Fréttablaðið - 15.09.2004, Blaðsíða 28

„Já, ég ætla sko aldeilis að gera
mér dagamun á afmælisdaginn,“
sagði Rannveig Guðmundsdóttir,
þingmaður Samfylkingarinnar,
þegar Fréttablaðið náði tali af
henni þar sem hún var stödd á
flugvellinum í Kaupmannahöfn í
gær. „Ég á litla sjö ára ömmu-
stelpu á Ítalíu. Hún er nafna mín
og á sama afmælisdag og ég en
ég fékk hana í afmælisgjöf fyrir
sjö árum. Ég er á leiðinni í
óvænta heimsókn til hennar,“
sagði Rannveig, sem er 64 ára í
dag.
„Ég var að koma frá Árósum
þar sem ég hélt erindi um Ísland
dagsins í dag hjá Norræna blaða-
mannaskólanum. Ég er svo að
fara á annan fund erlendis en
ætla að bregða mér til Ítalíu á
milli funda. Nú sit ég hér á flug-
vellinum með pulsu og Pepsí og
hugsa um hvað það verður gam-
an að birtast óvænt á Ítalíu
kvöldið fyrir afmælisdaginn okk-
ar Rannveigar litlu og svo ætla
ég að eiga yndislegan afmælis-
dag með barnabörnunum. Ég fæ
svo fimm til sex daga með þeim
en aðalmálið er að vera hjá þeim
á afmælisdeginum okkar. Þetta
verður gasalega skemmtilegur
dagur.“
Dóttir Rannveigar, Sigurjóna
Sverrisdóttir, býr ásamt eigin-
manni sínum, Kristjáni Jóhanns-
syni óperusöngvara, og þremur
börnum þeirra á Ítalíu og Rann-
veig segist oft reyna að koma við
hjá þeim þegar hún er á funda-
flakki sínu um hinn stóra heim.
„Barnabörnin eru þrjú á Ítalíu,
tveir drengir 17 og 15 ára og svo
hún litla nafna mín sem var að
byrja í skóla. Svo er ég svo rík
kona að ég á þrjú yndisleg barna-
börn heima á Íslandi sem verða
ekki hjá ömmu sinni á þessum af-
mælisdegi.“
Þegar Rannveig er spurð hvort
einhver einn afmælisdagur
standi upp úr í gegnum tíðina
stendur ekki á svari. „Afmælis-
dagurinn fyrir sjö árum er mér
auðvitað sérstaklega minnisstæð-
ur en þá sat ég frammi í biðsal á
sjúkrahúsi í Brescia á Norður-
Ítalíu og beið eftir því að ömmu-
stelpan kæmi í heiminn. Það var
stórkostleg stund þegar Kristján
kom hlaupandi fram og sagði að
hún væri komin. Annars er ég svo
heppin að eiga alltaf skemmtilega
afmælisdaga þó þeir séu ekki
endilega stórir. 15. september er
góð dagsetning og virðist sitja
vel í minni vina og vandamanna
þannig að ef ég er heima þá fæ
ég alltaf góðar heimsóknir sem
ég met mikils og gera daginn af-
skaplega ljúfan.“ ■
20 15. september 2004 MIÐVIKUDAGUR
AGATHA CHRISTIE
Sakamálasagnahöfundurinn
margrómaði fæddist á þessum
degi árið 1890.
AFMÆLI
Eiður Smári Guðjohnsen knattspyrnu-
maður er 26 ára.
Ragnar Bragason kvikmyndagerðar-
maður er 33 ára.
ANDLÁT
Klara Konráðsdóttir, frá Hofsósi, lést 9.
september.
Bjarki Hafþór Vilhjálmsson, Íshússtíg 5,
Keflavík, lést 9. september.
Guðbjörn Sigfús Kristleifsson, Aspar-
felli 4, lést 10. september.
Ingvar Ásgeirsson, Dalbraut 27, Bíldu-
dal, lést 10. september.
Jóhannes Ingibjörn Ólafsson, fyrrv. for-
stjóri Dósagerðarinnar, lést 11. septem-
ber.
Margrét Guðmunda Guðmundsdóttir,
Akralandi 3, lést 11. september.
Guðrún Kristjana Guðlaugsdóttir, frá
Búðum í Hlöðuvík, lést 12. september.
Gestur Guðmundur Þorkelsson lést 12.
september.
Knútur Hákonarson, Hraunbæ 170, lést
13. september.
JARÐARFARIR
14.00 Ívar Haukur Antonsson verður
jarðsunginn frá Grafarvogskirkju.
15.00 Valgerður Anna Eyþórsdóttir, (Lóa),
Melbraut 10, Seltjarnarnesi, verður
jarðsungin frá Dómkirkjunni.
15.00 Páll Gunnar Jóhannsson, Hæðar-
garði 35, verður jarðsunginn frá
Fossvogskirkju.
Á þessum degi árið 1954 fauk pils
þokkagyðjunnar Marilyn Monroe
upp um hana þar sem hún stóð yfir
uppblæstri neðanjarðarlestar þar
sem hún var við tökur á kvikmynd-
inni The Seven Year Itch. Atvikið
var ljósmyndað og sjálfsagt hefur
aldrei verið tekin jafn útbreidd og
fræg mynd af kvikmyndastjörnunni.
Eiginmaður Marilyn, hafna-
boltahetjan Joe DiMaggio, varð
snælduvitlaus yfir myndatökunni,
sem honum þótti bera sýnifíkn
eiginkonu sinnar óheilbrigt vitni.
Það kom líka á daginn að þau
hjónin skildu skömmu síðar.
