Fréttablaðið - 17.02.2008, Side 12

12 17. febrúar 2008 SUNNUDAGUR
timamot@frettabladid.is
Tilkynningar um merkis atburði, stórafmæli og
útfarir má senda á netfangið timamot@frettabladid.is.
Íslensk ættleiðing hefur verið starf-
andi frá byrjun árs 1978. Það byrj-
aði sem foreldrafélag nokkurra fjöl-
skyldna sem ættleitt höfðu börn frá
Kóreu með aðstoð norskrar ættleið-
ingarskrifstofu.
Tilgangurinn var að fá meira form
á samskipti við stjórnvöld og árið
1987 fékk félagið meðmælabréf frá
íslenskum stjórnvöldum til að leita
eftir samstarfi erlendis og var skrif-
stofan opnuð ári síðar. Í dag telur fé-
lagið um 300 fjölskyldur og börn
þeirra frá um 20 löndum.
Ingibjörg Jónsdóttir, formað-
ur Íslenskrar ættleiðingar, og Guð-
rún Sveinsdóttir framkvæmdastjóri
segja hópinn fara stækkandi.
„Fjölskyldurnar koma alls stað-
ar að af landinu,“ segir Ingibjörg.
„Stærstu löndin sem við ættleið-
um börn frá eru Indland og Kína.
Svo erum við einnig með sambönd
við Kólumbíu og Tékkland og mörg
fleiri þannig að hópurinn er stór og
fer stækkandi.“
Ingibjörg segir ýmislegt á döfinni
á árinu til að halda upp á tímamót-
in og nefnir málþing í maí þar sem
erlendir fyrirlesarar koma fram
og veglegan aðalfund félagsins 13.
mars þar sem sálfræðingur mun
fjalla um ættleiðingu frá sjónarhóli
barnsins en Ingibjörg segir félagið
leggja áherslu á að vinna með hags-
muni barnsins í fyrirrúmi.
Margir áfangar hafa náðst á þess-
um þrjátíu árum og nefnir Guðrún
atriði eins og jafnan rétt kjörfjöl-
skyldna til fæðingarorlofs og einnig
að fá ættleiðingu á erlendu barni
inn í íslensk lög. „Lengi var hvergi
minnst á ættleiðingar að utan í ís-
lenskum lögum,“ segir Guðrún. „Þau
tóku ekki gildi fyrr en árið 2000 og
þurfti að berjast dálítið fyrir því. Í
framhaldi af því fékk Íslensk ætt-
leiðing löggildingu frá dómsmála-
ráðuneyti til starfa sem skipti tölu-
verðu máli.“
Með löggildingunni varð Ísland
aðili að alþjóðlegum hagsamningi
um ættleiðingarmál. „Þessi samn-
ingur tryggir það í rauninni að ætt-
leiðingin sé á forsendum barnsins
en ekki á forsendum foreldranna
og að það sé í öllu ferlinu verið að
fjalla um ákveðið barn til ættleið-
ingar en ekki bara ættleiðingu á
óskilgreindu barni,“ útskýrir Ingi-
björg. Þær nefna fleiri mikilvæg at-
riði sem félagið hefur áorkað en árið
2007 fékkst það í gegn að fjölskyld-
ur fá styrk til ættleiðingar.
„Það skiptir miklu máli og jafnar
fjárhagsstöðu fólks því þegar þarf
að borga svona mikla peninga þá
segir það sig sjálft að fólk er fljótt
að detta út,“ segir Ingibjörg og Guð-
rún bætir við að það setji líka strik
í reikninginn að fólk þurfi sjálft að
borga hluta af tæknifrjóvgunum hér
á landi. „Víða á Norðurlöndunum
borgar ríkið allt að þrjár meðferðir
að fullu en hér borgar fólk hluta
sjálft og hefur ekki tækifæri til að
safna fyrir ættleiðingu á meðan.“
Þær eru sammála um að starfið sé
mjög gefandi en það geti tekið á fólk
að bíða eftir barninu sínu og biðtím-
inn getur dregist á langinn.
