Tíminn - 03.06.1993, Blaðsíða 9
Fimmtudagur 3. júnf 1993
Tíminn 9
Félag ekhi borgara í Reykjavík
Bridskeppni, tvímenningur, kl. 13. Opið
hús kl. 13-17 í Risinu.
Þjóöminjakort
Þjóðminjasafn fslands hefur gefið út
þjóðminjakort, leiðarvísi um fslensk
minjasöfti og nokkra áhugaverða minja-
og sögustaði víðs vegar um landið þar
sem eru friðlýstar fomleifar, hús, kirkjur
og önnur mannvirki í umsjá safnsins.
Kortið, sem er hið fyrsta sinnar tegund-
ar, er gert í íslenskri og enskri útgáfu.
Markmiðið með útgáfunni er að vekja
athygli og áhuga almennings og ferða-
fólks á söfnum og menningarminjum
hér á landi. Þjóðminjakort er einfaldað
skýringarkort og er maelt með þvf að það
sé notað með ferðakortum Landmælinga
íslands.
Auk minjasafna, sem Þjóðminjasafn fs-
lands rekur eða hefur eftirlit með, eru á
fjórða tug friðaðra bygginga víðs vegar
um landið f eigu eða umsjá safnsins.
Friðlýstar fomleifar sem safriið hefur eft-
irlit með em rúmlega 800 að tölu um
land allt
Þjóðminjakort verður til sölu í safnbúð
Þjóðminjasafns, á byggðasöfnum, af-
greiðslustöðvum olfufélaga og vfðar og
kostar 300 kr.
„Blómavals* í Kringliami
Dagana 3.-5. júní verða blóma- og garð-
dagar í Kringlunni. Þar er hægt að gera
góð kaup á ýmsu fyrir garðinn, en einnig
verður veitt ráðgjöf og kynningar verða á
staðnum. Göngugötum Kringlunnar
verður breytt í blómabreiðu, á meðan á
markaðnum stendur.
í dag hefst sölusýning, þar sem hægt er
að fá blóm, tijágróður og garðvörur á
góðu verði. Seld verða sumarblóm, fjöl-
ær blóm, pottaplöntur, afskorin blóm,
ýmiskonar matjurtir, s.s. kryddjurtir og
jarðarbenaplöntur, silkiblóm, trjá- og
runnagróður, áhöld, garðáburður, fræ og
margt fleira.
Meðal þeirra aðila sem verða með sölu-
starfsemi eru Skógræktarfélag Reykja-
víkur með trjá- og runnagróður, Skóg-
rækt rfkisins, sem selur harðgerðar
plöntur til jarðvegsbindingar og garð-
yrkjustöðvamar Garðyrkjustöð Ingi-
bjargar Sigmundsdóttur og Gróðrar-
stöðin Lundur, sem munu annast sölu á
sumarblómum og fjölærum plöntum.
Blómaverslunin Sólblóm mun selja
pottaplöntur og afskorin blóm ásamt
fjölmörgu til garðverkanna, og blóma-
verslunin Dalía kynnir silkiblóm í garð-
inn.
Kynning verður á starfsemi Garðyrkju-
skóla ríkisins, sýnd sérstök dvergtré sem
nefnast Bonzai- tré, og sérstök kynning
verður á vörum frá Aburðarverksmiðju
ríkisins, á vegum Byggt & Búið. Settur
verður upp sólpallur á vegum BYKO, þar
sem sýnd eru garðhúsgögn, skjólgirð-
ingar, ásamt því að ráðgjöf verður veitt á
staðnum. Ýmis önnur ráðgjöf verður
einnig á staðnum og má nefna að skrúð-
garðaráðgjöf verður á vegum íslensku
umhverfisþjónustunnar og hinn lands-
þekkti Óli Valur Hansson verður við-
skiptavinum Kringlunnar innan handar
milli kl. 15 og 18, fimmtudag og föstu-
og milli kl. 12 og 16 á laugardag.
Pennanum er lögð áhersla á garð-
yrkjurit og -bækur og í Hagkaupi verður
grillkynning í nýrri garðvöru- og grill-
deild í matvöruversluninni. Á laugardag
verður Vífilfell með kynningu á nýja
Fanta-drykknum og sýnd verða stutt
ballett-atriði, f tílefni „blómavalsins" f
Kringlunni.
