Fréttablaðið - 17.02.2008, Page 14
17. febrúar 2008 SUNNUDAGUR
Á RÖKSTÓLUM
H
ver er fyrsta minning
ykkar um hvort
annað?
Lokið augunum og
nefnið fjóra hluti sem
einkenna hvort annað.
Egill: Ég man fyrst eftir henni á
Kaffibarnum. Í grænni kápu fyrir
um tíu árum. Áttirðu ekki græna
kápu?
Oddný: Jú, ég átti sko lengi vel
græna kápu. Ég á svolítið erfitt
með þetta. Hvenær byrjaðirðu
með þáttinn? Eru tíu ár síðan?
Egill: Já.
Oddný: Þá man ég náttúrlega fyrst
eftir honum úr sjónvarpinu. En
það var eitthvert sumarið, líklega
árið 2000, þar sem við vorum í
sama „vinagengi“. Þá hittumst við
reglulega og drukkum saman
kaffi.
Egill: Já, það voru mjög ánægjuleg
kynni. Þetta var sumarið sem
Oddný og vinkonur hennar voru að
skrifa bókina Dís. En fjögur atriði
sem einkenna Oddnýju segirðu.
Það er þá fyrir það fyrsta að Oddný
kann að tala aftur á bak.
Oddný: Já, ég er slyng í því.
Egill: Svo segi ég bara fjölhæf,
greind og dugleg kona.
Oddný: Ég myndi segja að Egill
væri fyndinn, hlýr og skapandi
karl. Krullur koma líka mjög sterkt
upp í hugann. Hann hefur alltaf
verið eins og gróinn við Laugaveg-
inn.
Egill: Ég er einmitt svo hégómlegur
að ég hef velt því fyrir mér hvort ég
gæti kannski endað á því að verða
gerður að heiðursborgara fyrir að
vera nógu mikið í bænum. Það var í
það minnsta karl sem bjó fyrir ofan
Prikið hér í gamla daga sem var svo
gerður að heiðursborgara Reykja-
víkur af þeirri sök einni.
Oddný: Þú gætir allavega prófað
að gefa kost á þér.
Sigur Rós mætti segja veðurfrétt-
irnar
Nefnið einnig þrjá hluti um hvort
annað sem þið vitið ekki hvort eru
sannir eður ei, en gætuð engu að
síður trúað að væru það?
Oddný: Mig grunar að Egill sé frá-
bær pabbi. Og ég held hann sé ekki
alveg búinn að bræða með sér hvað
hann ætli að verða þegar hann er
orðinn stór. Hann á eftir að vinna
sína stærstu sigra og það verður
eitthvað tengt bókmenntum og
hans eigin sköpun. Svo held ég að
hann sé týpa sem hefur ekki sofið
mikið í tjaldi.
Egill: Það er auðvitað erfitt fyrir
mig að leggja dóm á þetta en ég
held ég sé ágætur pabbi. Ég var að
kveðja son minn, sem ég keyrði á
leikskólann, rétt áðan, og við
kvöddumst af mikilli ástúð. Og það
er satt – ég er ekki mikið gefinn
fyrir hrakninga. Þótt ég hafi reynd-
ar teorískan áhuga á til dæmis
heimskautaferðum og lesi mikið
um þær.
Oddný: En uppi í sófa og undir
teppi.
Egill: Ég held að Oddný sé ekkert
rosalega góður kokkur.
Oddný: Haaa… uu… ég… hvað…!
Egill: En það er ekkert neikvætt.
Ég geri enga kröfu til kvenna um
að þær séu góðir kokkar. Ég hugsa
að Oddný geti líka verið ströng við
börnin sín því hún er skynsöm en
jafnframt réttsýn. Ég er ekki alveg
viss um að pólitíkin sé hennar end-
anlegi áfangastaður en ef hún er
það getur hún farið alla leið.
Veðurfréttamenn eru nýju hasar-
hetjurnar okkar enda veturinn einn
sá versti – í það minnsta í sögu Ice-
landair. Ef þið fengjuð það verkefni
að ráða þrjár þjóðþekktar mann-
eskjur til að segja okkur veður-
fréttirnar, hverja mynduð þið
ráða?
Egill: Ég myndi ráða Vinstri-
græna. Ég myndi láta Steingrím,
Jón Bjarnason og einhvern einn
enn vera í þessu. Mér dettur það
allavega fyrst í hug, veðrið er búið
að vera svo vont og þetta er allt
eitthvað frekar neikvætt.
Oddný: Ég myndi ráða meðlimi
Sigur Rósar. Þar fara menn með
notalega nærveru í sjónvarpi.
Náttúrubörn og svona.
Egill: Já, þeir eru svolítið mosa-
legir.
Oddný: Svo dettur mér í hug Vala
Matt. Mjög jákvæð kona og það er
kannski akkúrat það sem við þurf-
um í þessari veðráttu.
Egill: Svo væri hægt að hafa Jón
Bjarnason í myndrænum veður-
fréttum. Ég er svo hrifinn af svona
einföldum veðurfréttum þar sem
veðurfréttamaðurinn kemur fram
í baðfötum eða snjógalla eftir því
hvernig viðrar.
Hefðum gott af kreppu
Úr veðrinu í þjóðfélagsástandið
sem að minnsta kosti erlendir
lánardrottnar og fjölmiðlar eru
farnir að kalla kreppu. Er þetta
kreppa eða hystería?