„Biðtíminn er að lengjast og er
stressandi og erfiður fyrir marga,
við finnum það og erum í því með
fólkinu,“ segir Guðrún. „Bæði er
verið að herða reglur úti og umsókn-
um hefur fjölgað. Börn sem eru laus
til ættleiðingar eru færri núna en
oft áður. En svo er alveg yndislegt
að sjá barn koma heim og vaxa og
dafna hjá fjölskyldu sinni.“
Ferlið sem þarf að ganga í gegn-
um þegar ættleiða á barn er flókið.
Fyrst þarf að sækja um og standast
þær kröfur sem íslensk stjórnvöld
gera til kjörforeldra áður en um-
sóknin er send út og svo hefst bið-
tími sem er oft 2-3 ár meðan málið
er í vinnslu í því landi sem ættleiða
á frá.
„Allt ferlið þarf að vera hundrað
prósent því þetta er mjög viðkvæmt
og vandmeðfarið,“ segir Ingibjörg.
„Börnin geta ekki borið hönd fyrir
höfuð sér og eru algjörlega varnar-
laus. Ég segi að hver ættleiðing
sé algjört kraftaverk. Í ljósi allra
þeirra hluta sem þarf að hafa í huga
þá er það að koma einu barni hingað
heim kraftaverk og þannig held ég
að við eigum að horfa á það.“
Félagið býður til hefðbundinnar
afmælisveislu í dag í tilefni tíma-
mótanna, með kökum og blöðrum og
skemmtiatriðum fyrir börnin og svo
verður endað á diskóteki fyrir ungl-
ingana.
heida@frettabladid.is
FÉLAGIÐ ÍSLENSK ÆTTLEIÐING: FAGNAR ÞRJÁTÍU ÁRA STARFSEMI
300 fjölskyldur alls staðar að
INGIBJÖRG JÓNSDÓTTIR FORMAÐUR ÍSLENSKRAR ÆTTLEIÐINGAR Segir starfið erfitt en mjög
gefandi.
JANICE DICKINSON FYRIRSÆTA ER 55
ÁRA Í DAG
„Ég flýg til Dallas í botox á
hálfs árs fresti. Ég ætla mér að
verða fallegasta lík í heimi.“
Janice Dickinsson var einn af aðal-
dómurunum í þættinum America´s
Next Top Model.
MERKISATBURÐIR
1737 Tólf manns látast í storm-
viðri og fjúkhríð sem gerði
fyrir norðan land.
1866 Kristján Jónsson fjalla-
skáld yrkir kvæðið Þorra-
þræl.
1933 Fyrsta tölublað fréttatíma-
ritsins Newsweek kemur
út.
1943 31 maður lætur lífið þegar
vélskipið Þormóður frá
Bíldudal ferst á leið frá
Vestfjörðum til Reykjavík-
ur.
1962 265 manns farast í stormi
í Hamborg.
1968 Kolakraninn við Reykja-
víkurhöfn rifinn. Hann var
um 25 m hár.
1982 Vatnsmagn í Elliðaánum
tvöhundruðfaldast í mikl-
um vatnavöxtum.
Golda Meir varð fjórði forsætisráð-
herra Ísraels og fyrst kvenna. Hún
fæddist í Rússlandi 1898 og flutt-
ist ung með foreldrum sínum til
Bandaríkjanna. Þar lauk hún skóla-
göngu gegn vilja foreldra sinna
sem vildu að hún hætti námi og
giftist. Golda giftist Morris Meyer-
son nítján ára gömul og saman
fluttu þau til Palestínu þar sem
hún vann á samyrkjubúi. Þau
settust svo að í Jerúsalem með
tveimur börnum sínum og Golda
varð ritari ráðs verkakvenna. Hún
tók virkan þátt í stjórnmálum og
1946 var hún foringi Gyðingaráðsins og var ein af
þeim tuttugu og fjórum sem skrifuðu undir sjálf-
stæðis yfirlýsingu Ísraels. Hún starfaði sem ut-
anríkisráðherra uns hún varð forsætisráðherra
árið 1969. Golda þótti hörð
í horn að taka og fékk viður-
nefnið Járnfrúin. Eftir morðin
á liði Ísraela á Ólypíuleikunum
í München 1972 leyfði Golda
Meir aðgerðir til að elta uppi
og drepa meðlimi „Svarta sept-
ember“ sem stóðu fyrir morð-
unum á íþróttaliðinu. Kvikmynd-
in Münich eftir Steven Spielberg
er byggð á þessum aðgerðum.