Sérstakt blómahom verður útbúið fyrir
bömin, þar sem þeim býðst að útbúa
blómaskreytíngar og fara með heim með
sér. Blómahomið verður opið frá kl. 15
til 18 fimmtudag og föstudag, en frá kl.
12 tíi 18 á laugardag.
Verslanir Kringlunnar eru opnar frá 10-
18.30 alla virka daga, nema föstudaga,
þegar opið er tíl 19. Laugardaga er opið
frá 10-16.
Alþjóðleg ráðstefna um
hrossarækt haldin í ágúst
Dagana 11.-13. ágúst n.k. verður haldin á
Hótel Sögu fyrsta alþjóðlega ráðstefnan
um hrossarækt sem haldin er hér á landi.
Hún ber heitið: „Horse breeding and
productíon in cold climatíc regions".
Að ráðstefnunni standa Búnaðarfélag
fslands, Rannsóknastofnun landbúnað-
arins og hrossaræktardeild Búfjárrækt-
arsambands Evrópu (EAAP), sem ísland
er aðili að. Ráðstefnan verður haldin á
ensku. Undirbúningsneftid skipa þeir
Kristínn Hugason. dr. Ólafur Guð-
mundsson og dr. ólafur R. Dýrmunds-
son. Auk átta yfirlitserinda um erfðir,
kynbætur, frjósemi, fóðrun, beit, hirð-
ingu, heilsufar o.fl. verða á dagskrá 20-
30 stutt erindi sem sum verða kynnt á
veggspjöldum. Áhersla er lögð á hrossa-
kyn og hrossarækt f þeim hlutum heims
þar sem loftslag er svalt eða kalL Meðal
þátttakenda em nokkrir heimsþekktir
sérfræðingar, Ld. í kynbótum, sæðing-
um og næringarþörf hrossa. Ráðstefh-
unni lýkur með heimsókn á hrossarækt-
arbú og góðhestasýningu. öllum er
heimil þátttaka og hér er kjörið tækifæri
fyrir þá sem vilja kynna sér rannsókna-
niðurstöður og annað faglegt efni um
hross og hrossarækL Um leið gefst tæki-
færi tíl að kynna íslenska hestinn fyrir
hinum erlendu þátttakendum, en þeir
verða frá ýmsum löndum, bæði austan
hafs og vestan. Mikil gróska er f hrossa-
rækt víða um heim og er þess vænst að
ráðstefnan hér renni styrkari faglegum
stoðum imdir þessa búgrein í norðlæg-
um löndum.
Nánari upplýsingar um ráðstefnuna gef-
ur ritari undirbúningsnefndar, dr. ólafur
R. Dýrmundsson, Búnaðarfélagi fslands,
Pósthólf 7080,127 Reykjavík, símar 91-
630317 og 91-630300, myndsendir 91-
623058, og ber að tílkynna honum þátt-
töku sem fyrsL
NýÚrvalsbók:
Tvíblinda
Út er komin hjá Frjálsri Fjölmiðlun í
bókaflokknum Úrvalsbækur Tvfblinda,
eftir David Laing Dawson. Höfundurinn
er klínfskur geðlæknir í Ontario í Kan-
ada. Sögusviðið, sem hann velur bókum
sínum, er úr því umhverfi sem hann
gjörþekkir. Aðalpersóna Tvfblindu er
læknir að nafni Snow. Hann er ósköp
venjulegur maður, og breyskleiki hans er
áfengið. En þegar sagan hefst hefur hann
farið f meðferð og er að vinna sig upp aft-
ur, sem móttökulæknir á stórum spftala.
Þess má geta f leiðinni að Blindrafélag-
ið hefur einmitt valið bókina Á elleftu
stund, aðra Úrvalsbók einnig eftir David
Laing Dawson, til útgáfu sem hljóðbók.
Lesari er HjaJtí Rögnvaldsson leikari.
Blindrafélagið hefur áður gefið út nokkr-
ar hljóðbækur, bamaefni og sígilt efni,
en hyggst í sumar gefa út á snældum
tvær spennubækur í tílraunaskyni.
Hljóðbækur Blindrafélagsins eru ætlaðar
á almennan markað, ekki síst handa
þeim sem hyggjast aka langar leiðir og
vilja nota tímann tíl að hlusta á góðan
lestur á áhugaverðu efni.
