Tíminn - 17.02.1989, Síða 15
Éöstudágur \l\ íébruár 1989
Tíminn 15
ÁRNAÐ HEILLA ''i :.
Sextugur:
JohannT.
Bjarnason
Starfsbróðir minn Jóhann Bjarna-
son, framkvæmdastjóri Fjórðungs-
sambands Vestfirðinga, fyllir sjötta
áratuginn um þessar mundir. Sex-
tugsafmæli er hvorki áfangi né
ferðalok, heldur nánast tímasetning
á lengri ieið, sem á sér óvissan endi.
Jóhann hefur kosið það hlutskipti
að vera fjarri starfsmönnum og vin-
um suður á Kanaríeyjum, ásamt
konu sinni Sigrúnu, þegar menn
vildu votta honum þakkir og árna
heilla.
Kynni okkar Jóhanns eiga sér
langa sögu. Þau hófust í Samvinnu-
skólanum á dögum Jónasar frá
Hriflu og endurnýjuðust þegar við
urðum starfsbræður á áttunda ára-
tugnum.
Jóhann Bjarnason er þeirrar gerð-
ar að hann verður allur og meiri, því
lengri sem viðkynningin verður.
Maðurinn er dulur að eðlisfari og í
raun innhverfur og að mörgu leyti
ólíkur hinni táknrænu vestfirsku
manngerð. Jóhann gengur æðrulaust
til átaka við verkefni sín og getur
verið þungur á árinni, þegar á ríður
að koma máli heilu í höfn.
Maðurinn er senn prúður og hátt-
vís og laus við persónulegar útistöð-
ur við samferðamenn sína og getur
með sínu hæga viðmóti laðað menn
til samstöðu. Þetta eru þeir mann-
kostir, sem mótað hafa störf Jóhanns
á vegum Fjórðungssambands Vest-
firðinga og í samstarfi vestfirskra
sveitarstjórnarmanna.
Jóhann Bjarnason er ekki sprott-
inn úr jarðvegi streðara í sveitar-
stjórnarmálum. Bakgrunnur hans er
áratugalöng störf, sem kaupfélags-
stjóri í Vestmannaeyjum og á ísa-
firði. Þetta veitti honum aðra og
meiri yfirsýn, en tíðkast með sveitar-
stjórnarmönnum.
Það var fjarri því, að Jóhanni sé
að skapi að setja fram óraunsæjar
kröfur, til annarrar handar, til að
þjóna sálfræðikreppum og sýndar-
mennsku og til að vera með í
krossferð á vit þess valds, sem lands-
byggðarmenn hafa reist sér sem
hurðarás um öxl. Úr áratugastarfi
kaupfélagsstjóra voru honum ljósir
annmarkar hins mögulega og hefur
lærst að bera skyn á skýjafar ósk-
hyggjunnar.
Jóhann er manna lagnastur um
málafylgju. Hann hefur tamið sér að
vinna að málum neðanfrá, með því
að kynna verkefni sín og freista
stuðnings þeirra manna, sem búa
málin í hendur þeirra, sem faka
ákvörðun á lokastigi. Hér er hann
okkur starfsbræðrum sínum fremri.
Á samstarfsfundum formanna og
framkvæmdastjóra landshlutasam-
taka sveitarfélaga fljúga hugmyndir
manna á milli. { slíkum hópi nýtur
Jóhann sín vel.
Á fyrstu árum okkar var rætt um
nauðsyn stjórnsýslumiðstöðva
landshlutanna. Jóhann kynnti þessa
hugmynd í „Sveitarstjórnarmálum“
og fékk um hana samstöðu á Vest-
fjörðum.
Á síðasta Fjórðungsþingi Vest-
firðinga, sem haldið var í hinni nýju
stjórnsýslumiðstöð, lét ég í ljós í
máli mínu, að Jóhann Bjarnason
væri frumkvöðull þessa máls og
færði honum sérstakar árnaðaróskir.
Mér var ljóst að þessum orðum
töluðum, að sumum alþingismönn-
um þætti nóg um. Þetta er vel. Það
er ljótur siður alþingismanna að
hengja á sig vegsauka sem rekja
má til árangurs af baráttu og frum-
kvæðis heimamanna.