Golda biðlaði til Bandaríkjana
um hernaðarlega aðstoð árið
1973 þegar nokkur arabaríki
réðust inn í Ísrael en ríkisstjórn
hennar var gagnrýnd fyrir lélegan undirbúning
fyrir stríðið. Golda lét af störfum sem forsætis-
ráðherra árið 1974 og lést úr krabbameini fjórum
árum síðar, áttræð að aldri.
ÞETTA GERÐIST: 17. FEBRÚAR 1969
Golda Meir forsætisráðherra Ísraels
Systir okkar,
Elín Eiríksdóttir
(Stella)
Vitastíg 5, Hafnarfirði,
lést á heimili sínu fimmtudaginn 31. janúar.
Jarðarförin hefur farið fram í kyrrþey að ósk hinnar látnu.
Guðbjartur Eiríksson
Guðbjörg Eiríksdóttir
Hjartans þakkir færum við öllum þeim er
sýndu okkur samúð og hlýhug við andlát
og útför eiginkonu minnar, móður okkar,
tengdamóður, ömmu og langömmu,
Svövu Sigurrósar Hannesdóttur
frá Hannesarbæ, Keflavík,
síðar til heimilis að Hrafnistu, Hafnarfirði.
Sérstakar þakkir til starfsfólks á Hrafnistu Hafnarfirði
fyrir sérlega góða umönnun og óeigingjarnt starf.
Guð blessi ykkur öll.
Gestur Guðjónsson
Guðný Svava Gestsdóttir Ægir Jónsson
Guðjón Gestsson Marta Kristjánsdóttir
Sonja Gestsdóttir Haraldur Björgvinsson
Arn ar H. Gestsson Anna Ólafsdóttir
Gestur Kr. Gestsson Berglind F. Steingrímsd.
ömmu- og langömmubörn.
Ástkær eiginmaður minn, faðir okkar,
tengdafaðir og afi,
Snorri Þór Rögnvaldsson
húsgagnasmíðameistari,
Goðabyggð 12, Akureyri,
andaðist á FSA miðvikudaginn 13. febrúar.
Útför hans fer fram frá Akureyrarkirkju
fimmtudaginn 21. febrúar kl. 13.30.
Margrét Hrefna Ögmundsdóttir
Ögmundur Snorrason Deslijati Zjarif
Oddný Stella Snorradóttir Níels Einarsson
Rögnvaldur Örn Snorrason Kristjana Jóhannsdóttir
Ingibjörg Halla Snorradóttir Hreinn F. Arndal
Kolfinna Hrönn Snorradóttir Raymond Sweeney
Hanna Margrét Snorradóttir Thomas Tue Jensen
og barnabörn.
Innilegar þakkir til allra sem sýndu okkur
samúð og hlýhug við andlát og útför elsku-
legrar eiginkonu minnar, móður okkar,
tengdamóður og ömmu,
Margrétar G. Albertsdóttur
Krosshömrum 1a, Reykjavík.
Sérstakar þakkir færum við starfsfólki Landspítala við
Hringbraut, deild 11E, fyrir frábæra umönnun og hlý-
hug.
Birgir Þór Ólafsson
Helga Sólveig Jóhannesdóttir Guðmundur P. Jónsson
Þuríður Guðjónsdóttir Þórhallur Vigfússon
og barnabörn.
Hjartans þakkir til allra sem sýndu okkur
samúð, vináttu og hlýhug við andlát og
útför elskulegs eiginmanns, föður, tengda-
föður og afa,
Richard Svendsen (Rikki)
Suðurhólum 24, Reykjavík.
Úlfheiður Kaðlín Ingvarsdóttir
Ingvar Hinrik Svendsen Iðunn Vaka Reynisdóttir
Hermann Markús Svendsen
Elísabet Alma Svendsen
og barnabörn.