Saga Marilyn Monroe er öllum
kunn en hún var ein skærasta kvik-
myndastjarna síns tíma. Henni var
legið á hálsi fyrir að vera hæfileika-
laus leikkona en seiðandi kynþokki
hennar og augljós ást myndatökuvél-
arinnar á henni tryggði henni þann
ódauðleika sem allt fólk sem bröltir
eftir framabrautinni þráir.
Eftir skilnaðinn við DiMaggio
reyndi Monroe að hasla sér völl í al-
varlegri hlutverkum og fór í læri hjá
Lee Strasberg í hinum virta leiklist-
arskóla hans. Þá giftist hún leik-
skáldinu Arthur Miller árið 1956.
Hann skrifaði handritið að myndinni
The Misfits sérstaklega fyrir hana
en hún lék í myndinni, sem varð
hennar síðasta, árið 1961. Þau Miller
skildu skömmu fyrir frumsýningu
myndarinnar og ári seinna lést gyðj-
an af völdum ofneyslu svefnlyfja. ■
ÞETTA GERÐIST
PILS MARILYN MONROE FAUK UPP UM HANA MEÐ EFTIRMINNILEGUM AFLEIÐINGUM
15. september 1954
Pilsaþytur hjá Monroe
Óvænt afmælisboð á Ítalíu
RANNVEIG GUÐMUNDSDÓTTIR: HELDUR UPP Á 64 ÁRA AFMÆLIÐ Á ÍTALÍU
Fasteignafélagið Eik lét
veggfóðra útvegg
Þingoltsstrætis 3 með
þúsund króna seðlum á
mánudaginn og þannig
fékk veggurinn að stan-
da til klukkan níu í gær-
kvöld en þá var fúlgunni
flett af húsinu og hún
gefin Umhyggju, félagi
til styrktar langveikum
börnum.
Tilgangurinn með
þessari nýstárlegu og
djörfu veggskreytingu
var annars vegar að
vekja athygli forsvars-
manna íslenskra fyrir-
tækja á kostum þess að
leigja atvinnuhúsnæði í
stað þess að eiga það og
hins vegar að vekja at-
hygli á nýrri þjónustu-
leið Eikar sem kallast
fasteignaráðgjöf og leit.
Þjónustan felur í sér að
Eik finnur hentug at-
vinnuhúsnæði fyrir við-
skiptavini sína, kaupir
það og leigir þeim svo.
Veggfóðrið vakti að
vonum athygli vegfar-
enda í gær og veggurinn
var vitaskuld vaktaður
aðfaranótt þriðjudagsins
enda aldrei þótt ráðlegt
að láta fé liggja á glám-
bekk. ■
Peningaveggur í miðbænum
„Fornleifafræðingur er besti eiginmaður sem kona getur
átt vegna þess að eftir því sem hún verður eldri eykst áhugi
hans á henni.“
- Agatha Christie var góður mannþekkjari
og vissi hvað hún vildi enda var hún gift fornleifafræðingi.
Innilegar þakkir til allra þeirra sem sýndu okkur
samúð og hlýhug við fráfall ástkærs eiginmanns,
föður, tengdaföður, afa og langafa,
Ingimars Þórðarsonar
Sérstakar þakkir fær starfsfólk Garðvangs fyrir góða umönnun.
Elínrós Jónsdóttir, Þórður Ingimarsson, Margrét Skarphéðinsdóttir,
Kristín Ingimarsdóttir, Guðmundur J. Guðmundsson, Jónatan
Ingimarsson, Gróa Einarsdóttir, barnabörn og barnabarnabörn.
Elskulegur eiginmaður, faðir okkar, stjúpfaðir,
tengdafaðir, afi, langafi og langalangafi,
Guðni Frímann Ingimundarson
Hólmgarði 64, Reykjavík,
sem lést á hjúkrunarheimilinu Skjóli föstudaginn 10. september,
verður jarðsunginn frá Fossvogskirkju fimmtudaginn 16. septem-
ber kl. 15:00.
Kristín Sigurðardóttir, Sigrún María Guðnadóttir, Sesselja Inga
Guðnadóttir, Markús Ragnar Þorvaldsson, Sigurður Guðnason,
Lilja María Ialfante, Sverrir Ómar Guðnason, Steinunn Jensdóttir,
Örn Eðvaldsson, Lena Andersen, afabörn, langafabörn og langa-
langafabörn.
RANNVEIG GUÐMUNDSDÓTTIR Eignaðist barnabarn og nöfnu á þessum degi fyrir sjö
árum og ætlar að koma í óvænta afmælisheimsókn til nöfnu sinnar á Ítalíu.
VEGGFÓÐUR Fasteignafélagið
Eik skreytti Þingholtsstræti 3
með 1000 króna seðlum á
mánudaginn. Veggfóðrið dýra
fékk að standa óhreyft í sólar-
hring en var tekið niður í gær-
kvöld og gefið til góðgerðar-
mála.

Smáauglýsingasíminn er 550 5000

auglysingar@frettabladid.is
MERKISATBURÐIR 15. sept.
1776 Herlið Breta náði New York á sitt
vald í amerísku byltingunni.
1883 The University of Texas í Austin
opnaði.
1940 Þýski flugherinn missti 185 vélar í
orrustunni um Bretland en ósig-
urinn í háloftunum varð til þess
að Hitler hætti við innrás í landið.
1949 Sjónvarpsþættirnir um The Lone
Ranger hófu göngu sína.