Árieg námsstefna
fræðslustjóra fyrirtækja
og félagasamtaka
Á síðastliðnum vetri vom stofnuð sam-
tök fræðslustjóra fyrirtækja og félaga-
samtaka. Samtökin em öllum opin og
starfa að sameiginlegum áhuga- og hags-
munamálum fræðslustjóra, m.a. með
öflugu fræðslu- og fundastarfi.
Einu sinni á ári efna samtökin tíl um-
fangsmikillar námsstefnu um efni er lýt-
ur að starfi fræðslustjóra. Þann 10. og
11. júní nk. verður haldin að Flúðum
námsstefha þar sem tekin verða fyrir at-
riði er varða val og undirbúning leið-
beinenda, arðsemimat f starfsmanna-
fræðslu, hönnun og útgáfu námsefnis,
starfsfræðslu fyrir fólk á landsbyggðinni
og loks munu fræðslustjórar, er sóttu
ráðstefnu The American Society for
TYaining and Development í Atlanta í
Bandaríkjunum nú í maí, greina frá nýj-
ungum er þar voru kynntar.
Allar frekari upplýsingar um námsstefn-
una og samtök fræðslustjóra fást á skrif-
stofu Endurmenntunarstofnunar Há-
skólans, Tæknigarði.
Ráöstefna um hjúkrun
á Akureyri
Ráðstefna á vegum heilbrigðisdeildar
Háskólans á Akureyri verður haldin í
safnaðarheimili Akureyrarkirkju dagana
14.-15. júní n.k. Ráðstefnan ber heitíð:
„Hjúkrun: Áfram veginn", hún er ætluð
heilbrigðisstéttum og er öllum opin.
Aðalfyrirlesari á ráðstefhunni verður
finnski hjúkrunarfræðingurinn Dr. Katíe
Eriksson, prófessor við Abo Akademi, og
ber fyrirlestur hennar yfirskriftina „Car-
ing or Nursing Theology" (Umhyggja eða
hjúkrunarguðfræði).
Aðrir fyrirlesarar á ráðstefnunni eru
hjúkrunarfræðingamir dr. Kristín
Bjömsdóttír, Magna Bimir, Herdís
Sveinsdóttir, Hildur Helgadóttir, Mar-
grét Ámadóttir og Sigfríður Inga Karls-
dóttír. Einnig flytja dr. Guðmundur
Heiðar Frímannsson heimspekingur og
Hermann Óskarsson félagsfræðingur
fyrirlestra. Þá mimu nýútskrifaðir hjúkr-
unarfræðingar frá Háskólanum á Akur-
eyri kynna niðurstöður úr lokaverkefn-
um sínum við skólann.
Þátttaka tílkynnist tíl skrifstofu heil-
brigðisdeildar í sfma 96-11770. Frestur
tíl að skrá þátttöku er tíl 4. júní.
Þátttökugjald er kr. 4000. Einnig er
hægt að skrá sig til þátttöku í einn dag
og er gjaldið þá kr. 2500. Greiða skal
þátttökugjaldið við afhendingu ráð-
stefhugagna að morgni 15. júnf.
f tengslum við ráðstefnuna verður sýn-
ing á bókum og hjúkrunargögnum í sal-
arkynnum Safnaðarheimilisins. Einnig
verður sýning á listaverkum hjúkrunar-
fræðinga.
Fjárhagskröggurnar voru að gera út af við hana og hjónabandið:
skrifar og skrifar
og bækurnar
hennar renna út
Leikkonan Lucinda Edmonds
hafði átt góða og áhyggjulausa
daga. Fyrir þrem árum var hún
stjaraa, sem fór með aðalhlut-
verk í vinsælum leiksýningum
og sjónvarpsþáttum og gerði
það gott. Lítið grunaði hana þá
hvað væri í vændum fyrir hana
og mann hennar, Owen, sem
lika er leikari.
Þau giftu sig í maí 1988 og
ákváðu að flytja í lítið hús f Le-
icestershire. Þau komust fljót-
lega að því að það var of langt
frá London og oft urðu þau að fá
að gista hjá vinum þar eftir
vinnu. Þau ákváðu því að festa
kaup á íbúð í London.
