Fréttablaðið - 19.10.2006, Side 16

16 19. október 2006 FIMMTUDAGUR
LÖGGÆSLA Lögreglumenn við störf
í Bretlandi og Noregi, hafa að jafn-
aði sams konar eða minni vopna-
búnað en íslenskir starfsbræður
þeirra. Sænska, finnska og danska
lögreglan gengur hins vegar um
með sýnilega skammbyssu í belti.
Finnska lögreglan er vígvædd-
ust, en hún er búin lítilli skamm-
byssu, kylfu, piparúða og raf-
byssu; mjóu priki sem gefur frá
sér vægt rafstuð. Næst kemur sú
sænska með svipuð vopn og hin
finnska, nema hún notar ekki raf-
byssu. Að sögn Clars Johansson
hjá ríkislögreglustjóra Svíþjóðar
hefur vopnaburður lögreglunnar
vakið nokkra umfjöllun meðal
almennings í Svíþjóð síðustu þrjú
árin og frekar neikvæða en hitt.
Ólíklegt sé þó að reglum verði
breytt í grundvallaratriðum, því
áratugahefð sé fyrir skambyssun-
um og nokkuð víðtæk sátt um þær
í samfélaginu.
Svipaða sögu er að segja frá
Danmörku, Færeyjum og Græn-
landi, en þar ganga allir lögreglu-
menn með níu millimetra skamm-
byssur og kylfur. Erik Vand,
fjölmiðlafulltrúi danska ríkislög-
reglustjórans, segir að einnig sé
verið að prófa notkun á piparúða
og enn sem komið er hafi hann
reynst vel og verði líklega staðal-
búnaður í framtíðinni. Vand ítrek-
aði að fáheyrt væri að byssurnar
væru notaðar. Hart er á því tekið
og í hvert sinn sem skoti er hleypt
af eru málsatvik rannsökuð af rík-
issaksóknara. Danska lögreglan
notar ekki rafbyssur.
Norskir laganna verðir virðast
starfa innan svipaðs ramma og
þeir íslensku og vopnaburður
þeirra er í öllum meginatriðum sá
sami. Venjulegur lögreglumaður í
Noregi gengur hvorki með skot-
vopn um götur né geymir hann
þau í lögreglubílnum. Lögreglu-
stjóri getur þó skipað honum að
bera skamm- eða vélbyssu þegar
þörf þykir.
Í Bretlandi ganga löggur hvorki
með byssur né piparúða á sér,
heldur eru kylfa og handjárn talin
duga þeim. Andy Mahady hjá sam-
tökum breskra yfirlögregluþjóna
segir að lögreglan forðist í lengstu
lög að bera vopn og lögregluþjón-
arnir sjálfir hafi ekki sýnt því sér-
stakan áhuga. Rannsóknarlög-
reglumenn sem heimsæki grunaða
glæpamenn fari ekki vígbúnir á
vettvang, nema sést hafi til skot-
vopna á svæðinu, eða rökstuddur
grunur sé um að þar séu vopn.
Skotvopn eru heldur ekki geymd í
bílum embættanna, til dæmis við
þjóðvegaeftirlit. Innan bresku lög-
reglunnar eru þó vitaskuld menn
sem hafa hlotið þjálfun í vopnuð-
um átökum og eru ætíð til taks.
klemens@frettabladid.is
Breskar löggur
vilja ekki vopn
Danska, sænska og finnska lögreglan ber skamm-
byssu við skyldustörf, en norska og breska ekki. Lög-
reglan í Bretlandi notar ekki einu sinni piparúða.
SÆNSKA LÖGREGLAN Íslenskir og norskir lögreglumenn treysta meira á notkun
piparúða en aðrir starfsbræður þeirra í nágrannalöndunum. Danska lögreglan er nú
með úðann til reynslu. NORDICPHOTOS/GETTYIMAGES
BORGARSTJÓRN Framkvæmdasviði
Reykjavíkurborgar hefur verið
falið að gera tillögu að söluauglýs-
ingu vegna húseignarinnar á Frí-
kirkjuvegi 11. Borgarstjórn hefur
nú staðfest að húsið skuli selt.
Húsið á Fríkirkjuvegi 11 stend-
ur á tæplega 3600 fermetra lóð sem
rennur saman við liðlega 4100 fer-
metra lóð á Fríkirkjuvegi 13 og
myndar svokallaðan Hallargarð.
Ágúst Jónsson, skrifstofustjóri
hjá framkvæmdasviði borgarinnar,
segir of snemmt að segja til um
hversu stór hluti núverandi lóðar
fylgi húsinu við söluna.
„Okkur hafa enn ekki borist
skrifleg fyrirmæli frá borgarstjórn
og það er ekki búið að forma neinar
lýsingar eða skilmála. Það hafa
verið uppi margs konar raddir og
sjónarmið og það verður reynt að
horfa til þeirra. Menn vilja hafa
einhvern aðgang að Hallargarðin-
um,“ segir Ágúst.
Að því er Ágúst segir hamlar
deiliskipulag því ekki að væntan-
legur kaupandi hússins geti búið
þar kjósi viðkomandi svo. „Ég hygg
að þarna geti hvoru tveggja verið
atvinnustarfsemi og íbúðarhús,“
segir hann.
Vænta má þess að nokkrar vikur
líði þar til sölulýsing fyrir húsið
verður tilbúin.
„Það er töluverð vinna framund-
an. Það þarf meðal annars að meta
ástand hússins og ákveða hvort á að
þinglýsa kvöðum um einhvers
konar verndun á húsinu. Það var til
dæmis gert þegar borgin seldi
Heilsuverndarstöðina,“ segir Ágúst
Jónsson. - gar
Sölulýsing undirbúin fyrir Fríkirkjuveg 11:
Óljóst hversu stór lóðin verður
HALLARGARÐURINN Fríkirkjuvegur 11
stendur í norðurenda Hallargarðsins.
FRÉTTABLAÐIÐ/GVA
ATVINNUMÁL Að meðaltali 4.600
manns voru án vinnu og í atvinnu-
leit á þriðja ársfjórðungi 2006 eða
2,6 prósent vinnuaflsins. Atvinnu-
leysi mældist 2,2 prósent hjá
körlum en 3 prósent hjá konum.
Þegar litið er til aldurs var
atvinnuleysið mest meðal fólks á
aldrinum 16 til 24 ára eða 5,1
prósent.
Á sama tímabili í fyrra mældist
atvinnuleysi 1,8 prósent. Atvinnu-
leysi karla var þá 1,2 prósent og
2,4 prósent hjá konum. Atvinnu-
leysi var mest í aldurshópnum 16
til 24 ára eða 3,5 prósent. - sdg
Atvinnuleysi á 3. ársfjórðungi:
Fleiri atvinnu-
lausir en í fyrra
VEIÐIVÖRUR
FATNAÐUR
SKÓR
GRILL
ÚTILEGUVÖRUR
O.FL. O.FL.
ELLINGSEN OG ÚTIVIST & VEIÐI
ÚTSÖLUMARKAÐUR Síðumúla 11, opið 10–20 alla daga
PANTAÐU Í SÍMA
WWW.JUMBO.IS
554 6999
SAMLOKUBAKKI | TORTILLABAKKI | BLANDAÐUR BAKKI
ÞÚ GETUR PANTAÐ GIRNILEGA VEISLUBAKKA FRÁ OKKUR MEÐ LITLUM FYRIRVARA
vaxtaauki!
10%
Frábært TILBOÐ! Kynntu þér málið á spron.is
A
RG
U
S
/
06
-0
47
2