Fréttablaðið - 10.12.2004, Qupperneq 65

FÖSTUDAGUR 10. desember 2004 45

 


    


 
 



   

  
 
 
!
"#

$ %
    

& %  '(())) 





   
Sigur er krafan í öllum leikjum
Nýjum landsliðsþjálfara kvennalandsliðsins í knattspyrnu, Jörundi Áka Sveinssyni, er ætlað að
koma liðinu upp um styrkleikaflokk en stjórn KSÍ segir að það hafi Helenu Ólafsdóttur, fráfar-
andi þjálfara, mistekist.
KNATTSPYRNA „Ég get ekki tekið und-
ir þau sjónarmið að við höfum
komið illa fram við Helenu Ólafs-
dóttur,“ segir Eggert Magnússon,
formaður Knattspyrnusambands
Íslands. Í gær var gengið frá
ráðningu Jörundar Áka Sveins-
sonar sem nýs landsliðsþjálfara
kvennalandsliðsins til næstu
tveggja ára og Elísabetar Gunn-
arsdóttur sem þjálfara U21 árs
landsliðs kvenna.
Margir hafa gagnrýnt KSÍ
fyrir að endurnýja ekki samning-
inn við Helenu Ólafsdóttur, frá-
farandi landsliðsþjálfara, enda
flestir sammála um að hún hafi
skilað góðu verki.
Eggert viðurkennir það en seg-
ir að úrslit síðustu leikja liðsins
undir hennar stjórn hafi verið óá-
sættanleg og því hafi það orðið að
samkomulagi að skipta um í
brúnni.
„Það ber að þakka Helenu vel
unnin störf en þessi slæmu úrslit
gegn Noregi gerðu útslagið. Að
okkar mati á íslenska liðið að vera
í sama styrkleikaflokki og ná-
grannaþjóðirnar og hlutverk
landsliðsþjálfarans er að tryggja
að það markmið náist. Úrslitin í
síðustu leikjunum sýndu að það
hafði ekki náðst og því varð það
úr að skipta um þjálfara. Sigur er
krafa KSÍ í hverjum leik og það
verða sömu kröfur gerðar á hend-
ur Jörundar Áka í nýja starfinu.“
Jörundur Áki er ekki að taka
við kvennalandsliðinu í fyrsta
sinn. Hann þjálfaði liðið á árunum
2001 til 2002 en sagði starfi sínu
þá lausu en hann þjálfaði þá enn-
fremur fyrstu deildar lið Breiða-
bliks. Hann er eðlilega spenntur
fyrir þessu nýja verkefni.
„Það verður gaman að takast á
við þetta á nýjan leik. Ég er að
taka við ágætu búi frá Helenu og
þekki margar af þeim stelpum
sem spila með liðinu. Þó hafa
orðið breytingar enda alltaf ein-
hverjar þeirra sem láta barna sig
og aðrar koma í staðinn.“
Hvað breytingar varðar telur
Jörundur að í liðinu sé góður
grunnur til að byggja á til fram-
tíðar.
„Þetta er tiltölulega nýkomið
upp þannig að ég hef ekkert
gert neina áætlun á þessu
stigi en ætlunin er að
sjálfssögðu að vinna þá
leiki sem við spilum.“
Elísabet Gunnars-
dóttir, mun þjálfa U21 árs
landsliðið og ennfremur verða
Jörundi innan handar með þjálfun
A landsliðsins. Hún hefur sannað
sig sem einn besti þjálfari lands-
ins og stýrði liði Vals til Íslands-
meistaratitils í sumar.
„Mér líst mjög vel á þetta enda
gefur þetta mér
færi á að
kynnast öðr-
um hliðum
með lands-
liðinu en
með fé-
l a g s l i ð i .
Mér er í
m u n
a ð
læra eins mikið og ég get og svo
jafnvel seinna meir takast á við að
þjálfa A landsliðið en eins og er
tel ég að forysta KSÍ hafi gert rétt
í að velja Jörund enda vanur þjálf-
ari.“ albert@frettabladid.is
Liðin eru að styrkja sig í kvennakörfunni:
Fimm af sex með Kana