Annað mál vildi ég minnast á,
sem mjög bar á góma á samráðsfund-
unum, það voru aukin heimastjórn í
orkumálum. Þetta var Jóhanni tölu-
vert hitamál. Fyrir forgöngu hans og
annarra forystumanna Fjórðungs-
sambands Vestfirðinga var stofnað
orkubú á Vestfjörðum.
Enn eru baráttumál Jóhanns í
burðarliðnum. Virkjun Blöndu hef-
ur sýnt fram á að hægt er að vinna
stórvirki í jarðgangagerð að hætti
nágrannalandanna. Stöðnuð yfir-
völd vegamála eru knúin til að
viðurkenna staðreyndir um að óskir
Vestfirðinga um jarðgangagerð séu
ekki lengur fjarstæða. Forysta
Fjórðungssambands Vestfirðinga
hefur flutt þetta verkefni fram um
áratugi. Nú er beðið reynslunnar í
Ólafsfjarðarmúla.
Við sextugasta leiðarsteininn bíð-
ur brattinn. Framundan eru þeir
tímar í samgöngumálum sem geta
ráðið sköpum fyrir vestfirska byggð.
Jóhann Bjarnason er Dýrfirðing-
ur. Ungur naut hann leiðsagnar
Eiríks Þorsteinssonar, kaupfélags-
stjóra, á Þingeyri. Hann vísaði Jó-
hanni leiðina í fróðskaparsetur sam-
vinnumanna. Þetta var það vega-
nesti sem hefur dugað Jóhanni vel til
að standa á sporði við þá langskóla-
gengnu íalviðrufslenskra þjóðfélags-
hátta, en þar hefur brjóstvitið og
lífshyggjan dugað best.
Hafðu þakkir og heillir frá starfs-
bræðrum þínum.
Við Áslaug færum ykkur Sigrúnú
bestu óskir og þakkir fyrir mikil og
góð kynni um langa hríð.
Áskell Einarsson.
Kveðja til prófessors
Gísla Más Gíslasonar
Fyrir viku komuð þið Árni Einars-
son hingað á almennan sveitarfund
er boðað var til af Veiðifélagi Mý-
vatns vegna tilmæla ykkar.
En þar sem ég náði ekki að kveðja
ykkur í fundarlok vil ég byrja á því
að flytja ykkur alúðarþakkir fyrir
komuna, og þann mikla fróðleik
sem þið fluttuð okkur um lífríki
Mývatns og þær byrjunarrannsóknir
sem þar hafa farið fram. Þó vissulega
séu þær grátlega skammt á veg
komnar. Þá vil ég og, sem náttúru-
verndarsinni, (að vísu sjálfsagt á
„glapstigum", eins og forstjóri Kísil-
iðjunnar, komst svo smekklega að
orði á fundinum um daginn) biðja
þig afsökunar á ræðu oddvita okkar
Mývetninga, hún var bæði honum
sjálfum og okkur Mývetningum til
háborinnar skammar. En sýnir þó
e.t.v. vel þann hug sem núverandi
valdhafar sveitarinnar bera til vernd-
unar Laxár og Mývatnssvæðisins.
Það er alveg rétt sem þú bentir
réttilega á í svarræðu þinni til
oddvita að hlutur og ábyrgð Náttúru-
verndarráðs er mikill. Ykkur var
með sérstökum lögum falið eftirlit
með lífríki þessarar sveitar og þið
verðið að gá að ykkur að sofna ekki
á verðinum. En gáið að því að hér
er ekki forsvaranlegt að taka neina
áhættu.
Og ég efast ekki um að ef þið
þurfið á hjálp eða aðstoð að halda
þá muni ekki standa á líffræðingum
og náttúruvísindamönnum um allan
heim að veita ykkur aðstoð.
En verið þess minnugir að það er
of seint að byrgja brunninn þegar
barnið er dottið niður í hann.
Um það bil sem Kísiliöjan tók til
starfa var ungur Islendingur við nám
í arkitektúr við Háskólann í Osló.
Hann heitir Magnús G. Björnsson.
Prófverkefni hans var hönnun
byggðar eða þorps í Reykjahlíð.
Var þar stuðst við norsk lög og
staðla.
Hann taldi að skilyrðislaust yrði
að dæla öllu skólpi og afrennsli bæði
frá byggð og verksmiðju út á Mý-
vatnssand eða annað þar sem af-
rennslið færi ekki í vatnið. Þegar
þetta var voru engin lög til sem
heimiluðu að hægt væri að setja slík
skilyrði. En er nú orðið of seint að
setja slík skilyrði ef enn á að auka
byggð og ferðamannaálag í sveit-
inni?