Hvaða þrjú sparnaðarráð mynduð
þið gefa vísitölufjölskyldunni sem
ætlar að komast í gegnum hann
krappan?
Og hver er eftirlætis kreppumáltíð-
in ykkar?
Oddný: ,,Kreppan“ er nauðsynleg
niðursveifla, til að ná jafnvægi.
Allir sem þekkja inn á bílvélar vita
að það er ekki gott að keyra bílinn
áfram í fimmta gír mjög lengi. Og
ég hef alltaf átt dálítið erfitt með
að dásama góðæri þegar við getum
ekki einu sinni mannað stöður og
störf sem okkur þykja þau mikil-
vægustu.
Egill: Ég er reyndar alveg sam-
mála þér í því að ég held að Íslend-
ingum verði ekkert meint af smá
kreppu. Ég er alinn upp á þeim
tíma þegar það var alltaf meira og
minna einhver kreppa og það var
bara alveg ágætt. Manni leið bara
alveg ljómandi vel. Fólk er auðvit-
að búið að spenna bogann hátt og
þótt það kubbist eitthvað af hluta-
bréfamarkaðnum er það kannski
bara allt í lagi. En svo mættu menn
líka þá fara að taka til núna – losa
okkur við krónuna og taka upp
skynsamari efnahagsstjórnun –
það er hætta á því að menn stökkvi
út í það að byggja nýtt álver í stað-
inn.
Oddný: Já, það þarf að styrkja
innviðina. Hina íslensku innrás.
En ég hlakka til að heyra sparnaðar-
ráðin þín Egill …
Egill: Já, ég er nefnilega hryllileg
eyðslukló þannig að ég get ekki
gefið nein ráð með góðri sam-
visku. Jú, ég gæti kannski sparað
með því að borða aðeins minna en
ég kann eiginlega bara að eyða
peningum. Eða jú ókei – hér er eitt
ráð – ekki taka bílalán.
Oddný: Hvað eigið þið marga
bíla?
Egill: Við eigum bara einn gamlan
Benz.
Oddný: Já, það er nú sparnaðar-
ráð – að eiga einn bíl. Það eru
margir sem gætu misst annan bíl-
inn og þar er til mikils að vinna.
Versla ódýrt og eitt ágætis ráð
líka er að segja upp Mogganum. Á
mínu heimili sparaði það bæði
pening og stórbætti andrúmsloft-
ið. Og það er ómetanlegt! Eins og
segir í auglýsingunni.
Egill: Heyriði, jú, ég sparaði! Ég
sleppti því að vera með enska
boltann. Og það kostar alveg
hryllilega mikið. Þetta er lúmskt
hvað maður sparar. En ég eyði allt
of miklum peningi í að sofa á 5
stjörnu hótelum á ferðalögum.
Það er hreinlega veikleiki hjá
mér.
Oddný: Þetta er heldur ekki svo
einfalt því þú sparar alveg örugg-
lega annars staðar ómeðvitað til
að geta leyft þér 5 stjörnu hótelin.
Allt spurning um forgangsröðun.
Egill: Já, þú segir nokkuð. Ég er
hreinlega að öðlast nýja innsýn í
sjálfan mig. Ég kaupi mér til
dæmis ekki dýr laxveiðileyfi.
Oddný: Þarna sérðu – það er nokk-
urs konar sparnaður.
Egill: Rétt er það. En eftirlætis-
kreppumáltíðin. Þegar maður fer
að hugsa um kreppumat kemur
eitthvað þjóðlegt upp í hugann en
slíkur matur er orðinn svo dýr í
dag. Það sem var kreppumatur
hér áður dugir ekki sem kreppu-
matur lengur. Ætli ég segi því
ekki linsubaunir og naglasúpa.
Oddný: Og ég kýs grjónagraut. Ég
Hvar var Kjartan
Egil Helgason langar svolítið til að vera gerður að
heiðursborgara Reykjavíkur og telur að Oddný
Sturludóttir sé lélegur kokkur. Oddný heldur að
Egill sé ekki gefinn fyrir útilegur og myndi gefa
honum hitapoka í Valentínusargjöf. Júlía Margrét
Alexandersdóttir fór yfir Valhallarflótta og kreppu-
máltíðir með rökstólapari vikunnar.
Oddný og Egill eiga bæði syni sem heita Kári. Á milli drengjanna er eitt ár.
Egill og Hallgrímur Helgason, unnusti Oddnýjar, eru gamlir vinir enda fæddir
sama ár.
Egill heldur að hann hefði gott af því að prófa að vera stjórnmálamaður í
einn dag.
Oddný væri einnig til í að prófa að stjórna Silfri Egils í einn dag og helga þá
þáttinn menntamálum.
Oddný og Egill eiga bæði foreldra sem starfað hafa sem kennarar.
➜ VISSIR ÞÚ AÐ...
Egill: Ég
gef ekkert
á Valentín-
usardaginn.
Ég veit ekki
einu sinni
hvenær hann
er! Verð ég?
Ég myndi þá
bara kannski
gefa Valdísi
Gunnarsdótt-
ur eitthvað.
Hún er svona
Valentínusar-
kona.
Oddný: Já,
hún eiginlega
skóp Valentín-
usardaginn í
íslensku sam-
félagi.