KÖRFUBOLTI Erlendir leikmenn
streyma nú til liðanna í 1. deild
kvenna í körfubolta en Njarðvík,
KR, Grindavík og Haukar hafa öll
styrkt sig með atvinnumönnum á
síðustu dögum.
Njarðvík fékk til sín serbnesk-
an bakvörð, Veru Janjic, en hin
liðin hafa fengið til sín bandaríska
leikmenn sem eiga að hjálpa til í
baráttunni.
Cori Williston spilaði sinn
fyrsta leik með KR í síðustu viku
líkt og Vera Janjic gerði í sama
leik með Njarðvík, Myriah Spence
skoraði 31 stig í 20 stiga tapi
Grindavíkur gegn Keflavík og þá
lék Ebony Shaw sinn fyrsta leik
með Haukum í gær.
Topplið Keflavíkur sem hefur
unnið alla leiki tímabilsins hefur
verið með bandarískan leikmann
frá byrjun móts og því er ÍS eina
liðið í deildinni sem hefur ekki
fengið til sín erlendan leikmann.
Það er ljóst að það mun taka
nýja leikmenn nokkrar vikur að
komast inn í leik sinna liða og því
verða næstu leikir eflaust opnir
og spennandi meðan styrkur lið-
anna með nýjum leikmönnum
kemur betur í ljós. ■
PÁLL AXEL VILBERGSSON, LEIKMAÐ-
UR GRINDAVÍKUR. Dæmdur í þriggja
leikja bann í öllum flokkum.
Aganefnd KKÍ:
Páll Axel í
þriggja leikja
bann
KÖRFUBOLTI Páll Axel Vilbergsson,
leikmaður Grindvíkinga, var
dæmdur í þriggja leikja bann í öll-
um flokkum af aganefnd KKÍ.
Páll Axel þótti hafa sýnt óprúð-
mannlega framkomu í leik Hauka
og Grindavíkur í unglingaflokki
kvenna en Páll er þjálfari flokks-
ins. Hann tekur út bannið, bæði
sem leikmaður og þjálfari í öllum
flokkum og missir þ.a.l. af næstu
umferð, bæði í deildar- og bikar-
keppni.
Páll Axel var ekki sáttur við
þessa niðurstöðu aganefndar
KKÍ. „Ég er svekktur með þennan
úrskurð en þar sem að þetta nær
ekki fjórum leikjum þá er ekki
möguleiki á áfrýjun. Ég verð bara
að taka þessu og hef í raun ekkert
meira um það að segja,“ sagði Páll
Axel í samtali við Fréttablaðið.
Bannið tekur gildi í dag en næsti
leikur Grindavíkur er gegn ÍR á
heimavelli í kvöld. ■
Birgir Leifur Hafþórsson:
Á einu höggi
yfir pari
GOLF Birgir Leifur Hafþórsson,
kylfingur úr GKG, var á einu
höggi yfir pari eftir fyrsta hring-
inn á Dunhill-mótinu sem fram
fer í Leopard Creek í Suður-Afr-
íku. Er hann ásamt fleirum í 66.
sæti en tæplega 160 keppendur
eru skráðir til leiks. Er þetta
fyrsta mótið sem Birgir Leifur
tekur þátt í á Evrópumótaröðinni
en þáttökurétt til þess vann hann
fyrir skömmu á Spáni. Er um
miklar peningaupphæðir að ræða
á mótum þessum og því mikil-
vægt fyrir Birgi að standa sig vel.
Bruce nokkur McDonald frá
Zimbabwe er efstur eftir fyrsta
hring á sex höggum undir pari en
stórstjarnan Ernie Els kemur þar
næstur á fimm undir. ■
BIRGIR LEIFUR Spilaði sæmilega fyrsta
daginn á sterku móti í Afríku og er í 66.
sæti ásamt fleirum.
VERA KOMIN TIL NJARÐVÍKUR Vera Janjic hefur byrjað vel með Njarðvík og er þar
sterkur bakvörður á ferðinni. Fréttablaðið/Stefán
JÖRUNDUR ÁKI Sést hér
ráða ráðum sínum
með Ion Geolgau á
bekknum hjá
Fram síðasta
sumar. Hann
hefur tekið
við
kvennalands-
liðinu í annað
sinn.
64-65 (44-45) sport 9.12.2004 20:10 Page 3