Að lokum nokkrar spurningar:
1. Hefur verið rannsakað hvort
meiri fosfór mælist í uppsprettunum
fyrir framan Bjarg og Reykjahlíð á
sumrin þegar gestaálagið er mest,
eða svo aftur á veturna?
2. Hafa þær tilraunaveiðar er farið
hafa fram á vegum Veiðimálastofn-
unar sýnt að lífsskilyrði og silungs-
mergð hafi aukist og batnað síðan
Ytri Flói var dýpkaður?
3. Hvaða ástæður heldur þú að
Iiggi til þess að í Másvatni á Mývatns-
heiði veiðist ágætur silungur nú í
janúar, 2ja-3ja punda bröndur, feitar
og bragðgóðar, en þær fáu bröndur
sem veiddust við tilraunaveiðar í
Mývatni á sama tíma máttu heita
óætar?
4. Hvað olli ungadauðanum við
Mývatn í sumar? Sem dæmi get ég
nefnt að ég var að slá með orfi og Ijá
bakka meðfram vatninu sem ekki
var hægt að koma vél við að slá. Og
á ca. 4 tímum fann ég 15 unga dauða
eða við það að drepast, sem höfðu
skriðið af vatninu upp á land til að
deyja. Og það merkilega var að
engin önd sást rneð þeim eða nálægt
þeim. Með von um greið svör.
Grænavatni 22. jan. 1989,
Sigurður Þúrisson.
Okeypis
hönnun
auglýsingar
þegar þú
auglýsirí
Tímanum
AUGLÝSINGASÍMI 680001
Fjölmiðla-
námskeið
Arnþruöur
Fjölmiðlanámskeiðið hefst fimmtudaginn 23. febrúar nk. kl. 17.30 og
stendur laugardaginn 25. febr. frá kl. 13.00 og sunnudaginn 26. febr.
frá kl. 13.00 að Nóatúni 21. Samtals 22 kennslustundir.
Kennari: Arnþrúður Karlsdóttir fjölmiðlafræðingur.
Getum enn bætt við örfáum þátttakendum.
Upplýsingar í síma 24480.
Stjórn LFK
Framhalds-
námskeið
Baldvin Kristján
Raddbeitingar og framsagnarnámskeið hefst miðvikudaginn 22.
febrúar kl. 20.00 að Nóatúni 21.
Kennarar: Baldvin Halldórsson, leikari
Kristján Hall
Getum enn bætt við örfáum þátttakendum.
Upplýsingar í síma 24480. /
Stjórn LFK /.
Kópavogur
Skrifstofan í Hamraborg 5 er opin þriðjudaga og miðvikudaga kl. 9-13.
Sími 41590. Heitt á könnunni.
Opið hús alla miðvikudaga kl.17-19. Félagsmenn eru hvattir til að
líta inn og taka með sér gesti. Efium flokksstarfið.
Framsóknarfélögin í Kópavogi.
Reykjanes
Skrifstofa Kjördæmissambandsins að Hamraborg 5, Kópavogi er
opin á mánudögum og miðvikudögum kl. 17 til 19. Sími 43222.
K.F.R.
Borgnesingar nærsveitir Spilum félagsvist í Samkomuhúsinu Borgarnesi föstudaginn 17. febrúar kl.20.30. Framsóknarfélag Borgarness.
. - - . •
t pm ■M 1
T Ö L V U N O T E N D U R
Víð í Ij’rentsmiðjunni Eddu
hönnu m, setjum og prentum
allar gerðir eyðublaða fyrir tölvuvinnslu.
i PRENTSMIÐIAN aclu\
1
Smiðjuvegi 3. 200 Kópavogu r. Sími 45000
t
Innilegar þakkir til allra þeirra er sýndu okkur samúð og vinarhug við
andlát og útför eiginmanns míns, föður okkar, tengdaföður, afa,
langafa og bróður
Hjatta Benediktssonar
fyrrv. aðalvarðstjóra,
Bústaðavegi 107.
Ingibjörg Stefánsdóttir
börn, tengdabörn, barnabörn, barnabarnabörn og systkini hins
látna.