á al-
varleika málsins og grípa til að-
gerða en menn verða að varast að
mála skrattann á vegginn. Þessu
geta fylgt tækifæri. Möguleikar á
siglingum norður fyrir Norður-
skautið kunna að opnast og sam-
göngur geta þannig breyst til hins
betra.“
Siglfirskur uppruninn gagnast
Fáir stjórnmálamenn hafa fengið
jafn rúman tíma og Sigríður Anna
til að búa sig undir ráðherradóm.
Tilkynnt var í maí á síðasta ári að
hún tæki við umhverfisráðuneytinu
15. september 2004 og hefur hún
því haft tæpa sextán mánuði til að
setja sig inn í mál og móta sína
stefnu.
Hún segist hafa nýtt tímann
ágætlega. „Það gagnaðist mér mjög
mikið að verða formaður umhverf-
isnefndar þingsins og í gegnum þau
störf fékk ég tækifæri til að setja
mig vel inn í málin sem voru til um-
ræðu í vetur.“ Einnig bendir hún á
að tólf ára seta í sveitarstjórn
Grundarfjarðar hafi fært sér tals-
verða þekkingu og reynslu af mála-
flokkum ráðuneytisins. Hún bendir
líka á að siglfirskur uppruninn hafi
sitt að segja. „Það má margt læra af
síldarævintýrinu. Siglfirðingar vita
betur en flestir hvernig farið getur
ef menn umgangast ekki auðlind-
irnar af varfærni.“
Eftir rúm þrettán ár á þingi er
Sigríður Anna komin í ríkisstjórn.
Hún neitar því ekki að sig hafi lengi
langað til að verða ráðherra. „Ég
held að við sem erum í stjórnmál-
um séum þar til að hafa áhrif og ég
býst við að í flestum okkar og
kannski öllum blundi þessi löngun.“
Og nýr umhverfisráðherra þjóð-
arinnar hlakkar til að takast á við
embættið. „Þetta verður eflaust
töluverð breyting en ég horfi á
þetta af vissri auðmýkt og geri það
sem ég get til að standa mig vel.“ ■
15. september 2004 MIÐVIKUDAGUR
Tek við góðu búi
Sigríður Anna Þórðardóttir, þingmaður Sjálfstæðisflokksins, tekur við
embætti umhverfisráðherra í dag. Hún hlakkar til að takast á við starfið
enda umhverfismálin vaxandi málaflokkur.
– hefur þú séð DV í dag?
Drap frænda
sinn og telur
sig vera guð
SÍÐASTA EMBÆTTISVERK HALLDÓRS
Ísland í stjórn-
málasamband við
mannætu
410 4000 | landsbanki.is Banki allra landsmanna
Eru n‡ju
íbúðalánin
fyrir mig?
Landsbankinn býður „fjármálastjórum heimilanna“
á opinn kynningarfund um nýju íbúðalánin
í útibúi bankans , Strandgötu 1 á
Akureyri, í kvöld kl. 20.00.
Skráning: fiú getur skrá› flig á kynningarfundinn
me› flví a› hringja í síma 410 4000, í útibúi bankans
e›a með tölvupósti á kynning@landsbanki.is
8
SIGRÍÐUR ANNA ÞÓRÐARDÓTTIR
„Þetta verður eflaust töluverð breyting en ég horfi á þetta af vissri auðmýkt og geri það
sem ég get til að standa mig vel.“
FR
ÉT
TA
B
LA
Ð
IÐ
/G
VA
SIGRÍÐUR ANNA
ÞÓRÐARDÓTTIR:
Fædd á Siglufirði 1946.
Stúdent frá MA. BA próf í íslensku,
sagnfræði og grísku frá HÍ.
Framhaldsnám við Minnesota-háskóla.
Kennari í Grundarfirði og Mosfellsbæ.
Í hreppsnefnd Eyrarsveitar í Grundarfirði.
Alþingismaður frá 1991.
Formaður þingflokks Sjálfstæðisflokks
1998–2003.
Hefur setið í menntamálanefnd, iðnað-
arnefnd, heilbrigðis- og tryggingar-
nefnd, efnahags- og viðskiptanefnd, ut-
anríkismálanefnd og umhverfisnefnd.
Í miðstjórn og framkvæmdastjórn
Sjálfstæðisflokksins.
Gift Jóni Þorsteinssyni sóknarpresti í
Mosfellsbæ og eiga þau þrjár dætur.
Barnabörnin eru fimm.
Alþjóðakjarnorkumálastofnunin:
Eftirliti í Íran ekki lokið
ÍRAN, AP Alþjóðakjarnorkumála-
stofnunin hefur ekki enn fundið ör-
ugg merki þess að Íranar búi yfir
kjarnavopnum eða séu að undirbúa
smíð þeirra. Stofnunin fundar nú
um málefni Írana. Bandaríkjamenn
og bandamenn þeirra í Evrópu hafa
sett þau skilyrði að Alþjóðakjarn-
orkumálastofnunin ljúki eftirliti
sínu fyrir 1. nóvember en stofnunin
telur ekki víst að hægt verði að
tryggja að það verði hægt.
Íranir framleiða auðgað úraní-
um, sem þeir segja að sé til orku-
framleiðslu en það er jafnframt eitt
helsta byggingarefni til kjarna-
vopna, ásamt plútóníum. Fulltrúar
Bandaríkjastjórnar í stofnuninni
vilja að skilyrði til eftirlits með
kjarnavopnaframleiðslu í Íran verði
hert en ekki er einhugur um það í
stofnuninni. Þeir vilja krefjast skil-
yrðislauss og tafarlauss aðgangs að
öllum svæðum og upplýsingum sem
stofnunin setti skilyrði um fyrir
tveimur árum. Þeir fara einnig
fram á tæmandi lista yfir efni sem
nota má til gerðar kjarnavopna og
til eru í landinu auk allrar þekking-
ar sem nýst getur til smíðinnar. ■
MOHAMED ELBARADEI
Yfirmaður stofnunarinnar fundar nú um
málefni Írans en ekki er einhugur innan
hennar um aðgerðir sem beita þarf.