Tíminn - 17.02.1989, Blaðsíða 5
Föstudagur 17. febrúar 1989
Tíminn 5
Guðrún Ágústsdóttir í Borgardómi í gær þegar mál hennar var þar til
meðferðar. 'Iímamynd: Ámi Bjaraa
Guðrún Ágústsdóttir með prófmál fyrir Borgardómi:
Aðstoðarmaður krefst
biðlauna af ráðherra
sínum fyrir dómstóli
Guðrún Ágústsdóttir borgarfulitrúi, aðstoðarmaður og
flokksbróðir menntamálaráðherra, rekur nú mál fyrir
Borgardómi Reykjavíkur gegn fjármála- og menntamála-
ráðherra fyrir hönd ríkissjóðs.
Málið er rekið sem prófmál og
snýst um biðlaun er Guðrún telur
sig hafa átt rétt á fyrir um tveimur
árum, þegar starf hennar sem full-
trúi við Hjúkrunarskóla fslands
var lagt niður, samfara því að
skólinn hætti starfsemi sinni. Guð-
rúnu var boðin staða við námsbraut
í hjúkrunarfræðum við Háskóla
íslands. Hún afþakkaði þá stöðu
og sagðist ekki telja hana sambæri-
lega við fyrra starf. Hún fór þá
jafnframt fram á að fá biðlaun til
sex mánaða.
í lögum um réttindi og skyldur
opinberra starfsmanna segir að
réttur á biðlaunum falli niður af-
þakki starfsmaður sambærilega
stöðu þegar starf hans er lagt niður.
Guðrún sagði í samtali við Tím-
ann í gær að hún héldi að launakjör
í nýju starfi sem henni var boðið
við Háskóla íslands hafi verið
áþekk því sem hún hafði við Hjúkr-
unarskólann. Hinsvegar hafi starf-
ið við Háskólann ekki verið sam-
bærilegt að því leyti að það hafi
gert mun minni kröfur til hennar
sem starfskrafts. Þá virðumst við
vera komin að kjarna málsins og
því sem hennar krafa til biðlauna
er byggð á, eða eins og Guðrún
orðaði það: „Ég tel að meta verði
eðli starfsins, en ekki einungis að
tekið sé tillit til þeirra launa sem í
boði eru.
Mér finnst sem þetta dómsmál
skipti miklu og þá ekki síst fyrir
konur." Guðrún sagði að um væri
að ræða upphæð á bilinu 200 til 300
þúsund krónur og að á sínum tíma
hefði hún virkilega þurft á þessum
peningum að halda. í dag væri
þetta frekar spurning um grund-
vallaratriði.
- Þú kýst að líta á þetta sem
brautryðjendastarf fyrir konur, en
ekki óþægilega uppákomu fyrir
stjórnmálamann?
„Hvernig getur það verið óþægi-
leg uppákoma, þegar maður leitar
réttar síns fyrir dómstólunum? Að
mínu mati hefur verið brotið á mér
hvað biðlaunin varðar.
Ég hef stuðning frá mínu stéttar-
félagi, Starfsmannafélagi ríkis-
stofnana, og það er raunar í gegn-
um það félag sem mál þetta er
rekið. Mér þætti ég vera að bregð-
ast félögum mínum í félaginu ef ég
léti þetta mál ekki ganga sinn gang.
Það er hinsvegar hárrétt að núna
hefði verið þægilegra að vinna
undir sjávarútvegsráðherra," sagði
Guðrún.
Vissulega er aðstoðarmaður
menntamálaráðherra í nokkuð
sérstakri aðstöðu, verandi einn af
valdamestu mönnum ráðuneytisins
og á sama tíma að leita réttar síns
fyrir dómstólum, þar sem ríkislög-
maður er verjandi stofnunar þeirr-
ar er Guðrún vinnur fyrir.
Hún hefur rætt málið við
menntamálaráðherra Svavar
Gestsson og gert honum grein fyrir
stöðunni. Að sögn Guðrúnar fór
ráðherra ekki fram á frestun eða
neitt slíkt og mun málið því halda
áfram sinn eðlilega gang í dóms-
kerfinu.
Guðrún vildi taka fram að þetta
mál snerist ekki urn persónur og
því væri í sjálfu sér ekki óþægilegt
fyrir hana þó hún væri starfsmaður
ráðuneytisins.
Réttað var í málinu í allan
gærdag. Ekki tókst að ná í ríkis-
lögmann, Gunnlaug Claessen,
sjálfan og aðrir starfsmenn ríkis-
lögmanns þekktu ekki nægilega vel
til málsins til að geta tjáð sig um
það við Tímann.
Veðurfar lífgar upp á verslun með hlífðarföt
eftir erfiða vetur undanfarið:
Roksala í skjólfötum
og öðrum vetrarvörum
Kuldarnir og umhleypingarnir aö undanförnu hafa haft
margvísleg áhrif á þjóðlífið. Fólk hefur setið fast í bílum
sínum út um hvippinn og hvappinn og skolfíð.