Og þar með lágu þau í því. Þau
gátu ekki selt litla húsið sitt í
sveitinni, svo að þau urðu að
taka lán til að kaupa íbúðina.
Þrem vikum eftir að þau fluttu
fékk Lucinda einkirningasótt.
Lucindu leiddist einhver ósköp í
veikindunum og Owen hvatti
hana til að fara að skrifa. Hún
hafði gengið með hugmynd í
maganum í nokkur ár, en gerði
fátt í málinu.
í Englandi varð efnahagslægð-
in sífellt dýpri og færra varð um
fína drætti í leikarastarfinu. Að
sama skapi bólgnuðu skuldir
hjónanna ÚL Lucinda var rúm-
liggjandi og Owen fór að selja
tryggingar. Það starf varð enda-
sleppt, Owen fékk taugaáfall og
nú fór verulega að syrta í álinn.
Bankastjóri þeirra hjóna til-
kynnti þeim að Lucinda yrði að
fá sér vinnu, og hún réði sig
sem ráðgjafa fyrir þá sem misst
höfðu vinnuna vegna skipulags-
breytinga. Og nú fór hún alvar-
lega að fást við skáldsöguritun-
ina í frítímum. Hún sýndi um-
boðsmanni afraksturinn og
hann lét hana endurrita söguna
„Lovers and Players" sem kom
út 27. maí sl. En Lucinda var í
kapphlaupi við tímann, bankinn
var á hælunum á þeim og ætlaði
að taka af þeim húsið, en aðeins
viku áður hafði Lucinda undir-
ritað samning við útgefanda að
bókinni.
Nú hefur Lucindu tekist að
borga meiripart skuldanna, þau
eru búin að selja íbúðina í
London og smám saman eru
Erfiðleikamir hafa fært þau Lucindu og Owen Edmonds nær hvort Oðru og
nú lítur út fyrir að Hal litli, sem fæddist í janúar, eigi eftir að lifa viö fjárhags-
legt öryggi.
þau að ná fótfestu á ný. Erfið-
leikarnir hafa lfka styrkt hjóna-
bandið, sem var farið að riða.
Lucinda segir þau upphaflega
hafa flutt frá London til að
bjarga hjónabandinu. En þegar
fjárhagslegt gjaldþrot blasti við
þeim, gerðu þau sér grein fyrir
að þau gætu misst fleira en
eignir, þau gætu misst hvort
annað.
Nú horfa málin þannig við að
fyrsta bók Lucindu er þegar
komin út, sú næsta er væntan-
leg í ágúst. Owen er búinn að
skrifa sjónvarpshandrit og litli
Hal, fæddur í janúar, hefur end-
anlega innsiglað hamingjusamt
fjölskyldulíf.
,AHt var svo hræðilegt, en nú
eigum við eftir að komast af,“
segir Lucinda. „Við erum per-
sónulega gjaldþrota, en við höf-
um þak yfir höfuðið og nú
kunnum við að meta allt sem
við eigum."
Giftingarhring Emmu
Thompson stolið
Breska leikkonan Emma Thomp-
son varð fyrir mikilli raun um dag-
inn og er sagt að henni hafi orðið
mikið um þegar giftingarhringnum
hennar var stolið.
Þjófar brutust inn í farangurs-
geymsluna á bíl aðstoðarmanns
Emmu og hirtu það sem þar var. í
tösku var fatnaður Emmu, vegabréf
— og giftingarhringurinn. Emma
var sjálf önnum kafin við kvik-
myndatökur og þar í liggur skýr-
ingin á því að hún bar ekki gifting-
arhringinn á hendi þá stundina.
Reyndar var leikkonan á förum til
New York til að sjá mynd manns
síns, Kenneths Branagh, „Ys og þys
út af engu“, og þess vegna var líka
vegabréfsmissirinn bagalegur. En
vegabréfseftirlitsmenn á Heathrow
tóku fæðingarvottorðið hennar gott
og gilt í staðinn og í New York var
henni tekið með kostum og kynj-
um. „Fínt er, Óskarsverðlaunahafi,
gerðu svo vel að ganga beint í
gegn,“ sögðu vegabréfseftirlits-
menn þar á bæ.
Emma Thompson er margverð-
launuð leikkona. En þaö er ekki þar
með sagt að sjálfsagt sé að stela
frá henni persónulegum munum.