Snjómokstur hefur kostað sveitar-
félög miklar fjárhæðir, að minnsta
kosti miðað við síðustu vetur sem
hafa verið með eindæmum mildir og
notalegir.
í Reykjavík og víðar um landið
hefur ófærðin valdið því að fjölmarg-
ir hafa ekki hreyft bíla sína og hafa
leigubílstjórar haft ærið að starfa.
Þá virðist sem sala og eftirspurn eftir
jeppum og öðrum fjórhjóladrifsbíl-
um, nýjum sem notuðum, hafi tekið
mikinn kipp.
Eigendur slíkar þarfaþinga eru þó
að sögn bílasala fastheldnir á jeppa
sína og hafi jeppaverð farið stígandi
síðustu vikur.
Ekki þótti blaðamanni ósennilegt
að fleiri en hann þreyttust á því að
vera skjálfandi af kulda og hálffros-
inn á fingrum og tám og spurðist
fyrir í nokkrum fataverslunum hvort
meira seldist af skjólflíkum, svo sem
kuldaúlpum og -húfum og kulda-
skóm en á sama tíma undanfarna
vetur.
Rúnar Ólafsson verslunarmaður í
Herraríki sagði að greinilegt væri að
mun meira seldist af slíkri vöru en
undanfarna vetur. í fyrra hefði nán-
ast ekkert selst af kuldajökkum,
-frökkum, treflum og kuldaskóm en
nú í harðindunum væri annað uppi á
teningnum.
„Það er engin spuming um það,“
sagði Þórður Ragnarsson hjá Herra-
garðinum. Hann sagði að eftir
dræma sölu á vetrarfatnaði í fyrra
hefðu menn ekki búist við mikilli
sölu í vetur og hefðu því ekki verið
með mikið úrval af kuldafatnaði nú.
Hann sagði að mikið hefði verið
spurt um slíkt í gær og fyrradag,
einkum í gær, enda var kalt í veðri,
allt að 12 gráðu frost og hvassviðri.
Herragarðurinn hefur átt ágætt
úrval af kuldaskóm og gönguskóm
með grófmynstruðum gúmmísólum
sem hafa runnið út í snjónum og
ófærðinni.
Vinnufatabúðin selur verulegt
úrval af skjólfatnaði fyrir karla og
konur. Þar varð fyrir svörum Daníel
Daníelsson. Hann sagði að sala á
kulda- og skjólfatnaði hefði tekið
mikinn kipp eftir að kuldakastið
hafði staðið um tíma. Sérstaklega
hefði sala aukist á hettuúlpum sem
lítið hafa hreyfst áður og væri nú
mikið spurt eftir þeim.
Pá sagði Daníel að óvenju mikið
hefði selst af loðfóðruðum samfest-
ingum, svokölluðum gæsagöllum,
sem bæði eru vatns- og vindþéttir
auk þess að vera hlýir.
Verslunin Geysir er gamalgróin,
virðuleg verslun í hjarta borgarinnar
við Aðalstræti.
Verslunarstjóri fatadeildar Geys-
is, Sigurður Magnússon sagði að
mun meira seldist nú af kuldaúlpum,
kuldajökkum og hlýjum frökkum en
undanfarna vetur. Hann sagðist þó
ekki hafa tekið neitt saman um
hversu mikill munurinn væri.
Óvenjumikið hefði einnig selst af
kuldaskóm í vetur en það tengdist
þó ekki eingöngu kuldakastinu því
rýmingarsala hefði verið hjá Geysi á
kuldaskóm áður en það hófst. í það
heila tekið sagði Sigurður að sér
sýndist jró að um það bil helmingi
meira hefði selst af kuldaskóm nú en
var á sama tíma í fyrra.
Tíminn ræddi einnig við menn
sem selja jeppa og Sveinbjörn for-
stjóri Egils Vilhjálmssonar sagði að
mjög jöfn og góð sala hefði verið í
Wagoneer og Cherokee jeppunum
sem eru bæði dýrir og vandaðir.
Hann sagðist þó vart telja að
ófærðin undanfarið hefði haft þar
veruleg áhrif á; „Menn kaupa nú
varla tveggja milljóna bíl eins og
hvern annan frakka þótt snjór sé,“
sagði Sveinbjörn.
Hreggviður Jónsson hjá Bílaborg
sagði Tímanum að Daihatsujeppar
hefðu selst vel í vetur og sem stæði
ættu þeir engan af nýju gerðinni sem
mikið hefur verið spurt eftir, Dai-
hatsu Feroza. Sending væri þó á
leiðinni, 40 bílar en af þeim eru 30
þegar seldir.
Hjá Fordumboðinu var sagt að
veruleg eftirspurn væri eftir jeppum
en jeppaeigendur væru nokkuð fast-
heldnir og vilja síður sjá af farkost-
um sínum í ófærðinni. Mikið væri
spurt eftir Suzuki Fox jeppanum og
algengt verð á tveggja til þriggja ára
bílum er á bilinu 400-600 þúsund.
’ -sa
Þessi maður þarf eltki að óttast kuldabota.
Tímunynd: Árai Bjaraa